Seblak
 Cara nyajiaken seblak | |
| Panggonan asal | Indonesia |
|---|---|
| Tlatah utawa praja | Masakan Sunda ing Jawi Kilen (wewengkon Pasundan) |
| Digawé | Tiyang Sundha |
| Woworan pokok | Krupuk, lombok, kencur, brambang, bawang, gendhis, uyah |
 Buku masakan: Seblak Bandung  Médhia: Seblak Bandung | |
Seblak (aksara Sundha Baku: ᮞᮨᮘᮣᮊ᮪) inggih punika salah satunggaling dhaharan Indonésia ingkang khas saking Sundha, Jawi Kilen. Dhaharan punika padatanipun gadhah cita rasa ingkang gurih lan pedhes. Seblak punika kadamel saking krupuk teles ingkang dipunmasak kaliyan sayuran lan minangka sumber protéin kados déné tigan, ayam, boga bahari utawi olahan daging lembu lan dipunmasak kanthi bumbu tartamtu.[1] Seblak sapunika dados dhaharan jajanan ingkang dipunremeni déning sedaya kalangan wonten ing masyarakat, mliginipun ing wewengkon Jawi Kilen lan Jabodétabek. Seblak punika dipuncawisaken wonten ing griya dhahar lan warung, miwah dipunsadé mawi grobak ingkang mubeng anggènipun nyadé. Dhaharan seblak punika gadhah tèkstur ingkang kenyal, mawi raos ingkang pedhes ugi seger saha wonten manéka variasi saking raos ugi bahan imbetan punapa malih kemasanipun.
Bahan-bahan
[besut | besut sumber]
Bahan dhasar ingkang dipun-ginakaken kanggé ndamel seblak inggih punika krupuk urang ingkang dipunsiram kaliyan toya bentèr lan dipunparingi tambahan bumbu sarta sayuran. Seblak punika kadamel saking krupuk ingkang dipun-godhog lan dipunimbeti bumbu kados déné bawang, brambang, sarem, kencur, lombok riwit, kunir, lan penyedap rasa.
Sajarah
[besut | besut sumber]Seblak punika sampun wonten ing wewengkon Cianjur sisih kidul wiwit saking jaman sadèrèngipun kamardhikan, dhaharan punika kalebet dhaharan alternatif tumrap masyarakat ingkang kawontenan ékonominipun punika wonten ngandhap minangka gantosipun jajanan.
Jinising seblak
[besut | besut sumber]- Seblak garing (sinaosa jinis punika boten asring kapanggihaken), inggih punika krupuk pedhes mèmper kaliyan basreng
- Seblak teles: seblak makaroni, seblak cèkèr ayam,[2] seblak mi teles, seblak tosan, seblak baso, seblak basrèng (baso gorèng), seblak batagor, seblak aci, seblak kwètiaw, seblak siomay, seblak snack, seblak kikil, seblak siomay, lan sapanunggalipun.
Pirsani ugi
[besut | besut sumber]Rujukan
[besut | besut sumber]- ↑ Karina Armadani (19 December 2014). "Kuliner Tradisional: Menikmati Pedasnya Seblak Khas Bandung". CNN Indonesia.
- ↑ "Seblak ceker". Cookpad .