Aeroporto de Copenhague-Kastrup

Aeroporto de Copenhague-Kastrup Københavns Lufthavn, Kastrup
IATA: CPH – ICAO: EKCH
Sumario
Tipo		público
Propietario		Københavns Lufthavne
Cidade/Illa		Copenhague e Malmö
Localización		Kastrup
Coordenadas
Web		https://www.cph.dk/
Pista(s)
Dirección	Longo		Superficie
	metros	pés
04L/22R	3 600	11 811	asfalto
04R/22L	3 300	10 827	asfalto
12/30	2 800	9 186	asfalto/formigón
Estatísticas (2016)
Pasaxeiros			29 043 287

O aeroporto de Copenhague-Kastrup (IATA: CPH, ICAO: EKCH) é o principal aeroporto internacional que serve a Copenhague, á toda a illa de Selandia, á rexión de Øresund e a unha gran parte do sur de Suecia. É o aeroporto máis grande dos países nórdicos con 29 millóns de pasaxeiros no ano 2016 e un dos aeroportos internacionais máis antigos de Europa. É o terceiro máis concorrido do norte do continente e o máis usado para viaxes internacionais de Escandinavia.^[1]

O aeroporto está situado na illa de Amager, a 8 km ao sur do centro da cidade de Copenhague e ao 24 ao oeste de Malmö a travñes da ponte de Øresund. As súas instalacións cobren unha área de 11,8 quilómetros cadrados.^[2] A meirande parte do aeroporto atópase localizado no municipio de Tårnby, cunha pequena parte na cidade de Dragør.

O aeroporto é o principal centro de conexións dos tres que ten Scandinavian Airlines e tamén é unha base para Thomas Cook Airlines Scandinavia e Norwegian Air Shuttle. Dende Kastrup unhas 60 aeroliñas realizan voos reagulares e o aeroporto ten unha capacidade máxima de 83 operacións por hora, contando con 108 zonas de estacionamento, tanto remotas como a través de pasarela. A diferenza doutros aeroportos escandinavos, a meirande parte dos seus pasaxeiros son internacionais. No ano 2015 o 6,1% dos pasaxeiros viaxaron a outro aeroporto danés, o 83,5% a outro aeroporto europeo, e o 10,4% foron pasaxeiros intercontinentais.^[3] O aeroporto é propiedade de Københavns Lufthavne, que tamén opera o aeroporto de Roskilde.

O aeroporto de Copenhague foi chamado orixinalmente aeroporto de Kastrup, xa que se atopa situado na pequena cidade do mesmo nome, agora parte do municipio de Tårnby. O seu nome formal segue a ser aeroporto de Copenhague, Kastrup, para distinguilo do de Roskilde, que ten como nome formal aeroporto de Copenhague, Roskilde.