Molde Fotballklubb

Molde FK

Fullt namn	Molde Fotballklubb
Kallenamn	Blå-kvit
Kort namn	MFK
Grunnlagd	19. juni 1911
Heimebane	Aker Stadion (kapasitet: 11 249)
Styreleiar	Odd Ivar Moen
Hovudtrenar	Erling Moe
Liga	Eliteserien i fotball for menn
Eliteserien 2022	1
Nettstad	Heimeside
Heimedrakt Bortedrakt Tredjedrakt
Noverande sesong

Molde Fotballklubb er ein norsk fotballklubb som for tida spelar i Eliteserien. Noverande hovudtrenar er Erling Moe. Laget har Aker stadion som heimebane.

Molde har fire noregsmeisterskap (1994, 2005, 2013 og 2014) og fire seriemeisterskap (2011, 2012, 2014 og 2019).

Klubben har i dag om lag 800 medlemer og kring 45 fotballag fordelt på tre avdelingar. 40 av laga er i aldersgruppene 6–18, to er damelag, eitt er eit amatørlag for menn og to er profesjonelle herrelag.

Oppdatert 1. juli 2020^[1] Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 1 K Andreas Linde 2 F Martin Bjørnbak 5 F Sheriff Sinyan 6 F Stian Rode Gregersen 7 MB Magnus Wolff Eikrem 8 MB Fredrik Sjølstad 9 MB Mattias Moström 10 A Leke James 11 MB Martin Skjelbreid Ellingsen 12 K Álex Craninx 14 A Erling Knudtzon 15 MB Tobias Christensen 16 MB Etzaz Hussain

Nr. Posisjon Spelar 17 MB Fredrik Aursnes 18 F Kristoffer Haraldseid 19 MB Eirik Hestad 20 MB Henry Wingo 22 MB Ola Brynhildsen 23 MB Eirik Ulland Andersen 25 F John Kitolano (på lån frå Wolves) 27 F Marcus Holmgren Pedersen 28 F Kristoffer Haugen 30 A Mathis Bolly 34 K Oliver Petersen 99 A Ohi Omoijuanfo

Molde Fotballklubb vart stifta den 19. juni 1911 under namnet «International». Grunnen til namnevalet var at motstandarane deira som regel kom frå turistskip eller handelsbåtar. Etter kvart som fotballaktiviteten steig i dei næraste byane, vart namnet endra til Molde Fotballklubb.

Heilt fram til byrjinga av 1970-åra spela klubben i lokale seriar, med unntak av ei kort tid i øvste divisjon i 1957–58. I 1974 var Molde attende i toppdivisjonen etter at ei rad unge gode spelarar tok steget opp til A-laget, samstundes som gamle spelarar kom heim og tilførte laget røynsle. Mellom anna Jan Fuglset, Åge Hareide og Harry Hestad spela i Molde på denne tida.

Molde FK har frå denne tida stort sett halde seg i øvste divisjon og er vorten ein av dei leiande klubbane i landet. Laget har hatt ein jamn straum av landslagsspelarar.

Nærast seriemeisterskap kom Molde i 1987, då laget berre trengde uavgjort heime mot Moss Fotballklubb for å vinna serien. Oppgjeret enda med at Moss vann 2–0 framfor 14 793 tilskodarar på gamle Molde Stadion (i dag kalla Molde Idrettspark) og vart seriemeister.

I 1994 vann Molde på tredje forsøk eit NM med siger 3 - 2 over Lyn i finalen på Ullevål Stadion. I 2005 vann Molde NM igjen, denne gongen mot Lillestrøm. I 2009 var Molde nok ein gong i Cupfinalen, denne gongen mot naboklubben Aalesunds fotballklubb (AaFK). Molde tapte denne kampen etter 2-2 etter ekstraomgangar og ein straffekonkurranse som enda 4-5. Utanom dette gjorde Molde ein god sesong, med andreplass i Tippeligaen og NM-sølv. Eit høgdepunkt er deltakinga i Champions League i 1999 der storlaga Real Madrid, FC Porto og Olympiakos gjesta Molde.

