Comarca de Ortegal

Comarca de Ortegal

Localización
43°42′N 7°48′O / 43.7, -7.8
Estado	España
Comunidade autónoma	Galicia
Provincia	Provincia da Coruña
Capital	Ortigueira
Contén a división administrativa	Cariño Cerdido Mañón Ortigueira
Poboación
Poboación	11.814 (2022) (30,16 hab./km²)
Xeografía
Superficie	391,71 km²

A comarca de Ortegal^[1] é unha comarca galega situada no norte da provincia da Coruña. Abrangue os concellos de Cariño, Cerdido, Mañón e Ortigueira. A comarca non conta con capital oficial, se ben é Ortigueira onde se sitúan determinadas estruturas administrativas (Xulgado de Instrución, Delegación de Facenda, Oficina do INSS, Notaría, Rexistro da Propiedade...), que sumado á súa posición xeográfica central e a de ser o concello máis poboado e máis extenso, lle confiren esa condición oficiosa de capital.

Limita ao norte co océano Atlántico, ao sur co concello das Pontes de García Rodríguez (comarca do Eume), ao leste coa comarca da Mariña Occidental -xa na provincia de Lugo- e ao oeste coa comarca de Ferrol,^[2] onde se integra o concello de Cedeira, tradicionalmente integrado na comarca do Ortegal por razóns históricas e xeográficas, condición que abandonou nos anos 90 ao producirse a división comarcal de Galicia, por consideralo mellor para os seus intereses.

• 
• 
  De Ortegal a Bares.
• 
  Estaca de Bares.
• 
  Cariño.
• 
  Cabo Ortegal.

Este artigo sobre comarcas de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.