Frisinga

Frisinga
	Freising (de)
Localización
	48°24′10″N 11°44′56″L / 48.4028, 11.7489
Estado	Alemaña
Estado federado	Baviera
Regierungsbezirk	Alta Baviera
Rural district of Bavaria (en)	Freising (pt)
Capital de	Freising (pt)
Poboación
Poboación	49.339 (2022) (556,94 hab./km²)
Número de fogares	21.917 (2011)
Relixión	catolicismo, Protestantismo, luteranismo e Igrexa Ortodoxa Grega
Xeografía
Parte de	Stimmkreis Freising (en)
Superficie	88,59 km²
Bañado por	Río Isar e Moosach (en)
Altitude	448 m
Comparte fronteira con	Kirchdorf an der Amper (pt) ; Marzling ; Neufahrn (pt) ; Kranzberg ; Zolling ; Hallbergmoos ; Freising (pt) (1862–1940); Freising (pt) (1946–1972)
Organización política
• Lord Mayor of Freising (en)	Tobias Eschenbacher (2012–)
Membro de	Working Group of Bicycle-Friendly Municipalities in Bavaria (en) ; Bayerischer Städtetag (pt) ; Alcaldes pola Paz (2015–)
Identificador descritivo
Código postal	85354 e 85356
Fuso horario	Central European Standard Time (GMT+1) (en)
Prefixo telefónico	08161
Clave de rexión en Alemaña	091780124124
Número de municipio alemán	09178124
Outro
Irmandado con	Obervellach (pt) ; Waidhofen an der Ybbs (pt) ; Arpajon ; Maria Wörth (pt) ; San Candido (pt) ; Škofja Loka
Páxina web	freising.de

Frisinga, en alemán Freising, do latín Frisinga,^[1] é unha cidade da Alta Baviera situada a uns 30 km ao norte da capital do estado libre de Baviera, Múnic, en Alemaña, á beiras do río Isar, a tan só 10 km do aeroporto de Múnic.

Ten unha superficie de 88,61 km², unha altitude media de 448 msnm e unha poboación total de 49 126 habitantes en 2020.

Frisnga é a cidade máis antiga situada entre Ratisbona e Bolzano, e está dominada por dous outeiros, o outeiro da catedral, co castelo do bispo e a catedral de Frisinga, e o outeiro Weihenstephan, coa abadía de Weihenstephan e a súa famosa fábrica de cervexa.

Frisinga é unha das cidades con menor índice de paro de Alemaña, debido ao gran número de persoas da cidade que traballan no aeroporto de Múnic.

Frisinga é tamén a sede da cervexaría máis antiga do mundo,^[2] fundada no ano 1040 polos monxes beneditinos co nome de Bayerische Staatsbrauerei Weihenstephan. Ademais, foi nesta mesma cidade onde o duque Guillerme IV de Baviera ditou en 1516 a Lei de pureza da cervexa, na que se prohibía aos cervexeiros empregar outros ingredientes que non fosen cebada, lúpulo e auga na produción de cervexa.

Outro personaxe importante da cidade foi o seu bispo Otón de Frisinga, que pontificou de 1138 a 1158, e que durante a época da Querela das Investiduras entrou en conflito coa familia Wittelsbach, pero debido á súa relación co emperador do Sacro Imperio, mediou con éxito nas disputas entre os Hohenstaufen e os güelfos.

Por outra parte, Frisinga foi tamén o primeiro lugar no que se rexistrou un tornado en Europa.in 788.^[3]^[4]

Historia

Descubrimentos arqueolóxicos demostraron que a zona se poboou na Idade de Bronce, aínda que non se atoparon probas que suxiren un asentamento continuo até o século VIII d.C., Frigisinga. Corbiniano de Frisinga, San Corbiniano (ca. 670 - ca. 730) un bispo franco, foi un evanxelizador dos bávaros. Corbiniano foi enviado ao territorio gobernado polo duque franco de Baviera Grimaldo I.^[5] Corbiniano probabelmente chegou á daquela capital do Ducado de Baviera, Frisinga, instalándose nun santuario que xa existía alí en 724,^[6] onde erixiu unha escola e un mosteiro beneditino, que chegou a ser dirixido polo seu irmán Eremberto, despois da súa morte. Foi o precursor da diocese de Frisinga. O 20 de novembro, conmemorando o traslado da súas reliquias de Merano (Italia) a Frisinga celébrase alí unha gran procesión protagonizada sobre todo por mozos.^[7] En 738, cando Bonifacio de Maguncia (San Bonifacio) regulou a estrutura eclesiástica do Ducado de Baviera, mediante a creación de catro dioceses sufragáneas do arcebispado de Maguncia (entre elas o bispado de Frisinga), Eremberto foi elixido primeiro bispo de Frisinga.

