Charles Darwin

Pels articles omonims, vejatz Darwin.

Charles Robert Darwin
Charles Darwin en 1854
Naissença	12 de febrièr de 1809 The Mount, Shrewbury, Anglatèrra
Mòrt	19 d'abril de 1882 Down House, Kent, Anglatèrra
País d'origina	Anglatèrra
Distincions	Òrdre del meriti per las sciéncias e las arts; Medalha reiala (1853); Medalha Wollaston (1859); Medalha Copley (1864); Òrdre Per lo Meriti (1868).
Signatura
modificar

Charles Robert Darwin (The Mount, Shrewbury, Anglatèrra 12 de febrièr de 1809 - Down House, Kent, Anglatèrra, 19 d'abril de 1882) foguèt un biologista anglés que desvolopèt la primièra teoria d'un mecanisme biologic de l'evolucion, la seleccion naturala, qu'explica la diversificacion de la vida a travèrs un lent procès de modificacion per l'adaptacion.

Comencèt d'estudiar la medecina a l'universitat d'Edimborg, puèi la teologia a Cambridge^[1]. Entre 1831 e 1836, faguèt un viatge al bòrd del naviri Beagle coma geològ. La publicacion de son jornal de viatge lo faguèt venir celèbre. Intrigat per la distribucion geografica de la fauna salvatge e dels fossils que n'aviá reculhit d'especimens durant son viatge, estudièt la transformacion de las espècias e ne concebèt sa teoria sus la seleccion naturala en 1838. Foguèt fortament influenciat per las teorias de Georges-Louis Leclerc de Buffon.

Amb la publicacion de L'origina de las espècias lo 24 de novembre de 1859, establiguèt que totes las espècias an evolucionat al long del temps a partir d'aujòls comuns mejaçant la seleccion naturala

1. ↑ (en) David Leff, sul site AboutDarwin.com, consultat lo 29 de genièr de 2010, chapitres : « How did his love of natural science develop ? », « What did Darwin accomplish while at medical school ? » et « How was his thirst for science nurtured at Cambridge University ? ».