I 1998 vart klubben sitt nye stadion teke i bruk. Det moderne anlegget i fjøra på Reknes kosta 212 millionar kroner, og vart reist takka vera investorane Kjell Inge Røkke og Bjørn Rune Gjelsten. Tilskodarrekorden er 13 308 og vart sett mot Rosenborg i 1998. No har stadion ein kapasitet på 11 167 tilskodarar.

Klubben har vore ein av dei leiande klubbane innan spelareksport, noko som har gjeve klubben store inntekter dei siste åra. Åge Hareide (Manchester City), Kjetil Rekdal (Borussia Mönchengladbach), Ole Gunnar Solskjær (Manchester United), Petter Rudi (Sheffield Wednesday), Trond Andersen og Andreas Lund (Wimbledon FC) og Jo Tessem (Southampton) er nokre av desse.

• Øvste nivå: 1974–78, 1980, 1982, 1984–93, 1995-2006, frå 2008 til i dag
• Nest øvste nivå: 1971–73, 1979, 1981, 1983, 1994, 2007
• Tredje øvste nivå: 1963–70

• Cupmeister: 1994, 2005, 2013 og 2014. Tapande finalist i 1982, i 1989 (etter omkamp) og i 2009 (etter straffekonkurranse).
• Seriegull: 2011, 2012, 2014, 2019 og 2022.
• Seriesylv: 1974, 1987, 1995, 1998, 1999, 2002, 2009, 2017 og 2018.
• Bronse: 1977, 1988 og 1990.
• Juniornoregsmeister: 1978, 1987, 1992, 1996, 1997 og 2000.

Morten Bakke, Trond Strande, Sindre Rekdal, Jose Maria Glaria Avizanda («Flaco»), Knut Anders Fostervold, Ulrich Møller, Tarje Nordstrand Jacobsen, Andre Nevstad, Kjetil Rekdal, Daniel Berg Hestad, Tor Gunnar Johnsen, Ole Bjørn Sundgot, Arild Stavrum, Petter Rudi, Berdon Sønderland, Jan Berg.

Marcus Andreasson, John Andreas Husøy, Matej Mavric, Rob Friend, Tommy Eide Møster, Toni Kallio, Knut Dørum Lillebakk, Stian Ohr, Magnus Kihlberg, Kai Røberg, Trond Strande, Mitja Brulc, Øyvind Gjerde, Daniel Berg Hestad, Thomas Mork, Petter Rudi, Dag Roar Ørsal, Øyvind Gram, Torgeir Hoås, Martin Høyem, Lars Ivar Moldskred, Erlend Ormbostad, Madiou Konate, Johan Nås, Torgeir Ruud Ramsli, Petter Christian Singsaas.

Trond Andersen, Morten Bakke, Jan Berg, Torkild Brakstad, Jostein Flo, Jan Fuglset, Hugo Hansen, Åge Hareide, Daniel Berg Hestad, Harry Hestad, Magne Hoseth, Arne Legernes, Øyvind Leonhardsen, Andreas Lund, Ulrich Møller, Roger Nilsen, Odd Inge Olsen, Kjetil Rekdal, Petter Rudi, Ole Gunnar Solskjær, Arild Stavrum, Ole Bjørn Sundgot.

• Meisterligaen: 1999 (1. gruppespel)
• Cupvinnarcupen: 1995 (1. runde)
• UEFA-cupen: 1975 (1. runde), 1978 (1. runde), 1988 (1. runde), 1996 (kval), 1998 (kval), 2000 (1. runde), 2003 (2. runde)

• http://no.wikipedia.org/wiki/Molde_Fotballklubb

• Molde Fotballklubb sin offisielle nettstad
• MFKWeb.org – fyldig, uoffisiell side
• Tornekrattet Supporterklubb