Segundo a súa Vita, redatada polo bispo Arbeo de Frisinga, ordenou a un oso que levase a súa equipaxe a través dos Alpes despois de que matara ao seu cabalo. O oso enselado segue sendo o símbolo da cidade, amosado no se escudo de armas. Aínda que a sede da diocese foi trasladada a Múnic en 1821, incluída a elevación a arquidiocese, Freising permaneceu até hoxe como sede da administración da diocese.

Entre 764 e 783, o bispo Arbeo fundou unha biblioteca e un scriptorium na abadía. O asentamento comezou a converterse nun centro relixioso. Dise que os restos mortais do papa Alexandre I foron trasladados a Frisinga en 834.

En 996, Frisinga recibiu ss dereitos como cidade do emperador so Sacro Imperio Otón III. Porén, despois da «... destrución da ponte episcopal, a alfándega, a ceca e as salinas preto de Oberföhring polo duque Henrique o León, que trasladou as casas da alfándega e o lugar da ponte á parte alta de Oberföhring, colocándoas na localidade de Múnic nas beiras do Isar»,^[8] en 1158, Frisinga comezou a perder a súa importancia económica. En 1159 construíuse a catedral románica (cunha notábel columna de animais na cripta).

Durante a mediatización e secularización dos territorios soberanos pertencentes a bispados, abadías e ordes relixiosas, proceso que aconteceu en Alemaña entre 1795 e 1814, un período marcado polo final da Revolución francesa, o nacemento e a desaparición do Primeiro Imperio francés e pola subseguinte descomposición (causada poa vitoria deste sobre Austria) do Sacro Imperio Romano Xermánico, que tivo como consecuencia a creación e desaparición do seu estado substituto, monicreque de Napoleón Bonaparte, a Confederación do Rin.^[9]^[10]

Como consecuencia, en 1803, a Igrexa católica perdeu a maioría das súas propiedades e a autoridade na cidade. Nese ano a comunidade relixiosa de Weihenstephan deixou de existir, e pasou todos os seus dereitos, capitais e propiedades ao Reino de Baviera.

Este transformou a cervexaría de Weihenstephan na "Real Cervecexaría Bávara de Weihenstephan" e nun "Instituto de Agricultura". A cervexaría transformouse nunha escola para cerveceiros en 1919 e, na actualidade, é a "Facultade Cerveceira, de Alimentos e Lácteos da Universidade de Múnic".

Por ouro lado cómpre sinalar que, desde 1946 até 1951, o futuro papa Bieito XVI estudou Teoloxía católica e Filosofía na Universidade de Teoloxía e Filosofía de Frisinga.

Educación

En Frisinga están os seguintes centros educativos:

Educación secundaria

Camerloher-Gymnasium Freising
Dom-Gymnasium Freising
Josef-Hofmiller-Gymnasium

Edicación universitaria

Hochschule Weihenstephan-Triesdorf
TU-München Weihenstephan

Cidades irmandadas

Frisinga está irmandada con:^[11]

Arpajon, Francia (1991)
Innichen, Italia (1969)
Maria Wörth, Austria (1978)
Obervellach, Austria (1963)
Škofja Loka, Eslovenia (2004)
Waidhofen an der Ybbs, Austria (1986)

Galería

Catedral de Freising
Interior da catedral
Domberg (outeiro da Catedral) en inverno
Castelo do bispo
Igrexa de San Xurxo
Mosteiro de Neustift
Teatro Asam
Cervexaría Weihenstephan
Cervexaría Hofbräuhaus
Miradoiro do aeroporto

