Gieugh dël quìndes

Ël gieugh dël quìndes a l'é 'n gieugh ch'a consist ëd quìndes quadret numerà da 1 a 15, montà an sna scachiera ëd quatr file da quatr casele, an manera da lassé na casela veuida. Ël but dël gieugh a l'é ëd rangé ij quadret ant la giusta sequensa numérica (an lesend le file a parte da 'n àut e da snistra a drita), an dovrand la casela veuida për feje score.

Ël gieugh dël quìndes a l'é stàit anventà da Sam Loyd. A l'era vendù con ij quadret dël 14 e dël 15 anvertì e l'anventor a l'avìa ufrì un premi an sòld a chi a fussa stàit bon a rangene la disposission. An efet, ës problema a l'avìa pa 'd solussion.