Sint-Jansgelaen
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjpawbiks, es te dit dialek sjpriks.
Sint Jansgelaen (Nederlands: Sint Jansgeleen) ies 'n buurtsjap van Sjpawbik in de gemeinte Baek in Zuud Limburg. Eigelik ies 't 'n gedeilte van de buurtsjap De Aw kèrk, gelieknamige sjtraotnaam nr 3. 't Ies gelege tege-n 't sjpoor en de autobaan A76 van Heerle nao Gelaen (langs de weeg nao Gelaen). De St. Jansmeule, de watermeule op de Gelaenbaek, huèrend bie 't veurmalig Kesjtièl St. Jansgelaen, sjtamp oet de 14e ièw. De hièrehaof dateert oet 1571. De veurbörch haet 'n mansardekap en ies opgetrokke van baksjtein mèt mergelbeng, de zoageneumde sjpeklaoge.
D'r naam va allewiel 'Sint-Jansgelaen' berust óp e misversjtaand. 't Kesjtieël hoosj ieëder Hieër Jansgelaen en waor geneumd nao Jan Rode de Obsinnich II, dae aafkomstig van Rimmersjdel in 1476 hieër va Sjpawbik waoërt, en daomèt ziene pap (Jan I) ópvólgde. Dizze lètste waor d'r rechtsópvólger van ziene zjwaoger, Jan van Werst of Waeërsj. Vanaaf 't midde van d'r vieftieënde ieëuw waore d'r dus achtereenvólges driej hieëre mèt d'r ègeste väörnaam, n.l. Jan.
Aan de euverkant van sjpoor en autobaan bevingk ziech 't good Ten Dieke (Ten Dijken).
| |
|---|---|
| Dörper: Baek | Groat Genhout | Geverik | Klein Genhout | Nirbik | Sjpawbik | |
| Buurtsjappe en gehuchte: De Aw Kèrk | Hoebelrao | Hoeve | Kelment | Looiwinkel | Sint-Jansgelaen | |