Idrottslaget Hødd

IL Hødd

Fullt namn	Idrottslaget Hødd
Kallenamn	Hødd
Grunnlagd	1. august 1919
Heimebane	Høddvoll stadion (kapasitet: 6 000)
Styreleiar	Ivar Morten Normark
Hovudtrenar	Kevin Knappen
Liga	OBOS-ligaen, 3. divisjon fotball for kvinner, 4. divisjon håndball for kvinner
Heimedrakt Bortedrakt
Noverande sesong

Idrottslaget Hødd er eit idrettslag frå Ulsteinvik på Sunnmøre. Laget vart stifta 1. august 1919, og er mest kjend for fotballaget som var i eliteserien for menn i 1966, 1969–1972 og 1995. Klubben spelar i 2. divisjon, avdeling 1 (2020).

Hødd vart i 2012 noregsmeistrar etter at dei vann over Tromsø i straffesparkkonkurranse.

Fotballpersonlegdomar som Åge Hareide og Jan Åge Fjørtoft har bakgrunn frå Hødd.

Hødd rykte opp til toppserien for første gong i 1965 etter å ha vunne serien føre storlag som Brann og Rosenborg. Det vart nedrykk året etter, men Hødd kjempa seg tilbake til toppserien i 1968. Denne gongen klarte klubben å halde seg oppe på målskilnaden. Tida rundt 1970 vart stordomstida for Hødd med storspelarar som Kjetil Hasund og Otto Sundgot. Hødd rykte ned att i 1972.

Etter fleire sesongar i 1. divisjon, med ein visitt i Tippeligaen 1995 (3. sist), rykte klubben ned til 2. divisjon i 2006. Etter ein katastrofal vårsesong og trenarskifte, fekk Hødd ein god haust og sanka ein del poeng. Men det heldt ikkje til å berge plassen. Erik Brakstad sa opp som trenar etter sesongen.

Etter 2006-sesongen tilsette dei årets tippeligatrenar i 2002, Sture Fladmark, som ny hovudtrenar. Klubben satsa hardt på å nå målet om opprykk i 2007-sesongen. Klubben reduserte ikkje budsjettet nemneverdig, men styrkte spelarstallen og tilsette hovudtrenararen på fulltid. 20. oktober 2007, i nest siste serierunde, vart det klart at Hødd skulle spele i 1. divisjon i 2008. Hødd er per dags dato det laget som har spelt flest sesongar i Adeccoligaen.

Hødd vart cupmeister i 2012 etter å ha slått Tromsø på straffer i Cupfinalen i fotball for herrar 2012. Som fylgje av god nynorskbruk og promotering som "noregsmeister", so fekk Hødd ein Målblome av Sunnmøre mållag.^[1]

Eliteserielag: 1966, 1969–72 og 1995.

• Kjetil Hasund
• Hallbjørn Hasund
• Otto Sundgot
• Åge Hareide
• Jan Åge Fjørtoft
• Ole Bjørn Sundgot
• Geir Hasund
• Arild Sundgot
• Lars Ivar Moldskred
• Morten Moldskred
• André Nevstad
• Magnus Myklebust
• Karl Oskar Fjørtoft

• Cupmeistrar: 2012

1. ↑ «Målblome til Hødd». 

• Offisiell side
• Blåsarane