Lech Kaczyński

Lech Kaczyński
	; Irudi gehiago
; 4. Poloniako presidentea
; Mayor of Warsaw (en)
Minister of Justice (en)
; Sejmeko kidea
; Sejmeko kidea
; Member of the Senate of the Republic of Poland (en)
Bizitza
Jaiotza	Varsovia, 1949ko ekainaren 18a
Herrialdea	Polonia ; Polonia
Lehen hizkuntza	poloniera
Heriotza	Smolensk, 2010eko apirilaren 10a (60 urte)
Hobiratze lekua	Wawelgo katedrala
Heriotza modua	istripuzko heriotza: hegazkin-istripua
Familia
Aita	Rajmund Kaczyński
Ama	Jadwiga Kaczyńska
Ezkontidea(k)	Maria Kaczyńska (1978ko apirilaren 27a - 2010eko apirilaren 10a)
Seme-alabak	ikusi Marta Kaczyńska;
Haurrideak	ikusi Jarosław Kaczyński;
Leinua	House of Kaczyński (en)
Hezkuntza
Heziketa	XLI Liceum Ogólnokształcące im. Joachima Lelewela w Warszawie (en) ; XXXIX LO im. Lotnictwa Polskiego in Warsaw (en) 1967) ; Faculty of Law and Administration, University of Warsaw (en) ; (1967 - 1971) magister degree (en) : zuzenbide (jakintza)
Hezkuntza-maila	habilitation (en)
Tesi zuzendaria	Czesław Jackowiak (en)
Doktorego ikaslea(k)	Jakub Stelina (en)
Hizkuntzak	poloniera
Jarduerak
Jarduerak	politikaria, unibertsitateko irakaslea, abokatua, sindikalista, zinema aktorea, legelaria, unibertsitateko irakaslea, lege-aditua eta Disidentzia
	Parte-hartzailea Polish Round Table Agreement (en) ;
Lantokia(k)	Varsovia eta Gdańsk
Enplegatzailea(k)	Chancellery of the President of the Republic of Poland (en) ; Ministry of Justice (en) ; Supreme Audit Office (en) ; Gdańskeko Unibertsitatea (1971 - 1999); Cardinal Stefan Wyszyński University in Warsaw (en) (1999 - 2005)
Jasotako sariak	ikusi Knight of the Order of the White Eagle (2005) ; Grand Cross of the Order of Polonia Restituta (2005) ; Knight Grand Cross with Collar of the Order of Merit (2007) ; Grand Collar of the Order of Prince Henry (2008) ; Collar of the Order of the White Lion (2010) ; Collar of the Order of the Star of Romania (2009) ; Grand Cross with collar of the Order of Vytautas the Great (2009) ; Grand Order of King Tomislav (2008) ; Order of Prince Yaroslav the Wise, 1st class (2007) ; Grand Cross of the Order of the White Double Cross‎ : Ivan Gašparovič, Eslovakiako presidente (2009ko otsailaren 21a) ; Grand Cross of the Order of Merit of Hungary (2009) ; Order of National Hero (2010) ; St. George's Order of Victory (2007) ; Heydar Aliyev Order (2009) ; Order of King Abdulaziz al Saud (2007) ; National Maltese Order of Merit (2007) ; honorary doctorate from the Catholic University of Lublin (2009) ; honorary doctor of the Tbilisi State University (2007) ; Grand Cross with Collar of the Order of the White Rose of Finland (2008ko martxoaren 25a) ; Medal for Merit to the Justice System - Bene Merentibus Iustitiae (2010) ; [[]] (2010) ; Semper Fidelis Cross (2011) ; Custodian of National Remembrance (2017) ; Order pro Merito Melitensi ;
Kidetza	Solidarność
Sinesmenak eta ideologia
Erlijioa	katolizismoa
Alderdi politikoa	Legea eta Justizia; Centre Agreement (en) ; Citizens Parliamentary Party (en)
	president.pl…

Lech Aleksander Kaczyński (Varsovia, Polonia, 1949ko ekainaren 18a - Smolensk, Errusia, 2010eko apirilaren 10a^[1]), Poloniako politikaria izan zen. Poloniako Legea eta Justizia alderdi kontserbakorreko kidea zen.

Hainbat postu izan zituen, Varsoviako alkatea 2002tik 2005era eta Poloniako presidente izan zen 2005etik 2010ean hil zen arte.^[2]

Biografia

Lech Aleksander Kaczyński eta anaia bikia zuen Jarosław Varsoviako Żoliborz distritoan jaio zen, Polonian, 1948ko ekainaren 18an. Aita Rajmund Kaczyński ingeniaria izan zen, II. Mundu Gerran borrokatu zuen soldadu ohia eta 1944ko Alemaniaren aurkako Varsoviako altxamenduan parte hartutako beteranoa, eta ama, berriz, Jadwiga filologoa.

