[go: up one dir, main page]
Saltar ao contido

Jon Andoni Goikoetxea

Na Galipedia, a Wikipedia en galego.
Modelo:BiografíaJon Andoni Goikoetxea

(2016) Editar o valor en Wikidata
Nome orixinal(eu) Jon Andoni Goikoetxea Lasa Editar o valor en Wikidata
Biografía
Nacemento(es) Ion Andoni Goikoetxea Lasa Editar o valor en Wikidata
21 de outubro de 1965 Editar o valor en Wikidata (59 anos)
Pamplona, España Editar o valor en Wikidata
Outros nomesGoiko Editar o valor en Wikidata
Altura1,75 m Editar o valor en Wikidata
Actividade
Ocupaciónfutbolista, adestrador de fútbol Editar o valor en Wikidata
Período de actividade1985 Editar o valor en Wikidata -
Nacionalidade deportivaEspaña Editar o valor en Wikidata
Deportefútbol Editar o valor en Wikidata
Posición de xogoDianteiro Editar o valor en Wikidata
Traxectoria Editar o valor en Wikidata
  Equipo Número de partidos xogados Puntos/goles/tantos anotados
1982–1986   Osasuna Promesas 46(17)
1985–1988   CA Osasuna 119(25)
1988–1990→ cesión:    Real Sociedad 94(13)
1988–1994   FC Barcelona 174(9)
1994–1997   Athletic Club 112(2)
1998–1998 Yokohama F. Marinos 23(0)
1998–1999   CA Osasuna 17(0)
  Selección nacional Número de partidos xogados Puntos/goles/tantos anotados
1985–1985   España sub-20 5(1)
1985–1985   España sub-19 1(0)
1985–1988   España sub-21 12(2)
1987–1987   España sub-23 1(0)
1988–1996   País Vasco 5(1)
1990–1996   España 36(4)
Participou en
1994Mundial de Fútbol Estados Unidos 1994 Editar o valor en Wikidata
FIFA: 50025 UEFA: 11595 Editar o valor en Wikidata

Jon Andoni Goikoetxea Lasa, nado en Pamplona o 21 de outubro de 1965, é un exfutbolista español, que xogaba como extremo e lateral dereito. Considerado un dos mellores extremos españois da súa época, destacou nas filas de Osasuna, Real Sociedad, FC Barcelona e Athletic Club. Foi 36 veces internacional coa selección española, coa que disputou o Mundial de 1994.

Traxectoria

[editar | editar a fonte]

Formado na canteira de Osasuna, debutou co primeiro equipo na Copa do Rei na tempada 1984/85, tres días despois do seu 19º aniversario.

Subiu definitivamente ao primeiro equipo na tempada 1985/86 e durante os seguintes tres anos acadou os 119 partidos e 25 goles co club navarro. O seu gran rendemento, sobre todo durante a campaña 1987/88, na que Osasuna rematou o campionato de liga na quinta posición, sendo o máximo goleador do equipo con 11 goles, valeulle a súa fichaxe polo Barcelona en 1988. O club catalán cedeuno á Real Sociedad por dúas tempadas como parte do pago ao club vasco das fichaxes de Bakero, Begiristain e López Rekarte.[1] Xogou un total de 94 partidos oficiais co equipo txuriurdin , co que marcou 13 goles.

Regresou ao Barcelona para a tempada 1990/91 e foi un xogador clave no primeiro título de liga do chamado "Dream Team", sendo elixido nalgunhas votacións como o mellor xogador do campionato. Militou durante catro tempadas no Camp Nou, gañando catro ligas, e xogou a histórica final da Copa de Europa 1991-92, que o seu equipo conquistou diante da Sampdoria.[2]

Ao final da tempada 1993/94 e, despois de que a súa participación no equipo se vira reducida, foi traspasado ao Athletic Club, nun troco por Eskurza.[3] Rendeu a bo nivel durante tres tempadas no club bilbaíno, pero quedou sen apenas minutos na tempada 1996/97. Xogou un total de 112 partidos coa camiseta branca e vermella, coa que marcou un gol.

