Daniel Ricciardo

Daniel Ricciardo

(2024)
Biografía
Nacemento	(en) Daniel Joseph Ricciardo 1 de xullo de 1989 (35 anos) Perth, Australia
Educación	Newman College, Perth (en)
Altura	180 cm
Actividade
Ocupación	piloto de automobilismo, piloto de Fórmula Un
Nacionalidade deportiva	Australia
Deporte	automobilismo competición de Fórmula 1
Patrocinador	Red Bull GmbH
Traxectoria   Equipo Vehículo empregado 2011-2011 Hispania Racing F1 Team 2012-2013 Scuderia Toro Rosso 2014-2018 Red Bull Racing 2019-2020 Renault F1 Team 2021- McLaren 2023-2024 Scuderia Alpha Tauri
Premios
(26 de xaneiro de 2022)  Membro da Orde de Australia (2015)  Premio Laureus ao Deportista Revelación do Ano
Páxina web	danielricciardo.com

Daniel Joseph Ricciardo, nado en Perth, Australia Occidental, o 1 de xullo de 1989 é un piloto de carreiras australiano que actualmente compite na Fórmula 1 como terceiro pilotode Red Bull Racing. Gañou o Campionato británico de Fórmula Tres de 2009. Logo de que Mark Webber anunciara a súa retirada da Fórmula Un, Ricciardo foi confirmado como o seu substituto en Infiniti Red Bull Racing para 2014.^[1] Na súa primeira tempada con Red Bull, Ricciardo terminou terceiro no campionato logrando as súas tres primeiras vitorias na Fórmula Un, no Canadá,^[2] Hungría,^[3] e Bélxica.^[4]

Despois de dous anos sen vitorias, Ricciardo regresou ao máis alto do podio no Gran Premio de Malaisia de 2016, acabando por acadar o terceiro posto no campionato por segunda vez en tres anos no Gran Premio de México de 2016.^[5][6] Desde entón sumou vitorias no Gran Premio de Acerbaixán en 2017 e nos grandes premios de China e Mónaco en 2018. Despois de 2018, Ricciardo asinou con Renault e competiu con eles nas tempadas 2019 e 2020. Asinou con McLaren para as tempadas 2021 e 2022 de Fórmula Un xunto a Lando Norris. Obtivo a súa única vitoria con McLaren no Gran Premio de Italia de 2021. Logo da tempada 2021, Ricciardo foi nomeado Membro da Orde de Australia nos 2022 Australia Day Honours. Deixou McLaren a finais de 2022 e converteuse no terceiro piloto de Red Bull para o Campionato Mundial de Fórmula 1 de 2023. Substituíu o saínte Nyck de Vries en AlphaTauri despois da décima rolda da tempada, cedido por Red Bull Racing, e segue correndo para o equipo, que cambiou o seu nome a RB Formula One Team na tempada 2024.

Ricciardo comezou no karting á idade de nove anos. En 2005, participou no campionato de Fórmula Ford de Australia Occidental cun coche Van Diemen, terminando oitavo na clasificación.^[7] Ao final da tempada Ricciardo participou nunha carreira en Sandown Raceway do campionato nacional da Fórmula Ford, pero obtendo resultados pouco interesantes debido a antigüidade do coche.^[8] Ao ano seguinte gañou a oportunidade de participar na Fórmula BMW Asia con Eurasia Motorsport. Obtén dúas vitorias, ámbalas dúas no circuíto Bira, e tamén marca a pole position no circuíto de Zhuhai. Rematou terceiro na clasificación final con 231 puntos, 59 menos que o primeiro, Earl Bamber.

En agosto dese ano tomou parte, grazas a Motaworld Racing, nunha carreira do Campionato de Fórmula BMW. Na primeira carreira retírase, mentres que na segunda carreira chegou oitavo. Ao final da tempada participará nas Finais da Formúla BMW World con Fortec Motorsport onde termina quinto a 14 segundos do gañador Christian Vietoris.

