Pirk

De pirk of pirrik (Prunus persica) is een eetbaore vrucht. Een pirk greuit an een pirkeboom en valt oender 't geslacht breunishout. De pirk komt oorspronkelijk uut China en is via Perzië (wat noen Iran is) in Europa terecht-ekommen. Vroggere Europeanen dochten dat de pirk uut Perzië kwam, daorum heet 't in 't Latien ok persica.

In 't midden van een pirk zit net as bie de abrikoos, de pruum en de kars een grote harde pit, daor umheen zit 't vruchtvleis en 't velletje. Een pirkeboom kan zo'n vuuf tot tien meter hoog worren. De vrucht zelf is tussen de vuuf of zes centimeter in diameter.

De pirk wort ekweekt in Iran en 't Middellanse Zeegebied. Allewel de pirkeboom zelf tempereturen van -26 °C tot -30 °C kan weerstaon, is ie niet wienterhard, dit komt umdat de bleuisels en de vruchten 't niet overleven en 's zoemers dan ok gien vruchten dragen. Vandaor da-j ze in Nederland, behalve achter 't glas, ok niet vaak zien.

Hoenderd gram pirken bevat:

Dagelijkse behoefte van een volwassene bie hoenderd gram:

• Veluws:
  • parzik(ke), perzik(ke)
  • paarzik, pärzik
  • pirk(e), pirrik(ke)
  • pierik (Garder, Noordwest-Veluwe)
  • pierke (Lieren)
  • pirkse (Heerde, Waopenvelde)

Commons: Pirk - plaatjes, filmkes en/of gelüüdsbestanden.

Disse pagina is eschreven in 't Niekarks