Dracma
La dracma es lo nom donat a de monedas grèga batudas durant l'Antiquitat. N'existís una gròssa diversitat bòrd que sa fabricacion e sa mesa en circulacion èran un simbòl de l'independéncia d'una ciutat. Pasmens, lei pus famosas son aquelei que pòrtan la machòta d'Atenas coma efigia. Certanei dracmas èran totjorn utilizadas durant la premiera partida de l'Edat Mejana coma l'indican de mencions dins l'Alcoran. Etimologicament, lo tèrme es a l'origina dau mot diram que designa divèrsei monedas aràbias. Inspirèt tanben lo nom de la dracma grèga, la moneda utilizada per la Grècia modèrna de 1833 a 2002.