Yokohama

Cithakan:Kutha ing Jepang

Yokohama (横浜市, Yokohama-shi^?) punika kutha krajan Prefektur Kanagawa, Jepang. Kutha punika mapan wonten ing wewengkon Kanto, Pulo Honshu. Yokohama dinggèni 3,6 juta penduduk lan kalebet kutha paling ageng angka kalih ing Jepang bibar Tokyo ^[1]. Kutha punika kalebet kutha pelabuhan ingkang makembang kanthi pesat sasampunipun Jepang tinarbuka saking pulitik isolasi ing pungkasan abad kaping 19. Pelabuhan Yokohama kalebet pelabuhan utami wonten ing Jepang sareng kaliyan pelabuhan sanès ing kutha Kobe, Osaka, Nagoya, Hakata, Tokyo lan Chiba.

Wewengkon ingkang sapunika dados kutha Yokohama wiwit mekar saking abad kaping 13 ing sedawaning ilining Lèpèn Tsurumi lan Lèpèn Kashio kalebet laladan tetanèn lan laladan pasisir Lempongan Tokyo mekar dados désa warigaluh. Ing abad kaping 17 nalika Keshogunan Edo ndadosaken Edo minangka kutha krajan Jepang, Yokohama dados kutha transit ing jalur Tokaidō. Kala punika wonten griya-griya kanggé nyipeng ing papan mandeg ingkang dipunwastani Kanagawa-juku, Hodogaya-juku, lan Totsuka-juku. Papan kanggé mandeg ingkang paling ramé punika Kanagawa-juku amargi celak kaliyan Pelabuhan Kanagawa.

Nama "Yokohama" minangka satunggaling kutha asalipun saking nama désa warigaluh kanthi nama désa Yokohama (Yokohama-mura) ingkang mapan wonten ing Distrik Kuraki, Provinsi Musashi ^[1]. Dumugi pungkasan jaman Edo, désa Yokohama punika désa alit ing sanginggilipun delta lèpèn, déné pendudukipun gadhah pakaryan minangka wong tani lan warigaluh. Duginipun Komodor Matthew Perry ing Jepang ngéwahi nasib désa alit Yokohama. Komodor Matthew Perry dugi ing sakiduling Yokohama sareng kaliyan armada kapal perang Amérika Sarékat lan nywun Jepang supados mbikak sapérangan pelabuhan kanggé perdagangan. Ing taun 1854, Komodor Matthew Perry ngginakaken Persetujuan Kanagawa kanggé meksa Jepang supados mbikak pelabuhan ing Shimoda lan Hakodate dhateng Amérika Sarékat sarta mungkasi kebijakan tertutup Jepang ingkang sampun kalampahan 200 taun. Salajengipun dhedhasar Treaty of Amity and Commerce nalika taun 1858, Pelabuhan Yokohama dipunbikak kanggé kapal-kapal As. Wiwitanipun, kutha kanggé mandegi Kanagawa-juku (sapunika dipunsebat Kanagawa-ku) badhé ndadosaken salah satunggaling pelabuhan kanggé kapal asing, nanging papan Kanagawa-juku dipunanggep pamaréntah boten celak sanget kaliyan jalur utami Tōkaidō ingkang stratègis. Kanggé gantosipun, manéka fasilitas pelabuhan dipunyasa ing désa Yokohama ingkang kala punika taksih wujud désa warigaluh ingkang sepi. Nalika tanggal 1 Juli 1859, Pelabuhan Yokohama dipunresmekaken dados pelabuhan ingkang tinarbuka kanggé perdagangan kaliyan nagara Barat.

Yokohama mapan wonten ing sisih kilèn Lempongan Tokyo. Kirang langkung namung 30 km saking Tokyo lan dipunhubungaken kaliyan manéka jalur sepur (kereta api), margi-margi bébas hambatan, lan margi ingkang nglewati kutha Kawasaki.

• Minato Mirai 21
• Landmark Tower (gedung paling inggil ing Jepang)
• Sesawangan Pelabuhan Osanbashi
• Distrik Kannai
• Taman Yamashita (Yamashita Kōen)
• Yokohama Marine Tower
• Yokohama Akarenga Sōkō (kawasan yasan ingkang ngandhut ejarah)
• Pecinan Yokohama
• Musiyum Kari Yokohama
• Musiyum ramen Shin-Yokohama

Papan anggegana paling celak kaliyan kutha Yokohama ing Papan anggegana Haneda. Ing lawang sisih lèr Stasiun Yokohama wonten terminal bis papan anggegana YCAT ingkang ngubungaken kutha Yokohama kaliyan Papan anggegana Haneda lan Narita.

• Bisbol: Yokohama BayStars
• Sepak bola: Yokohama F. Marinos lan Yokohama FC.

Yokohama gadhah 18 dhistrik (ku):

Yokohama gadhah gayutan kutha kembar kaliyan:^[2]

• San Diego, California, Amérika Sarékat
• Lyon, Perancis
• Mumbai, India
• Shanghai, RRC
• Odessa, Ukraina
• Vancouver, Kanada
• Manila, Filipina
• Constanţa, Rumania

Wikimedia Commons duwé médhia ngenani Yokohama.

Wikiplesir duwé panuntun plesir ngenani Yokohama.

• Pamaréntah kota Yokohama
• The Yokohama Times Archived 2007-03-04 at the Wayback Machine. Jadwal acara di kutha Yokohama (Biro Pariwisata Yokohama)
• Data géografis magepokan Yokohama ing OpenStreetMap