Notas

↑ Arcidiocesi di Monaco e Frisinga (italiano), Archidioecesis Monacensis et Frisingensis (latín), no Dicionario italiano-latín en liña.
↑ "Catholic.net - Weihenstephan, a cervexaría máis antiga do mundo". Consultado o 4 de xaneiro de 2021.
↑ Dr. R. Hennig, Katalog bemerkenswerter Witterungsereignisse. Berlin 1904; Originalquellen: Aventinus (Turmair), Johannes (gest. 1534): Annales Boiorum. Mit Nachtrag. Leipzig 1710; Annales Fuldenses, Chronik des Klosters Fulda. Bei Marquard Freher: Germanicarum rerum scriptores ua Frankfurt aM 1600–1611)
↑ "Tornadoliste Deutschland". Lista meteorolóxica alemá de tornados documentados^{[Ligazón morta]}.
↑ Rabenstein, Katherine. "Corbinian of Freising B (RM)". Santo del día(8 de setembro). Arquivado dende o orixinal o 05 de decembro de 2006. Consultado o 4 de fefreiro de 2021.
↑ "Freising". Encyclopædia Britannica. 2007. Consultado o 4 de febreiro de 2021.
↑ Jones, Terry. "Saint Corbinian". Patron Saints Index. Consultado o 4 de febreiro de 2021.
↑ Lins, Joseph (1913). "Munich-Freising". Catholic Encyclopedia. Consultado o 4 de febreiro de 2021.
↑ Whaley, J. (2011): Germany and the Holy Roman Empire (1493–1806). Volune I. Oxford: Oxford University Press. ISBN 978-0-1996-8882-1.
↑ John G. Gagliardo (1991): Germany Under the Old Regime, 1600–1790. Harlow, UK: Longman Publishing Group. ISBN 978-0-5824-9106-9.
↑ "Partnerstädte". partnerschaftsverein-freising.de (en alemán). Partnerschaftsverein Freising. Arquivado dende o orixinal o 18 de febreiro de 2021. Consultado o 4 de febreiro de 2021.

Véxase tamén

Bibliografía

Hubert Glaser, ed. (2002): Freising wird bairisch. Regensburg: Schnell & Steiner. ISBN 3-7954-1506-3.
Sigmund Benker & Marianne Baumann-Engels (1989): Freising. 1250 Jahre geistliche Stadt, 739-1989. Ausstellung zum Bistumsjubiläum im Diözesanmuseum Freising. Katalog und Schriften. München: Wewel. ISBN 3-879-04162-8.
Peter Hacker (2002): Freising Was die Stadt im 20. Jahrhundert bewegte. Passau: Stutz. ISBN 3-8884-9111-8.
Joachim Hamberger, ed. (2007): Papst Benedikt XVI. in Freising. Freising: Freisinger Verlag. ISBN 978-3-0002-1226-0.

Outros artigos

Ligazóns externas

Páxina web oficial (en alemán)
Fotos de Frisinga
Bayerische Staatsbibliothek (Biblioteca do Estado de Baviera) (en alemán)
Guten Tag aus Freising Ola desde Freising en Stadtportal-Freising (en alemán)
Monasterio de Weihenstephan, la cervecería más antigua del mundo. El monasterio benedictino de Weihenstephan es la cuna de la cerveza(en castelán)

[1] Arcidiocesi di Monaco e Frisinga (italiano), Archidioecesis Monacensis et Frisingensis (latín), no Dicionario italiano-latín en liña.

[2] "Catholic.net - Weihenstephan, a cervexaría máis antiga do mundo". Consultado o 4 de xaneiro de 2021.

[3] Dr. R. Hennig, Katalog bemerkenswerter Witterungsereignisse. Berlin 1904; Originalquellen: Aventinus (Turmair), Johannes (gest. 1534): Annales Boiorum. Mit Nachtrag. Leipzig 1710; Annales Fuldenses, Chronik des Klosters Fulda. Bei Marquard Freher: Germanicarum rerum scriptores ua Frankfurt aM 1600–1611)

[4] "Tornadoliste Deutschland". Lista meteorolóxica alemá de tornados documentados^{[Ligazón morta]}.

[patrick-5] Rabenstein, Katherine. "Corbinian of Freising B (RM)". Santo del día(8 de setembro). Arquivado dende o orixinal o 05 de decembro de 2006. Consultado o 4 de fefreiro de 2021.

[6] "Freising". Encyclopædia Britannica. 2007. Consultado o 4 de febreiro de 2021.

[index-7] Jones, Terry. "Saint Corbinian". Patron Saints Index. Consultado o 4 de febreiro de 2021.

[8] Lins, Joseph (1913). "Munich-Freising". Catholic Encyclopedia. Consultado o 4 de febreiro de 2021.

[9] Whaley, J. (2011): Germany and the Holy Roman Empire (1493–1806). Volune I. Oxford: Oxford University Press. ISBN 978-0-1996-8882-1.

[10] John G. Gagliardo (1991): Germany Under the Old Regime, 1600–1790. Harlow, UK: Longman Publishing Group. ISBN 978-0-5824-9106-9.

[11] "Partnerstädte". partnerschaftsverein-freising.de (en alemán). Partnerschaftsverein Freising. Arquivado dende o orixinal o 18 de febreiro de 2021. Consultado o 4 de febreiro de 2021.

[1]

[2]

[3]

[4]

[5]

[6]

[7]

[8]

[9]

[10]

[11]