13. nóvember

Okt – Nóvember – Des
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
2024 Allir dagar

13. nóvember er 317. dagur ársins (318. á hlaupári) samkvæmt gregoríska tímatalinu. 48 dagar eru eftir af árinu.

Atburðir

684 - Tenmu Japanskeisari kom á átta stétta kerfi (kabane).
1002 - Aðalráður ráðlausi gaf skipun um að drepa alla norræna menn í Englandi.
1035 - Haraldur hérafótur var gerður að landstjóra í Englandi eftir lát föður hans Knúts mikla.
1312 - Klemens 5. páfi leysti upp reglu Musterisriddara og lagði hana niður.
1441 - Kristófer af Bæjaralandi var hylltur sem konungur Svíþjóðar.
1553 - Lafði Jane Grey var dæmd til dauða fyrir landráð ásamt eiginmanni sínum.
1618 - Kirkjuþingið í Dort hélt sinn fyrsta fund.
1630 - Svíar sigruðu her keisarans í orrustunni við Falkenberg.
1642 - Enska borgarastyrjöldin: Konungssinnar hörfuðu undan þinghernum í orrustunni við Turnham Green og mistókst að taka London.
1742 - Konunglega danska vísindafélagið var stofnað.
1939 - Þýsku flutningaskipi, Parana, var sökkt út af Patreksfirði og var áhöfnin tekin til fanga af breska herskipinu Newcastle. Þetta var fyrsta þýska skipið sem var sökkt við Ísland í seinni heimsstyrjöldinni.
1940 - Bandaríska teiknimyndin Fantasía var frumsýnd.
1946 - Í Vestmannaeyjum var flugvöllur tekinn formlega í notkun.
1961 - Kleppjárnsreykjaskóli var stofnaður.
1970 - Hafez al-Assad rændi völdum í Sýrlandi.
1973 - Alþingi samþykkti formlega samning við Bretland um lausn landhelgisdeilunnar vegna útfærslu landhelginnar í 50 sjómílur.
1982 - Vietnam Veterans Memorial var vígt í Washington-borg.
1984 - Golfklúbburinn Mostri var stofnaður í Stykkishólmi.
1985 - Grandi hf. var stofnaður með sameiningu Ísbjarnarins og Bæjarútgerðar Reykjavíkur.
1985 - Armeroharmleikurinn: Bærinn Armero í Kólumbíu grófst í eldskýi eftir eldgos í Nevado del Ruiz. Yfir 20.000 manns létu lífið.
1990 - Fyrsta vefsíðan leit dagsins ljós.
1990 - Aramoana-blóðbaðið: David Gray drap 13 manns við Aramoana á Nýja-Sjálandi.
1991 - Bandaríska teiknimyndin Fríða og dýrið var frumsýnd.
1992 - Alþjóðaveðurfræðistofnunin sagði frá fordæmislausri eyðingu ósónlagsins við bæði heimskautin.
1992 - Riddick Bowe varð þungavigtarmeistari í hnefaleikum með sigri á Evander Holyfield.
1994 - Svíar kusu að ganga í ESB í þjóðaratkvæðagreiðslu.
1994 - Michael Schumacher vann sinn fyrsta titil í Formúlu 1-kappakstri.

2001 - Doha-viðræðurnar á vegum Alþjóða viðskiptastofnunarinnar hófust.
2004 - Lög voru sett á verkfall grunnskólakennara sem staðið hafði í 2 mánuði.
2004 - Geimkönnunarfarið SMART-1 frá Geimferðastofnun Evrópu fór á braut um Tunglið.
2010 - Aung San Suu Kyi var sleppt úr stofufangelsi í Mjanmar.
2013 - Nýr turn á lóð Tvíburaturnanna í New York var vígður með viðhöfn. Hann er fyrsta nýbyggingin sem opnuð er á svæðinu. Turninn er 72 hæðir og 297,7 metrar á hæð.
2015 - Hryðjuverkaárásirnar í París nóvember 2015: 130 létust og hundruð særðust í hrinu hryðjuverkaárása sem Íslamska ríkið stóð fyrir í París og Saint-Denis.
2021 - 197 lönd undirrituðu Glasgow-loftslagssamninginn.

Fædd

354 - Ágústínus, heimspekingur frá Norður-Afríku (d. 430).
1312 - Játvarður 3., Englandskonungur (d. 1377).
1663 - Árni Magnússon, íslenskur handritasafnari (d. 1730).
1761 - John Moore, breskur herforingi (d. 1809).
1762 - Benedikt Gröndal eldri, lögmaður sunnan og austan og landsyfirréttardómari (d. 1825).
1782 - Esaias Tegnér, sænskur rithöfundur (d. 1846).
1806 - Emilia Plater, uppreisnarkona frá Vilnius (d. 1831).
1812 - Páll Melsteð, íslenskur sagnfræðingur (d. 1910).
1850 - Robert Louis Stevenson, skoskur rithöfundur (d. 1894).
1899 - Huang Xianfan, kínverskur mannfræðingur (d. 1982).
1906 - Eysteinn Jónsson, íslenskur stjórnmálamaður og ráðherra (d. 1993).
1913 - Lon Nol, hershöfðingi í Kambódíu (d. 1985).
1932 - Steinn Guðmundsson, íslenskur knattspyrnumaður.
1934 - Garry Marshall, bandarískur leikari.
1940 - Saul Kripke, bandarískur heimspekingur.
1947 - Joe Mantegna, bandarískur leikari.
1952 - Jógvan á Lakjuni, færeyskur stjórnmálamaður.
1954 - Andrés Manuel López Obrador, mexíkóskur stjórnmálamaður.
1955 - Whoopi Goldberg, bandarísk leikkona.
1956 - Rex Linn, bandarískur leikari.
1956 - Solveig Lára Guðmundsdóttir, vígslubiskup.
1960 - Neil Flynn, bandarískur leikari.
1962 - Guðmundur B. Ólafsson, íslenskur lögfræðingur og fyrrverandi formaður.
1965 - Željko Petrović, svartfellskur knattspyrnumaður.
1967 - Jimmy Kimmel, bandarískur sjónvarpsmaður og gamanleikari
1968 - Shinichiro Tani, japanskur knattspyrnumaður.
1969 - Gerard Butler, skoskur leikari.
1980 - Sverrir Bergmann Magnússon, íslenskur söngvari og fjölmiðlamaður.

Dáin

565 - Justinianus 1. austrómverskur keisari (f. 483).
867 - Nikulás 1. páfi.
1319 - Eiríkur menved, Danakonungur (f. 1274).
1359 – Ívan 2. af Rússlandi, stórhertogi af Moskvu (f. 1326).
1460 - Hinrik sæfari, prins af Portúgal (f. 1394).
1606 - Girolamo Mercuriali, ítalskur læknir (f. 1530).
1619 - Ludovico Carracci, ítalskur listmálari (f. 1555).
1810 - Marie Josephine af Savoy, kona Loðvíks 18., síðar Frakkakonungs (f. 1756).
1863 - Þuríður Einarsdóttir (Þuríður formaður), íslensk sjókona (f. 1777).
1868 - Gioachino Rossini, ítalskt tónskáld (f. 1792).
1974 - Vittorio De Sica, ítalskur kvikmyndaleikstjóri (f. 1901 eða 1902).
1974 - Karen Silkwood, bandarískur efnafræðingur (f. 1946).
1991 - Þorsteinn Ö. Stephensen, leikari (f. 1904).