Monarca

Un monarca pode recibir distintos títulos, como rei (ou raíña), emperador (emperatriz), gran duque, príncipe etc. Existen, ademais, termos específicos para os monarcas dalgúns estados, derivados dos idiomas locais, tales como tsar (de Rusia), faraón (de Exipto), khan (para varios estados do que hoxe é China e Mongolia), cacique etc. Os monarcas dos estados gobernados pola lei islámica eran chamados sultáns. Os termos príncipe e princesa destínanse nalgúns estados aos fillos, descendentes ou herdeiros do monarca, mais noutros o propio monarca ostenta o título de príncipe. Nalgúns países europeos, asiáticos e africanos, un "rei" é o xefe de estado, falándose entón de estado monárquico.

O sistema de sucesión ao trono non é igual en todas as monarquías. Tradicionalmente, o máis común é que sexa hereditaria e que o sucesor sexa o fillo primoxénito home; en caso de que non os tivera, sucederíalle a súa filla máis vella ou algún familiar de sexo masculino, dependendo de se a monarquía permite reinar ás mulleres, e incluso que a sucesión pase por unha rama feminina da liñaxe.

Algunhas monarquías aboliron esta preferencia polos homes, e é o fillo primoxénito do monarca, home ou muller, quen sucede ao rei.

En España, foi abolida en 1789 a lei sálica que impedía ás mulleres reinar, mais segue existindo unha preferencia polos homes na sucesión ao trono. O príncipe Filipe sucedeu ao rei Xoán Carlos I, malia ter dúas irmás máis vellas ca el.

Tamén hai algúns monarcas elixidos e ditadores que se autoproclaman líderes dunha monarquía autoproclamada.

Os monarcas actuais son:

• Rei Carlos III do Reino Unido, de Antiga e Barbuda, Australia, Bahamas, Barbados, Belize, Canadá, Granada, Xamaica, Nova Zelandia, Papúa Nova Guinea, Saint Kitts e Nevis, Santa Lucía, San Vicente e as Granadinas, Illas Salomón e Tuvalu (1952)
• Sultán Muda Hassanal Bolkiak de Brunéi (1967)
• Sultán Qaboos ibn Sa'id Al 'Bu Sa'id de Omán (1970)
• Raíña Margarida II de Dinamarca (1972)
• Rei Carlos XVI Gustavo de Suecia (1973)
• Rei Mswati III de Eswatini (1986)
• Príncipe Xoán Adán II de Liechtenstein (1989)
  • Príncipe Luis, rexente de Liechtenstein (2004)
• Rei Harald V de Noruega (1991)
• Rei Letsie III de Lesoto (1996)
• Rei Abdalá II de Xordania (1999)
• Rei e Emir dos Crentes Mohamed VI de Marrocos (1999)
• Gran Duque Henrique de Luxemburgo (2000)
• Rei Hamad bin Isa al Jalifa de Bahrain (2002)
• Copríncipes de Andorra: Joan Enric Vives i Sicília (2003) e Emmanuel Macron (2017)
• Rei Norodom Sihamoni de Camboxa (2004)
• Presidente Mohamed bin Zayed Al Nahyan dos Emiratos Árabes Unidos. Emir de Abu Zabi (2022)
  • Emir Saqr bin Muhammad al-Qasimi de Ra's al-Khayma, Emiratos Árabes Unidos (1948)
  • Emir Emir Sultan III ibn Muhammad al-Qasimi de Sharjah, Emiratos Árabes Unidos (1972)
  • Emir Hamad ibn Muhammad Al Sharqi de Fujairah, Emiratos Árabes Unidos (1974)
  • Emir Humayd V ibn Rashid Al Nu'aymi de Ajman, Emiratos Árabes Unidos (1981)
  • Emir Mohamed bin Rashid Al Maktum de Dubai, Emiratos Árabes Unidos (2006)
  • Emir Sa'ud bin Rashid Al Mu'alla de Umm al-Qaywayn, Emiratos Árabes Unidos (2009)
• Príncipe Alberte II de Mónaco (2005)
• Rei Jigme Khesar Namgyal Wangchuck de Bután (2006)
• Emir Nawaf Al-Ahmad Al-Yaber Al-Sabah (2020)
• Rei Tupou VI de Tonga (2012)

• Rei Guillerme Alexandre dos Países Baixos (2013)
• Rei Filipe dos Belgas (2013)
• Emir Tamim Al-Thani de Qatar (2013)
• Papa Francisco. Soberano do Estado da Cidade do Vaticano (2013)
• Rei Filipe VI de España (2014)
• Rei Salmán I de Arabia Saudita (2015)
• Rei Maha Vajiralongkorn (2016)
• Gran Mestre Giacomo dalla Torre del Tempio di Sanguinetto da Soberana Orde de Malta (2018)

• Yang di-Pertuan Agong (Rei de Malaisia) Abdullah de Pahang (2019). Sultán de Pahang (2019)
  • Sultán Ahmad Shah de Pahang, Malaisia (1974)
  • Sultán Ismail Petra de Kelantan, Malaisia (1979)
  • Sultán Iskandar Al-Haj de Johor, Malaisia (1981)
  • Sultán Ahlan Muhibuddin Shah de Perak, Malaisia (1984)
  • Sultán Mizan Zainal Abidin de Terengganu, Malaisia (1998)
  • Raxá Tuanku Syed Sirajuddin de Perlis, Malaisia (2000)
  • Sultán Sharafuddin Idris Shah de Selangor, Malaisia (2001)
  • Yang di-Pertuan Besar Tuanku Muhriz de Negeri Sembilan, Malaisia (2008)
• Emperador Naruhito do Xapón (2019)

• Califa
• Feudalismo
• Monarquía
• Reino
• Anax

Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.