Astronomi

Wilayah pambantuakan bintang di Awan Magellan Gadang, sabuah galaksi tak regular.

Sabuah mozek raksasa Hubble Nebula Ketam, sabuah siso supernova

Astronomi, sabuah ilmu alam, iyolah bidang kajian objek samawi (sarupo bintang, galaksi, planet, bulan, asteroid, komet jo nebula, jo proses (sarupo latusan supernova, latusan sinaran gama, jo radiasi latar belakang gelombang mikro kosmik, fisika, kimia jo evolusi objek-objek jo proses-proses baitu, jo labiah umumnyo kasadonyo fenomena nan barasa di lua atmosfera Bumi. Ciek subjek nan takaik tapi babedo iyolah kosmologi fisika, nan mangaji Semesta sacaro manyaluruah.^[1]

Astronomi marupoan satu dari sains tatua. Tamadun-tamadun awal nan dicatat sijarah, sarupo Babylon, Yunani India, Mesir, Nubia, Parsi, Cino, jo Maya sadonyo mamparatian langit malam jo caro sistematik. Walaupun baitu, pambinoan astronomi sabagai sains moden anyo dapek tajadi salapeh ciptaan teleskop. Dari sagi sijarah, astronomi malipuiki babarapo disiplin nan barbedo bana sarupo astrometri, navgasi samawi, astronomi observasi jo pambuatan kalendar, tapi kini ko ahli astronomi profesional dianggap sinonim jo astrofisika.^[2]

Di abaik ka-20, bidang astronomi profesional bacabang ka cabang cerapan jo teori. Astronomi cerapan mambari fokus pado maimpun data dari cerapan objek-objek samawi nan sudah tu dianalisis jo prinsip-prinsip dasar fisika. Astronomi teori pulo manjuruih ka pambangunan model-model komputer atau analisis untuak mamarian objek jo fenomena astronomi. Kaduo-dua bidang saliang mambantu, jo astronomi teori mancari caro manjalehan kaputusan jo cerapan dengan kaputusan cerapan pulo digunoan untuak maiyoan kaputusan-kapusan teori.

Astronomi marupoan ciek dari ilmu sains nan mambari ruang pado amatir, tautamo dalam pancarian jo cerapan fenomena fana (transient phenomena). Ahli astronomi amatir alah mambuek banyaik penemuan nan pantiang.

Rujuakan

↑ Unsöld, Albrecht; Baschek, Bodo (2001). Classical Astronomy and the Solar System - Introduction. pp. 1.
↑ Unsöld, Albrecht; Baschek, Bodo (2001). Classical Astronomy and the Solar System. pp. 6–9.

Pautan lua

Cari tau tantang Astronomi di proyek-proyek Wikimedia lainnyo:
	Definisi dan terjemahan dari Wiktionary
	Gambar dan media dari WikiCommons
	Buku dari Wikibooks
	Entri basis data #Q333 di Wikidata

[1] Unsöld, Albrecht; Baschek, Bodo (2001). Classical Astronomy and the Solar System - Introduction. pp. 1.

[2] Unsöld, Albrecht; Baschek, Bodo (2001). Classical Astronomy and the Solar System. pp. 6–9.

[1]

[2]