Сегед

Город з правами жупы Сегед Szeged Застава Герб Держава МадярщинаМадярщина Жупа Чонград-ЧонадЧонград-Чонад Статус центер жупы Координаты 46.25, 20.16916746°15′00″ с. ш. 20°10′09″ в. д. / 46.25° с. ш. 20.169167° в. д. (G) (O) (Я) Розлога 281 км² Надморска вышка 75 м Обывательство 159 074[1] особ (2021, 1. януар) Часова зона UTC+1, влѣтѣ UTC+2 Телефонный код +36 62 Поштовый индекс 6700–6791 Официалный сайт [1] мад.англ. Сегед Сегед на Викискладѣ

Сегед, мад. Szeged, нѣм. Segedin, хорв. Segedin, лат. Partiscum — 159-тысячный город з правами жупы на юговыходѣ Мадярщины,^[2] в жупѣ Чонград-Чонад, административный центер жупы и округа Сегед, пристав на рѣцѣ Тиса, поблизь од троймеджа Мадярщины, Румынии и Сербии.^[3] Третий найвекшый подля обывательства по Будапештѣ и Дебреценѣ.

Первый раз в историчных документах ся споминать в хартѣ краля Бейлы III. з року 1183 под назвов Циггедин (Ciggedin). Розвивав ся яко центер торговлѣ, в том числѣ сольов. Спустошеный в добѣ монголского впада до Европы (1241–1242). В року 1247 достав городскы привилегии. Под далшым ростом османской грозбы достав вызнам военско-политичного центра: в часѣ панованя Жигмонда Луксембургского быв обнесеный мурами. В року 1444 ту подписали мадярско-турецке примирѣня. Од року 1498 достав статус кральовского вольного города. В року 1526 спустошеный турецкым войском и входив до Османской империи под турецков назвов Сегедин, Segedin аж до року 1686, коли быв взятый австрийскым войском и прилученый ку землям Габсбургох. Быв в числѣ центрох войны за независимость Мадярского кральовства (1848–49). В року 1854 споеный желѣзницьов з Пештом. В року 1919 быв сѣдлом правой влады, котра придусила Мадярску Совѣтску Републику. В рокы Другой свѣтовой войны 11. децембра 1944 выслободженый Червенов армадов. Од року 1962 административный центер жупы Чонград, котрой назва од року 2020 Чонград-Чонад.^[4]

Велика часть промысловых товарень социалистичной добы (потравиновы, текстилно-конфекчны, деревообробны, скорарско-обувны, машинарскы, гумарскы)^[2] по року 1990 заникли. В сучасности ведучым конарьом зоставать потравинарство: мясо- и молокопродукты, конзервы, присмачкы, вино, палинка.

Сегед — центер ропо- и газодобываючого региона Южна Низина: добыча ропы около 4 млн. т, 2012 (мадярскый концерн MOL); земного газа (канадска компания Falcon); подземный газозбор (капацита 4 млрд. м³) и переробка земного газа. Тыж звязане з тым машинарство продукуе обладунок про ропный и газовый промысел.^[4]

• Szeged. Encyclopedia Britannica. 24 May. 2019. https://www.britannica.com/place/Szeged. [перевірено 2021-12-28].  англ.
• Helységnévtár: Szeged. Központi Statisztikai Hivatal. 2021-01-01. https://www.ksh.hu/apps/hntr.telepules?p_lang=HU&p_id=33367. [перевірено 2021-12-28]. мад.англ.
• Лобанов М. М. (2017). СЕГЕД. Большая российская энциклопедия. Том 29. Москва, 2015. стр. 663–664. https://old.bigenc.ru/geography/text/3544848. русс.
• Трёшников А. Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6 русс.