En marzo de 1998, despois de case seis meses sen actuar co equipo vasco, trasladouse ao Xapón para xogar no Yokohama Marinos da J. League, adestrado por Xabier Azkargorta e onde coincidiu co seu excompañeiro Julio Salinas.[4][5] Militou no equipo nipón ata decembro de 1998, cando regresou á súa Navarra natal.[6] Pouco despois, en xaneiro de 1999, volveu ao seu primeiro club, Osasuna, desta vez na Segunda División, onde pechou a súa carreira deportiva ao remate desa mesma tempada.[7]

Uns anos despois da súa retirada como futbolista pasou a formar parte do equipo técnico de Osasuna, como segundo adestrador do Kuko Ziganda no equipo xuvenil primeiro, e máis tarde no filial e no primeiro equipo. Tamén xogou no equipo de fútbol indoor do FC Barcelona..

Na tempada 2009/10 foi segundo adestrador de Ziganda no Xerez.[8] Entre xaneiro e xuño de 2017 ocupou o cargo de director deportivo de Osasuna.[9][10]

Selección nacional

[editar | editar a fonte]

Internacional coa selección española sub-20, en 1985 proclamouse subcampión mundial da categoría na Copa do Mundo celebrada na Unión Soviética.[11] Posteriormente foi 13 veces internacional coa selección sub-21.

Debutou coa selección española absoluta en 1990, nun amigable contra o Brasil en Xixón. Foi convocado por Javier Clemente para o Mundial de 1994, nos Estados Unidos, onde tivo unha boa actuación, marcando dous goles, un contra Corea do Sur e outro contra Alemaña.[12] Xogou o seu último encontro internacional en febreiro de 1996, nun amigable ante Noruega.

Notas

[editar | editar a fonte]
  1. ↑ Pérez de Rozas, Emilio (18 de maio de 1988). "El Barcelona ficha a Bakero, Beguiristáin y Goicoechea". El País (en castelán). Consultado o 7 de novembro de 2022. 
  2. ↑ "Uno de los nuestros: Jon Andoni Goikoetxea". Fútbol Club Barcelona (en castelán). 12 de maio de 2017. Consultado o 7 de novembro de 2022. 
  3. ↑ Castañeda, Eduardo (5 de agosto de 1994). "Casi podrían visitarse en bicicleta". Mundo Deportivo (en castelán). p. 8. Consultado o 7 de novembro de 2022. 
  4. ↑ "Goikoetxea dejará al Athletic". El País (en castelán). 16 de marzo de 1998. Consultado o 7 de novembro de 2022. 
  5. ↑ "La J-League habla español". Mundo Deportivo (en castelán). 21 de marzo de 1998. p. 29. Consultado o 7 de novembro de 2022. 
  6. ↑ "Goiko: "No me apetece seguir jugando"". Mundo Deportivo (en castelán). 20 de decembro de 1998. p. 10. Consultado o 7 de novembro de 2022. 
  7. ↑ "Tarde mágica en El Sadar". Mundo Deportivo (en castelán). 21 de xaneiro de 1999. p. 29. Consultado o 7 de novembro de 2022. 
  8. ↑ Zaballa, Carlos (11 de xuño de 2017). "Athletic. "Kuko es la persona idónea"". Mundo Deportivo (en castelán). Consultado o 7 de novembro de 2022. 
  9. ↑ "Andoni Goikoetxea, nuevo director deportivo" (en castelán). 6 de xaneiro de 2017. Consultado o 7 de novembro de 2022. 
  10. ↑ "Jon Andoni Goikoetxea: “He tenido mucho desgaste, toca parar”" (en castelán). 16 de xuño de 2017. Arquivado dende o orixinal o 2 de febreiro de 2018. Consultado o 7 de novembro de 2022. 
  11. ↑ Díez, Óscar (1 de novembro 2014). "España en los mundiales sub’20: URSS 1985". Cuadernos de Fútbol (en castelán) (59). ISSN 1989-6379. Arquivado dende o orixinal o 24 de setembro de 2018. Consultado o 7 de novembro de 2022. 
  12. ↑ "Jon Andoni Goikoetxea: “No merecimos perder contra Italia en el Mundial 94”" (en castelán). 7 de xullo de 2014. Arquivado dende o orixinal o 2 de febreiro de 2018. Consultado o 7 de novembro de 2022. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Jon_Andoni_Goikoetxea&oldid=6849885»