Astronomia

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Astronomia o Asternomea (de la paròla greca astro(αστέρι) = stella e nomos(νόμος) = ciamà) l'è el studi scientifich di còrp celest (compagn di stell, pianet, comet, galassi) e di fenòmen che vegnen de foeù de l'atmosfera terrester. El gh'ha a vidè sia con l'evoluzion, la Fisega, la Chimega, la Metereòlogia e i moviment di còrp celest, sia con la formazion e l'evoluzion de l'Univers.

L'Astronomia l'è la scienza pussee antiga. De l'antichità fina a la fin del XIX secol ^{[1] [2]} l'astronomia la verteva principalment in su l'osservazion meticolosa del ciel stellaa. Incoeù la branchia de l'astronomia ch'el studia i pòsizion e i spostament di aster la se ciama Astrometria. In di temp adree, quand che la scienza l'era nonanmò nassuda, l'astronomia la se podeva sconfond con l'Astrologia, la Teologia o la Filòsofia. L'Astronomia de incoeù la gh'ha nient a che spartì con l'Astrologia.

L'invenzion del telescòpi l'haa dervii la strada a la moderna scienza astronomega che la gh'ha el nòmm de Astrofisega.

1. ↑ Panek Richard, "Vedere per credere. Ovvero, come il telescopio ci ha spalancato gli occhi e la mente sull'universo", Grandi Tascabili Einaudi, 2000, isbn-88-061-5375-7
2. ↑ Museo de la Stòria de l'Astronomia a Brera a Milàn: Museo di brera Arqiviad qé: [1]