No 2007 o Australiano pasa á Fórmula Renault con RP Motorsport que participa tanto no Campionato de Europa como no campionato italiano. Terminou sexto no campionato italiano con 196 puntos e conseguiu un podio na carreira de Valencia, pero non sumou puntos en catro carreiras da tempada do campionato europeo.

Continuou na fórmula Renault en 2008, competindo tanto na serie europea como na do oeste de Europa. A final de ano, o novo piloto conseguiu o seu primeiro título europeo na Copa de Europa occidental e terminou segundo na Eurocup tras o finlandés Valtteri Bottas.

A mediados de 2008 Ricciardo debuta na Fórmula 3 nunha carreira celebrada en Nürburgring, co equipo SG Formula Fórmula 3 Euroseries, conseguindo un oitavo posto na cualificación e un sexto posto na carreira logo de problemas técnicos de James Jakes e Vietoris.^[9]

Ricciardo pasa ao Campionato británico de Fórmula 3 de 2009 con Carlin Motorsport.^[10] Gaña o campionato, o último australiano que o gañara foi David Brabham en 1989. Do mesmo xeito que o seu predecesor, pilotou un automóbil propulsado por Volkswagen. Gañou con 87 puntos de marxe sobre Walter Grubmüller.

Ricciardo, sempre co equipo Carlin, participou no Gran Premio de Macau.^[11] Ricciardo é segundo máis rápido (e o novato máis rápido) por detrás de Marcus Ericsson na primeira cualificación, a continuación, é quinto na segunda rolda para determinar a grella da clasificación. Logo dun sexto lugar na carreira de cualificación Ricciardo viuse obrigado a retirarse logo de chocar contra o muro na curva San Francisco. Continua cunha picada antes de golpear a curva Esses Solitarias, causando un grande accidente ao bloquear o circuíto o que eliminou outros sete competidores.

Debuta nas World Series by Renault en 2009 con Charles Pic como compañeiro no Tech 1 Racing na carreira celebrada no Autódromo Internacional do Algarve. Retirouse na primeira carreira e chegou 15º na 2ª carreira.

O 30 de outubro de 2009 firma co equipo Tech 1 para competir na World Series by Renault de 2010. O seu compañeiro de equipo é Brendon Hartley ata que é substituído despois da carreira de Hungaroring.^[12] Esa tempada logra terminar subcampión a 2 puntos do campionato absoluto. Para a tempada seguinte repite na competición, alternándo o seu asento na F1, no entanto logra terminar 5º no campionato a pesar de non disputar 4 carreiras polo motivo anterior.

Ricciardo fai o seu debut cun monopraza de F1 logo de ser seleccionado para o programa de novos pilotos de Red Bull Racing nun test que se celebrou en Xerez do 1 ao 3 de decembro de 2009.^[13] No último día marcou o mellor tempo, foi o único que rodou nun 1:17.^[14]

Posteriormente, Ricciardo (xunto con Hartley) é designado como piloto de probas do equipo austríaco e da Scuderia Toro Rosso para a tempada de 2010,^[15] participando nos adestramentos libres do venres.

O 30 de xuño de 2011, confírmase a súa fichaxe como piloto oficial de Hispania polo resto da tempada, substituíndo a Narain Karthikeyan.^[16]

O 14 de decembro de 2011, confirmouse que Ricciardo podería pilotar un Scuderia Touro Rosso para a tempada 2012, xunto co francés Jean-Eric Vergne.^[17]

No Gran Premio de Australia de 2012 o 18 de marzo de 2012, Ricciardo logrou superar ao seu compañeiro de equipo Vergne na última volta para chegar á meta no noveno lugar, acadando os seus dous primeiros puntos no Campionato do Mundo.

En condicións de mollado en Malaisia terminou 12º, logo de ser dos primeiros en cambiar a pneumáticos lisos. En Bahrain clasificouse sexto, pero deixouse caer durante a carreira e terminou 15º. No Gran Premio de Mónaco de 2012 sufriu a súa única retirada da tempada, logo de saír desde a 15ª posición.

