Bola Voli
Bola voli nyaéta hiji wangun olahraga anu kaasup kana cabang olahraga kaulinan.[1] Voli (volley) hartina gebugan langsung atawa ngagebug bola langsung di udara satacan bolana murag kana taneuh.[1] Kaulinan bola voli dipaénkeun ku dua regu nu unggal reguna aya 6 urang pamaén, unggal regu ngusahakeun sangkan bisa ngagebug jeung muragkeun bola ka jero lapang ngaliwatan luhureun jaring atawa nét jeung nyegah pihak lawan bisa ngagebug bola jeung muragkeun bola ka jero lapanganana.[1] Bola bisa digebug ku leungeun atawa anggota awak nu liana ti wates cangkéng ka luhur maké pantulan nu sampurna, saluyu jeung peraturan nu geus ditangtukeun.[1]
Sajarah bola voli
[édit | édit sumber]Kaulinan bola voli diciptakeun di kota Holyoke, Amérika Serikat dina taun 1895 ku William G. Morgan.[1] Manéhna nu ngabina pendidikan jasmani ti paguyuban pamuda-pamuda Kristen (Young Men Christian Association/ YMCA).[1] Mimitina kaulinan bola voli, dibéré ngaran Mintonete nyaéta wangun kaulinan nu sarua jeung bulu tangkis (badminton).[1] Jumlah pamaéanna nalika éta teu diwatesanan, sabab tujuanana ngan dimaksudkeun pikeun ngabina jeung mekarkeun latihan keur kasegaran jasmani.[1] Tapi ku sabab kaulinan éta dipikaresep pisan ku urang Amérika sarta sumebarna gancang pisan, tuluy William Gt. Morgan ngusahakeun pikeun ngajadikeun kaulinan éta jadi salah sahiji cabang olahraga nu bisa dipertandingkeun.[1] Ku lantaran éta, kaulinan Mintonette dirobah ngarana jadi kaulinan bola voli (Volley ball) nu aya nepi ka ayeuna.[1] Bola voli di Indonesia gancang pisan sumebarna jeung dipikaresep pisan ku masarakat. Nalika diayakeun kajuaraan nasional bola voli kahiji di Jakarta dina taun 1955, bareng jeung diresmikuenana Peraturan Bola Voli Seluruh Indonésia nu disingget PBVSI tanggal 22 Januari 1955.
Téhnik dasar dina bola voli
[édit | édit sumber]Téhnik dasar dina kaulinan bola voli mimitina mah ngawengku sérvis jeung ngabagi-bagi bola (pass), boh ti luhur boh ti handap.[1] Tapi beuki maju jeung mekarna bentuk-bentuk gerakan dina kaulinan bola voli jadi aya téhnik dina ngalakukeun smash jeung téhnik pikeun ngantisipasi smash ti lawan (téhnik ngabendung/block).[1]
Prasarana bola voli
[édit | édit sumber]Lapangan bola voli bentukna persegi panjang nu ukuran panjangna 18 m jeung lébarna 9 m, sakabéh garis wates lapangan, garis tengah, garis daérah serang 3 m (daérah hareup.[2] Daérah service nyaéta daérah nu lébarna 9 m di tukangeun unggal garis ahir.[2] Jaring atawa nét pikeun bola voli ukuranna teu leuwih ti 9,50 méter jeung lébar teu leuwih ti 1,00 méter nu pétak-pétak atawa mata jaring ukuranna 10 x 10 cm, tinggi net keur lalaki 2,43 méter sarta keur awéwé 2,24 meter.[2] Bola kudu buleud dijieun tina kulit anu leuleus atawa dijieun tina kulit sintétis nu bagian jerona dibéré karét atawa bahan sajenis.[2]
Referensi
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |