Gran Premio de Bélxica de 1989

Ayrton Senna logrou a súa oitava pole position da tempada case seis décimas de segundo mellor que o seu compañeiro de equipo en McLaren Alain Prost, e con case un segundo máis atrás Gerhard Berger no Ferrari en terceiro lugar. Os dous Williams foron cuarto e quinto con Thierry Boutsen, na súa carreira de casa, diante de Riccardo Patrese, seguido por Nigel Mansell no segundo Ferrari. Alessandro Nannini foi sétimo no Benetton, máis de dous segundos detrás de Mansell, e o top ten foi completado por Stefano Modena no Brabham, Maurício Gugelmin no March e Derek Warwick no Arrows.

O principal punto de conversación, con todo, foi o fracaso tanto de Nelson Piquet como de Satoru Nakajima para cualificar, a primeira vez na historia do equipo Team Lotus, no que ningún dos seus autos cualificou.

Todos os tempos foron determinados na segunda sesión clasificatoria, despois de que a primeira disputarase bixo achuvia.

A carreira atrasouse durante algún tempo debido á chuvia. Ao principio, Senna liderou diante de Prost e Berger. Mansell logrou pasar a ambos Williams pola herba na forquita de La Source para lograr a cuarta posición na primeira curva. Pronto, Berger meteu presión a Prost pero non puido atopar un camiño para adiantalo. Senna liderou comodamente de principio a fin en condicións similares a aquelas nas que gañou o seu primeiro Gran Premio de Bélxica en 1985. Detrás del, Berger retirouse por décima vez consecutiva na tempada, deixando a Prost defendéndose dos ataques de Mansell que, nos seus esforzos para pasar ao McLaren, fixo unha serie de movementos pouco ortodoxos á saída de La Source nun intento de gañar unha mellor posición a través de Eau Rouge e na longa costa arriba. Senna relaxouse nas últimas voltas para permitir que Prost e Mansell terminasen a dous segundos del. Boutsen terminou cuarto na súa 100ª carreira.

Clasificación no campionato de pilotos Pos Piloto Puntos 1   Alain Prost 62 2   Ayrton Senna 51 3   Nigel Mansell 38 4   Riccardo Patrese 25 5   Thierry Boutsen 20

Clasificación do campionato de construtores Pos Construtor Puntos 1   McLaren-Honda 113 2   Williams-Renault 45 3   Ferrari 38 4   Benetton-Ford 19 5   Arrows-Ford 12

• Nota: Só están incluídos os cinco primeiros postos en ambos os grupos de clasificación.