Azurite

Azurite es un mineral de cupro moll e de color blau profunde producite per la alteration de depositos de mineral de cupro. Durante le initio del seculo XIX, iste esseva cognoscite etiam como chessylite, in honore del loco ubi illo esseva descoperite pro le prime vice a Chessy-les-Mines proxime a Lyon, Francia. Le mineral, un carbonato basic con le formula chimic Cu3(CO3)2(OH)2, ha essite cognoscite ab le tempore de antiquitate, e esseva mentionate in le Historia Natural de Plinio le Senior con le nomine greco kuanos (κυανός: "blau profunde", radice del parola anglese "cyan") e le nomine latin caeruleum. Le cupro (Cu2+) da a illo su color blau. Desde le tempore de antiquitate, le azul profund e clarissime del azurite ha essite associate con le celos de deserto de bassa humiditate e de hieme. Le nomine moderne in anglese del mineral reflecte ista association, proque tanto azurite como azure es derivate via arabe del parola persa lazhward (لاژورد), un area cognoscite pro su depositos de un altere petra blau profunde, le lapis lazuli ("petra de azure").