O 31 de outubro de 2012, Toro Rosso anunciou a renovación do contrato de Ricciardo para a tempada 2013.^[18]

O 2 de setembro de 2013 Ricciardo revelouse como o substituto de Mark Webber en Red Bull, será o compañeiro de Sebastian Vettel, que é o actual campión do mundo.

O 3 de agosto de 2018, o equipo Renault anunciou a fichaxe de Ricciardo por dúas tempadas, a partir de 2019, con Nico Hülkenberg como compañeiro de equipo. Daniel afirmou que "Probablemente foi unha das decisións máis difíciles da miña carreira ata agora. Pero pensei que era hora de probar algo diferente, un novo reto" e tamén que "(...) Sei que sempre que Renault estivo no deporte, dalgún xeito, gañou. Espero poder axudalos nesta viaxe e tamén contribuír dentro e fóra das pistas".^[19]

O 14 de maio de 2020, McLaren anunciou que Ricciardo competiría polo equipo a partir da tempada 2021, xunto a Lando Norris.^[20] Ricciardo asinou un contrato de tres anos co equipo británico.^[21]

O 12 de setembro de 2021, Ricciardo volveu gañar na Fórmula 1 no Gran Premio de Italia e puxo fin á racha de McLaren de non gañar na Fórmula 1 desde o Gran Premio do Brasil de 2012 e taménlogrou o dobrete do equipo con Lando Norris, en segundo lugar, algo que non acontecera dende o Gran Premio do Canadá de 2010.^[22]

O 24 de agosto de 2022, McLaren anunciou que Ricciardo deixaría o equipo ao final da tempada 2022, despois de que o seu contrato se rescinda de común acordo.^[23][24]

Despois de non poder conseguir un asento de Fórmula Un para a tempada 2023, Ricciardo volveu unirse á Red Bull Racing como terceiro piloto.^[25]

Nyck de Vries foi substituído do seu asento en AlphaTauri despois do Gran Premio do reino Unido de 2023.^[26] O mesmo día que Ricciardo pilotaba o Red Bull RB19 nas probas de pneumáticos de Pirelli, anunciouse que ocuparía o asento vacante, facendo o seu regreso ao equipo AlphaTauri e á Fórmula Un para o Gran Premio de Hungría de 2023. Está preparado para correr xunto a Yuki Tsunoda.^[27]

