Anfisbenios

Anfisbenios Amphisbaenia Anfisbenas Rango fósil: Cretáceo - actualidade (99 – 0 Millóns de anos)[1]
A cobra cega (Blanus cinereus), a única especie europea da suborde
Clasificación científica
Reino: Animalia Filo: Chordata Subfilo: Vertebrata Superclase: Tetrapoda Clase: Sauropsida Subclase: Diapsida Orde: Squamata Suborde: Amphisbaenia J. R. Gray, 1844
Área de distribución dos anfisbenios
Familias
Véxase o texto

A dos anfisbenios (Amphisbaenia), tamén chamados anfisbenas,^[2] ou cobras cegas,^[3] é unha suborde peculiar e pouco coñecida de réptiles escamosos adaptados á vida no subsolo.

Son de pequeno tamaño (a maioría das especies miden menos de 15 cm) de lonxitude. Como as serpentes, carecen de patas (agás as especies do xénero Bipes, que aínda conservan o par anterior), polo que superficialmente son parecidas a miñocas de terra, e presentan claras adaptacións ao medio subterráneo, como a capacidade de escavar e desprazarse pregando a súa pel como un acordeón. A súa cabeza, maciza, sen oído externo e cos ollos atrofiados, fai que se distinga mal do extremo oposto do corpo.

Son capaces de desplazárense tanto en dirección cara a adiante como cara a atrás, e por iso déuselles o nome de Amphisbaenia ("os que van en dúas direccións").

Coñécense unhas 190 especies, a maior parte delas en África e América do Sur.

O grupo foi descrito en 1844 polo naturalista británico John Edward Gray, que lle outorgou a categoría de orde.^[4]

O nome científico Amphisbaenia Gray tomouno da raíz do nome da serpe monstruosa da mitoloxía grega Anfisbena (en grego antigo Ἄμφισβαίνα Amphisbaína, de ἀμφίς amphís, "dos dous lados", e βαίνω baínō, "andar", "moverse", transcrita en latín clásico como Amphisbaena.^[5] coa adición do sufixo -ia, indicando plural.

Moitos dos autores na actualidade recoñecen na suborde as seis familias seguintes:

• Amphisbaenidae J. E. Gray, 1865 – Anfisbénidos, anfisbenas tropicais de Suramérica, algunhas illas do Caribe e da África subsahariana.^[6] (17 xéneros).
• Bipedidae Taylor, 1951 – Bipédidos, só en México, onde se coñecen co nome común ajolotes,^[7] )non confundir co axolote) (1 xénero)
• Blanidae Kearney & Stuart, 2004.^[8] - Blánidos, anfisbenas de Anatolia, a Península Ibérica e Marrocos (1 xénero)
• Cadeidae Vidal & Hedges, 2008 – Dadeidos, anfisbena de Cuba (1 xénero). Tradicionalmente incluída nos anfisbénidos, pero o ADN mostra que está máis cerca dos blánidos.^[9]
• Rhineuridae Vanzolini, 1951 – Rinéuridos, anfisbenas de Norteamérica.^[10] (1 xénero)
• Trogonophidae J. E. Gray, 1865 – Anfisbenas do Paleártico.^[11] (4 xéneros)

O seguinte cladograma mostra as relacións filoxenéticas entre as seis familias de anfisbenas determinadas por análises filoxenética de xenes mitocondriais e nucleares por Vidal et al. (2008).^[9]

Wikimedia Commons ten máis contidos multimedia na categoría:  Anfisbenios

Wikispecies posúe unha páxina sobre:  Anfisbenios

• Branch, W. R. (2004): Field Guide to Snakes and Other Reptiles of Southern Africa. Third Revised edition, Second Impression. Sanibel Island, Florida: Ralph Curtis Books. 399 pp. ISBN 0-8835-9042-5. (Suborde Amphisbaenia, pp. 201–202.)
• Gans, C. (2005): "Checklist and Bibliography of the Amphisbaenia of the World". Bull. American Mus. Nat. Hist. 289: 1-130.
• Goin, C. J.; O. B. Goin & G. R. Zug (1978): Introduction to Herpetology, Third Edition. San Francisco: W.H. Freeman and Company. xi + 378 pp. ISBN 0-7167-0020-4. (Suborde Amphisbaenia, pp. 276–278.)
• Gray, J. E. (1844): Catalogue of the Tortoises, Crocodiles, and Amphisbænians, in the Collection of the British Museum. Londres: Trustees of the British Museum. (E. Newman, printer.) viii + 80 pp. (Orde "Amphisbænia", p. 68.)

• Escamosos

• Amphisbaenia na ADW.
• Amphisbaenians. Amphisbaenia Arquivado 31 de outubro de 2019 en Wayback Machine. na EOL.