Marienborg stasjon

Marienborg stasjon
Marienborg haldeplass 2007
Stasjonsområde
Stad	Marienborg
Distanse	549,95
Opna	7. januar 2001
Arkitekt	Pir II - Frederik Shetelig
Linjer og rutedrift
Linje(r)	Dovrebanen, Stavnebanen
Overgang
Marienborg haldeplass

Marienborg stasjon er ein haldeplass på Dovrebanen ved Marienborg i Trondheim. Lokaltoga på Trønderbanen stoppar på haldeplassen. Marienborg opna i 2001 og erstatta Stavne stoppestad som låg 700 meter lengre sør. Stasjonen har to plattformer, ligg 549,95 kilometer frå Oslo sentralstasjon og omlag 2 kilometer sørvest for Trondheim stasjon. Det nordre tilsvinget til Stavne-Leangenbanen tar av frå Dovrebanen ved Marienborg.

Marienborg stasjon ligg på området til lokomotivverkstaden på Marienborg. Han ligg òg like ved St. Olavs hospital, med bru over Nidelva til sjukehuset.

Marienborg spela ei viktig rolle i Nidareid-ulykka i 1921, der nordgåande dagtog frå Støren skulle ha venta på kryssande tog på stasjonen, men køyrde fram og kolliderte med eit sørgåande ekstratog ved Ila. Ombord på ekstratoget var ei lang rekkje prominente samfunnsborgarar som hadde vore gjestar på den høgtidelege opninga av Dovrebana dagen før. Seks personar døydde i ulykka, mellom anna arkitekten Erik Glosimodt som hadde teikna stasjonsbygningane langs bana.

• Thor Bjerke og Finn Holom (2004). Banedata 2004. Norsk Jernbaneklubb/Norsk Jernbanemuseum. s. 96–97. ISBN 82-90286-28-7. 

• hp/ Jernbaneverket si informasjonsside om Marienborg hp
• Stasjonsoversikta til NSB
• Stasjonsdatabasen til Norsk Jernbaneklubb: Trondheim-Heimdal
• Stasjonsdatabasen til Norsk Jernbaneklubb: Stavne-Leangenbanen
• Stasjonsdatabasens side om Marienborg