Sicambres

Os sicambres foron unha tribo xermánica occidental, que viviron na marxe dereita do río Rin entre os ríos Ruhr e Sieg, na rexión que actualmente forma parte do estado alemán de Renania do Norte-Westfalia (Nordrhein-Westfalen). O río Sieg, así como a cidade de Siegen, reciben ese nome por causa desa tribo. Tamén reciben os nomes de Sicambri, Sicambres, Sigambrer, Sugumbrer, Sugambri.

Historia

Son nomeados no 55 a.C., durante o período de conquista da Galia por Xulio César e inicio do Imperio Romano. No 16 a.C. derrotaron un exército romano liderado por Marco Lolio, o que ocasionou unha reacción do Imperio Romano e axudou a iniciar a serie de guerras contra as tribos xermánicas que duraron até o ano 16.

No ano -11, foron forzados por Nerón Claudio Druso a se desprazaren para a marxe esquerda do Rin, onde claramente formaron o compoñente central da confederación dos francos. A súa nova patria estaba localizada no que agora é a rexión de Güeldres nos Países Baixos, no baixo Rin.

Os reis merovinxios reivindicaban a súa descendencia dos Sicambri, que eles crían que fora orixinalmente unha tribo escita ou cimeria, que antes habitara a foz do Danubio, e que mudou o seu nome para "francos" no -11 baixo o mandato dun certo xefe tribal chamado "Franko". Os merovinxios trazan as súas orixes sicambrianas en Marcomir I (supostamente morto en -412), último rei de Troia, mais esa lista de gobernantes non é aceptada como histórica. De acordo con algúns rexistros, un líder tribal Marcomero precedeu á dinastía merovinxia en torno a 400.

Gregorio de Tours afirma que o líder franco Clodoveo, na ocasión do seu bautismo na fe católica en 496, foi referido como Sicamber pelo bispo de Reims, que conduciu a cerimonia - lembrando novamente a ligazón entre os sicambri e os devanceiros de Clodoveo, a casa real merovinxia dos francos.

Véxase tamén

Ligazóns externas

Conquista Romana da Xermania (en inglés)
Sicambri etc. en Regnal Chronologies (en inglés)