[go: up one dir, main page]
Menyang kontèn

Rosméri

Saka Wikipédia Jawa, bauwarna mardika basa Jawa
Rosméri
Rosméri lan kembang
aman
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Lamiales
Famili: Lamiaceae
Génus: Rosmarinus
Spésies: R. officinalis
Jeneng binomial
Rosmarinus officinalis
L.

Rosméri (basa Inggris: Rosemary) minangka tuwuhan perdhu taunan kang kalebu kulawarga Lamiaceae. Tetukulan kang duwé jeneng èlmiyah Rosmarinus officinalis L. iki kawentar ing donya kulon minangka bumbu kanggo panyedhep olah-olahan. Liyané digawé bumbu, rosméri uga duwé mupangat liya tumrap kasarasan.

Wedharan

[besut | besut sumber]

Tuwuhan rosméri asli saka Méditerania.[1] Tethukulan iki wernané ijo, tegak lan dhuwuré bisa nganti 2 meter. Galihé werna klawu kaijonan. Godhongé werna ijo. Kembangé ana 5-10 kanthi amba 0,5-1-2 mm. Wité mbutuhaké cahya srengèngè suwéné 6-8 jam saben dina.[2] Godhongé duwé rasa pedhes, rada pait sithik. Bisa dipigunakake nalika seger lan digaringaké kanggo mbumboni panganan kaya ta olahan daging, unggas, panganan laut, sop, nganti ombénan lan liyané.[3] Rosméri jejuluk 'embun laut', godhongé awujud landhep kaya dom.[4] Tethukulan iki duwé kembang werna biru pucet, kang mekar ing pungkasan mangsa adhem lan wiwitan mangsa semi.[5]

Piguna

[besut | besut sumber]

Tethukulan iki kanggo ancas pangobatan, hiasan, bumbu kulinèr, lan lenga èsensial.[6] Amarga ganda wanginé uga bisa dadi campuran tèh, parfum, sampo, kondisiner lan sabun.[7]

Sakliyané iku uga ana mupangat saka tuwuhan iki kaya ta:

  • Èkstrak rosméri dipugunakaké mawa antioksidhan alami[8]
  • Ningkataké daya eling lan konsentrasi. Ambu saka rosméri ningkataké konsentrasi, kinerja, kacepetan, lan akurasi pawongan, uga ndayani swasana ati.[9]
  • Mudhunaké kadhar gula ing getih. Rosméri duwé kadhar asem karnosik lan asem rosmarinik kang duwé èfèk mèmper hormon insulin.[10] Masiya mengkono panandhang dhiabètes kudu konsultasi dhisik marang dhokter mawa migunakaké suplemen herbal iki bebarengan karo panggunanan obat tertamtu.
  • Nyegah rambut brodhol. Lenga èsènsial rosméri mbiyantu nukulaké rambut anyar sak èngga bisa ngatasi sirah kang bothak. Rosméri uga bisa ngehambat prodhuksi DHT ya kuwi zat alami kang diasilake kanggo ngrangsang rambut brodhol.[11]
  • Njaga kasarasan mripat. Senyawa asem karsonik ing godhong rosméri bisa njaga kasarasan syaraf mata lan retina, nyegah njedhuling  age-related macular degeneration (AMD).[7]
  • Ningkataké sistem kekebalan awak kanthi nangkal radhikal bebas kang nggawé lara. Pramila sirkulasi ing getih lancar lan ora gampang lara.[12]
  • Ningkataké fungsi utek.[13]
  • Mbiyantu pamudhunan bobot awak. Komponén fitokimia saka tèh rosméri ngalangi aktivitas lipasé minangka enzim kang mecah lemak kanggo ngasilaké lipid. Amarga lipase ora aktif, ora ana kerusakan lemak lan ngrasa luwih wareg lan ora bakal mangan akèh.[14]
  • Tamba ganggunan pencernaan
  • Ngobati nyeri otot
  • Ngurangi strèss
  • Nyegah kanker. Rosméri nyegah reduplikasi sèl kanker, kanthi mandhegagé tuwuhing tumor.[15]

Kandhutan

[besut | besut sumber]

Rosméri ngandhut maneka nutrisi kaya ta serat, protein, mineral kaya ta zat wesi, kalium, magnesium lan zinc, uga vitamin kaya ta vitamin A, vitamin B lan vitamin C. Ana uga antioksidan lan senyawa anti inflamasi. Rosméri duwe antioksidan akèh lan senyawa phenolic kaya  diterpene, carnosol, asem carnosic, lan asem rosmarinic. Duwé lenga atsiri kaya ta cineol, camphene, borneol, bornyl acetate, terpineol, lan pinene.[16]

Vitamin lan mineral kang kaadhut ing 100 gram rosméri:

  • Vitamin A
  • Vitamin C
  • Vitamin B6
  • Thiamin
  • Folat
  • Magnesium
  • Kalsium
  • Zat besi