Tempada	Series	Equipo	Carreiras	Gañadas	Poles	Volta rápida	Podios	Puntos	Pos. Final
2005	Western Australian Formula Ford Championship	Privado	3	0	0	?	0	74	8º
2006	Formula BMW Asia	Eurasia Motorsport	19	2	3	3	12	231	3º
	Formula BMW UK	Motaworld Racing	2	0	0	0	0	3	20º
	Formula BMW World Final	Fortec Motorsport	1	0	0	0	0	N/A	5º
2007	Formula Renault 2.0 Italy	RP Motorsport	14	0	0	0	0	196	6º
	Eurocup Formula Renault 2.0		4	0	0	0	0	0	NC
2008	Formula Renault 2.0 WEC	SG Formula	15	8	9	7	11	192	1º
	Eurocup Formula Renault 2.0		18	6	5	5	7	136	2º
	Formula 3 Euro Series		2	0	0	0	0	N/A	NC†
	Masters of Formula 3		1	0	0	0	0	N/A	NC
2009	British Formula 3 Championship	Carlin Motorsport	20	7	6	5	13	275	1º
	Masters of Formula 3		1	0	0	0	0	N/A	NC
	Formula Renault 3.5 Series	Tech 1 Racing	2	0	0	0	0	0	34º
	Macau Grand Prix	Carlin	1	0	0	0	0	N/A	NC
2010	Formula Renault 3.5 Series	Tech 1 Racing	16	4	8	5	8	136	2º
	Fórmula 1	Scuderia Toro Rosso	Piloto de probas
2011	Formula Renault 3.5 Series	ISR	12	1	2	3	6	144	5º
	Fórmula 1	Scuderia Toro Rosso	Piloto de probas
		HRT F1 Team	11	0	0	0	0	0	27º
2012	Fórmula 1	Scuderia Toro Rosso	20	0	0	0	0	10	18º
2013	Fórmula 1	Scuderia Toro Rosso	19	0	0	0	0	20	14º
2014	Fórmula 1	Infiniti Red Bull Racing	19	3	0	1	8	238	3º
2015	Fórmula 1	Infiniti Red Bull Racing	19	0	0	3	2	92	8º
2016	Fórmula 1	Red Bull Racing	21	1	1	4	8	256	3º
2017	Fórmula 1	Red Bull Racing	20	1	0	1	9	200	5º
2018	Fórmula 1	Aston Martin Red Bull Racing	21	2	2	4	2	170	6º
2019	Fórmula 1	Renault F1 Team	21	0	0	0	0	54	9º
2020	Fórmula 1	Renault F1 Team	17	0	0	2	2	119	5º
2021	Fórmula 1	McLaren F1 Team	22	1	0	1	1	115	8º
2022	Fórmula 1	McLaren F1 Team	22	0	0	0	0	37	11º
2023	Fórmula 1	AlphaTauri AT04	8	0	0	0	0	6	17º
2024	Fórmula 1	RB-Honda RBPT	18	0	0	1	0	12*	14º*