1962an, Kaczyński anaiek 13 urte zituzten O dwóch takich, co ukradli księżyc (Ilargia lapurtu zuten biak) abentura filmean parte hartu zutenean^[3]. Bertan, bi anaia bihurrik aberastu egin nahi zuten, ilargia lapurtu eta salduta^[4].

Ilargia utzi eta politikari heldu zioten, ordea. 1980an, Kaczyńskik Zuzenbideko ikasketak egin zituen -anaiak ere bai- eta doktoretza lortu zuen, Lan Arloan, 1990ean, doktoretza ondorengo gradu batekin osatu zuelarik. Gdanskeko unibertsitatean irakasle izan zen eta Varsoviako Cardenal Stefan Wyszynskin ere bai.

1977an, Langilearen Defentsarako Batzordearentzat hasi zen lan egiten eta, urtebete geroago, sindikatu independenteetan kolaboratzen hasi zen.

Karrera politikoa

1980an batzordearen aholkuari izendatu zuten Gdanskeko greban eta Solidarność sindikatuaren ordezkari izan zen Lehen Kongresu Nazionalean. Gerra-legearen garaian, atxilo hartu zuten eta, aske geratu zenean, berriro murgildu zen sindikatuaren ekintzetan eta haren buruzagitza klandestinoaren kideetako bat izan zen.

1988ko abenduan, Gizabidezko Batzordeko kide egin zen, Lech Wałęsarekin batera.

1989an, senadore hautatu zuten eta, 2 urte geroago, diputatu.

1991n, Kantzelaritzako Segurtasun Nazionaleko Bulegoko buruzagi egin zuten eta, urtebete geroago, Kontrol Ganbera Goreneko lehendakari, 1995era arte, kargu horretan egon zelarik.

2000ko ekainean, Jerzy Buzek lehen ministroak Justizia ministro izendatu zuen.

2001eko apirilean, Prawo i Sprawiedliwość alderdiaren Batzar Nazionalaren lehendakari egin zuten eta, legebiltzarreko hauteskundeen ondoren, Legebiltzarrean geratu zen alderdi horretako diputatu.

2002ko udazkenean, Varsoviako alkate egin zuten.

2005eko urriaren 9an, Lech Wałęsa Poloniako lehendakari izateko hautagai izan zen, bigarren geratu zelarik, Donald Tusken atzetik, baina urte horretako urriaren 23an bigarren buelta egin zutenean, irabaztea lortu zuen. Bi hilabete geroago, Kaczyńskik zin egin zuen kargua.

Heriotza

Sakontzeko, irakurri: «2010eko Poloniako Aireko Armadaren Tu-154 hegaldia»

2010eko apirilaren 10ean, Errusiako Katin hirian Bigarren Mundu Gerra garaian Stalinek burututako Katingo sarraskian hildako poloniarrak omentzera zihoala, hegazkin istripua izan zuen Lech Kaczyńskiren hegazkinak Errusiako Smolensk hiriko aireportuan lur-hartzen ari zela.^[2] Bidaiari guztiak hil ziren, tartean Lech Kaczyński eta bere emaztea.^[1]

Meteorologia zerbitzuek kontuz ibiltzeko adierazi zien presidentearen hegazkineko pilotuei, laino itxia baitzegoen lur hartu behar zuten lekuan eta kontrol-dorreak Mosku edo Minsk (Bielorrusia) aldera desbideratzeko proposamena egin zien.

Errusiar gobernuko bozeramaileek goizeko 10:56etan (Moskuko ordua. 07:56 GMT) gertatu zela istripua esan zuten, laugarren lur hartzeko saiakeran, Errusia mendebaldeko Smolensk aire-basean. Garbitu gabe geratu da arrazoia, baina errusiar agentzien iritzian, laino itxiak hegazkinak altura exkasean hegan egitera behartuko zuen eta, zuhaitzekin talka egin zuenean, kontrola galdu zuen, txikitu eta su hartuz.

Smolenskeko gobernadoreak eta Poloniako PAP agentziak, errusiar iturriak hartu zituen inork ez zuela biririk iraun esateko. 96 hildako eta, haien artean, Maria Kaczyńska emaztea, tripulazioko 8 kideak, Poloniako agintaritza militarra, Banku Zentraleko gobernadorea, ministroak, Legebiltzarreko kideak, gobernuko delegazioa, gabinete politikoa, Eliza Katolikoko buruak eta beste hainbat kargu zeuden; Poloniako Aireko Armadaren Tu-154 hegaldian, Poloniako elite politikoa bat-batean desagertuta geratu zen.

70 urteko tarteaz, Poloniak bi aldiz galdu ditu bere eliteak, bi aldiz eta leku aldrebes eta hotzean: Katyngo baso errusiarrean. 1940an, polizia estalinistak Poloniako ofizial erdiak erail zituen; herri honi elite militar eta zibilak kendu nahian, ehunka sendagile, abokatu, intelektuak eta abar erori ziren, 20.000 gorpu bildu arte.

70 urte geroago, sarraski haren oroimena egiteko xedean zihoazenean, Poloniako elite militar eta zibila leku berean desagertu zen^[5].