Èfèk samping

[besut | besut sumber]

Menawa ngonsumsi rosméri kanthi gunggung akèh bisa nyebabaké èfèk serius kaya ta:

  • Mukok-mukok
  • Kejang
  • Koma
  • Édéma paru (ananing cuwèran ing paru-paru)
  • Keguguran, sakèngga kanggo pawongan mbobot ora kena mangan suplemen rosméri akèh[17]

Gladri

[besut | besut sumber]
  • Godhong rosméri saka cedhak
    Godhong rosméri saka cedhak
  • Kembang rosméri
    Kembang rosméri
  • Wiji rosméri
    Wiji rosméri
  • Rosméri ing kebon
    Rosméri ing kebon
  • Wit rosméri
    Wit rosméri

Kapustakan

[besut | besut sumber]
  1. ↑ de Oliveira, Jonatas Rafael; Camargo, Samira Esteves Afonso; de Oliveira, Luciane Dias (2019-01-09). "Rosmarinus officinalis L. (rosemary) as therapeutic and prophylactic agent". Journal of Biomedical Science. 26 (1): 5. doi:10.1186/s12929-019-0499-8. ISSN 1423-0127. PMC 6325740. PMID 30621719.{{cite journal}}: CS1 maint: PMC format (link)
  2. ↑ Ediyati, Asri. "Tips Mudah Menanam Rosemary dengan Pot di Dalam Ruangan, Perhatikan 3 Hal Dasar". moms-life (ing basa Indonesia). Dibukak ing 2020-08-15.
  3. ↑ "rosemary Description, Uses, History, & Facts". Encyclopedia Britannica (ing basa Inggris). Dibukak ing 2020-08-15.
  4. ↑ "Apa Itu Rosemary?". detikfood (ing basa Indonesia). Dibukak ing 2020-08-15.
  5. ↑ "Rosemary - Manfaat, Dosis, & Efek Samping". HonestDocs (ing basa Indonesia). Dibukak ing 2020-08-15.
  6. ↑ "Rosmarinus officinalis (rosemary)". www.cabi.org (ing basa Inggris). Dibukak ing 2020-08-15.
  7. ↑ a b Apr 2020, ditulis olehdr Valda Garcia14; Wib, 21:00. "Daun Rosemary Bisa Memperbaiki Daya Ingat, Benarkah?". klikdokter.com. Dibukak ing 2020-08-15.{{cite web}}: CS1 maint: numeric names: authors list (link)
  8. ↑ Andrade, Joana M; Faustino, Célia; Garcia, Catarina; Ladeiras, Diogo; Reis, Catarina P; Rijo, Patrícia (2018-02-01). "Rosmarinus officinalis L.: an update review of its phytochemistry and biological activity". Future Science OA. 4 (4). doi:10.4155/fsoa-2017-0124. ISSN 2056-5623. PMC 5905578. PMID 29682318.
  9. ↑ "Rosemary: Health benefits, precautions, and drug interactions". www.medicalnewstoday.com (ing basa Inggris). 2017-12-13. Dibukak ing 2020-08-15.
  10. ↑ "6 Manfaat Rosemary Bagi Kesehatan Tubuh". Alodokter. 2020-01-29. Dibukak ing 2020-08-15.
  11. ↑ "Selain Aromaterapi, Ini 5 Manfaat Rosemary yang Tidak Anda Ketahui". Hello Sehat (ing basa Indonesia). 2018-08-05. Dibukak ing 2020-08-15.
  12. ↑ Times, I. D. N.; ami, Eka. "Selain Sebagai Bumbu, Rosemary Juga Punya 5 Manfaat Kesehatan Ini". IDN Times (ing basa Indonesia). Dibukak ing 2020-08-15.
  13. ↑ Setyanti, Christina Andhika. "Rosemary, Daun Rempah 'Bumbu' Panjang Umur". gaya hidup (ing basa Indonesia). Dibukak ing 2020-08-15.
  14. ↑ "JPNN". www.jpnn.com (ing basa Indonesia). 2019-07-22. Dibukak ing 2020-08-15.
  15. ↑ Cincinnati, University of. "8 Health Benefits of Rosemary". Treehugger (ing basa Inggris). Dibukak ing 2020-08-15.
  16. ↑ "12 Manfaat Rosemary untuk Kesehatan dan Kecantikan - DokterSehat". Informasi Kesehatan dan Tips Kesehatan - Dokter Sehat (ing basa Indonesia). 2020-02-12. Diarsip saka sing asli ing 2020-10-20. Dibukak ing 2020-08-15.
  17. ↑ "7 Manfaat Rosemary yang Harum Ini Baik untuk Kesehatan". SehatQ (ing basa Indonesia). Diarsip saka sing asli ing 2020-08-19. Dibukak ing 2020-08-15.
Dijupuk saka "https://jv.wikipedia.org/w/index.php?title=Rosméri&oldid=1668675"