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	18	19	20	21	22	23	24	Pos.	Puntos
2011	Scuderia Toro Rosso	Toro Rosso STR6	Ferrari 056 2.4 V8	AUS PP	MAL PP	CHN PP	TUR PP	ESP PP	MON PP	CAN PP	EUR PP																	27º	0
	Hispania Racing F1 Team	Hispania F111	Cosworth CA2011 V8									RU 19	ALE 19	HUN 18	BEL Ret	ITA NC	SIN 19	XPN 22	COR 19	IND 18	ABU Ret	BRA 20
2012	Scuderia Toro Rosso	STR7	Ferrari Tipo 056 2´4 V8	AUS 9	MAL 12	CHN 17	BAH 15	ESP 13	MON Ret	CAN 14	EUR 11	RU 13	ALE 13	HUN 15	BEL 9	ITA 12	SIN 9	XPN 10	COR 9	IND 13	ABU 10	USA 12	BRA 13					18º	10
2013	Scuderia Toro Rosso	STR8	Ferrari Tipo 056 2´4 V8	AUS Ret	MAL 18†	CHN 7	BAH 16	ESP 10	MON Ret	CAN 15	RU 8	ALE 12	HUN 13	BEL 10	ITA 7	SIN Ret	COR 19†	XPN 13	IND 10	ABU 16	USA 11	BRA 10						14º	20
2014	Infiniti Red Bull Racing	Red Bull RB10	Renault Energy F1-2014 1.6 V6 t	AUS DSC	MAL Ret	BAH 4	CHN 4	ESP 3	MON 3	CAN 1	AUT 8	RU 3	ALE 6	HUN 1	BEL 1	ITA 5	SIN 3	XPN 4	RUS 7	USA 3	BRA Ret	ABU 4						3º	238
2015	Infiniti Red Bull Racing	Red Bull RB11	Renault Energy F1-2015 1.6 V6 t	AUS 6	MAL 10	CHN 9	BHR 6	ESP 7	MON 5	CAN 13	AUT 10	RU Ret	HUN 3	BEL Ret	ITA 8	SIN 2	XPN 15	RUS 15†	USA 10	MEX 5	BRA 11	ABU 6						8º	92
2016	Red Bull Racing	Red Bull RB12	TAG Heuer 1.6 V6 t	AUS 4	BHR 4	CHN 4	RUS 11	ESP 4	MON 2	CAN 7	EUR 7	AUT 5	GBR 4	HUN 3	ALE 2	BEL 2	ITA 5	SIN 2	MAL 1	XPN 6	USA 3	MEX 3	BRA 8	ABU 5				3º	256
2017	Red Bull Racing	Red Bull RB13	TAG Heuer 1.6 V6 t	AUS Ret	CHN 4	BHR 5	RUS Ret	ESP 3	MON 3	CAN 3	ACE 1	AUT 3	GBR 5	HUN Ret	BEL 3	ITA 4	SIN 2	MAL 3	XPN 3	USA Ret	MEX Ret	BRA 6	ABU Ret					5º	200
2018	Red Bull Racing	Red Bull RB14	TAG Heuer 1.6 V6 t	AUS 4	BHR Ret	CHN 1	ACE Ret	ESP 5	MON 1	CAN 4	FRA 4	AUT Ret	GBR 5	ALE Ret	HUN 4	BEL Ret	ITA Ret	SIN 6	RUS 6	XPN 4	USA Ret	MEX Ret	BRA 4	ABU 4				6º	170
2019	Renault F1 Team	Renault R.S.19	Renault E-Tech 19 1.6 V6 t	AUS Ret	BHR 18†	CHN 7	AZE Ret	ESP 12	MON 9	CAN 6	FRA 11	AUT 12	GBR 7	ALE Ret	HUN 14	BEL 14	ITA 4	SIN 14	RUS Ret	XPN DSC	MEX 8	USA 6	BRA 6	ABU 11				9º	54
2020	Renault DP World F1 Team	Renault R.S.20	Renault E-Tech 20 1.6 V6 t	AUT Ret	EST 8	HUN 8	GBR 4	70A 14	ESP 11	BEL 4	ITA 6	TUS 4	RUS 5	EIF 3	POR 9	EMI 3	TUR 10	BAH 7	SAK 5	ABU 7								5º	119
2021	McLaren F1 Team	McLaren MCL35M	Mercedes M12 E Performance V6 t	BHR 7	EMI 6	POR 9	ESP 6	MON 12	ACE 9	FRA 6	EST 13	AUT 7	GBR 5	HUN 11	BEL 4‡	NED 11	ITA 1 +1	RUS 4	TUR 13	USA 5	MEX 12	BRA Ret	QAT 12	SAU 5	ABU 12			8º	115
2022	McLaren F1 Team	McLaren MCL36	Mercedes F1 M13 E Performance 1.6 V6 t	BHR 14	SAU Ret	AUS 6	EMI 186	MIA 13	ESP 12	MON 13	ACE 8	CAN 11	GBR 13	AUT 9	FRA 9	HUN 15	BEL 15	NED 17	ITA Ret	SIN 5	XAP 11	USA 16	MEX 7	BRA Ret	ABU 9			11º	37
2023	Scuderia AlphaTauri	AlphaTauri AT04	Honda RBPTH001 1.6 V6 t	BHR	SAU	AUS	ACE	MIA	EMI	MON	ESP	CAN	AUT	GBR	HUN 13	BEL 16	NED	ITA	SIN	XAP	QAT	USA 15	MEX 7	BRA 13	LVG 14	ABU 11		17º	6
2024	RB Formula One Team	RB VCARB 01	Honda RBPTH002 1.6 V6 t	BHR 13	SAU 16	AUS 12	XAP Ret	CHN Ret	MIA 154	EMI 13	MON 12	CAN 8	ESP 15	AUT 9	GBR 13	HUN 12	BEL 10	NED 12	ITA 13	ACE 13	SIN 18	USA	MEX	BRA	LVG	QAT	ABU	13º*	12*

* Tempada en curso

A Galipedia ten un portal sobre: Fórmula 1

Wikimedia Commons ten máis contidos multimedia na categoría:  Daniel Ricciardo

• Páxina Oficial
• Perfil na base de datos do piloto