Jürgen Klinsmann

Jürgen Klinsmann
(2024) Irudi gehiago
Bizitza
Jaiotza	Göppingen, 1964ko uztailaren 30a (60 urte)
Herrialdea	Alemania  Mendebaldeko Alemania  Ameriketako Estatu Batuak
Familia
Seme-alabak	ikusi Jonathan Klinsmann (en)
Hezkuntza
Heziketa	Gewerbliche Schule Im Hoppenlau (en)
Hizkuntzak	alemana
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Germany national under-16 football team 1980 / 1981 3 0 Stuttgarter Kickers 1981 / 1984 61 22 VfB Stuttgart 1984 / 1989 156 79 Germany national under-21 football team 1984 / 1985 8 3 Germany Olympic football team 1987 / 1988 14 8 Alemaniako futbol selekzio nazionala 1987 / 1998 108 47 Football Club Internazionale Milano 1989 / 1992 95 34 AS Monaco 1992 / 1994 65 29 Tottenham Hotspur Football Club 1994 / 1995 41 20 FC Bayern München 1995 / 1997 65 31 UC Sampdoria 1997ko uztailaren 1a / 1998ko urtarrilaren 1a 8 2 Tottenham Hotspur Football Club 1998ko urtarrilaren 1a / 1998ko uztailaren 1a 15 9 Orange County Blue Star 2003 / 2003 8 5
Parte-hartzailea 1994ko Munduko Futbol Txapelketa 1998ko Munduko Futbol Txapelketa 1990eko Munduko Futbol Txapelketa 1988ko Udako Olinpiar Jokoak UEFA Euro 1988 UEFA Euro 1992 UEFA Euro 1996
Posizio edo espezialitatea	aurrelaria
Pisua	75 kilogramo
Altuera	181 zentimetro
Jasotako sariak	ikusi German Footballer of the Year  (1988) Football Manager of the Year  (2006) Silbernes Lorbeerblatt Cross of the Order of Merit of the Federal Republic of Germany  (2006) Order of Merit of Baden-Württemberg  (1999) German Footballer of the Year  (1994)
Izengoitia(k)	Jay Goppingen

Jürgen Klinsmann (alemanez ˈjʏʁɡn̩ ˈkliːnsˌman ahoskatua; Göppingen, 1964ko uztailaren 30a - ) Alemaniako futbol jokalari ezagunenetakoa da. Aurrelari izanik txapelketa ugari irabazi zituen klub mailan eta Alemaniako selekzioan ere historiako golegile handienen artean dago. Gaur egun Estatu batuetako selekzioaren entrenatzailea da.

Stuttgarten hasi zuen bere kirol ibilbidea, hasieran bigarren mailoan ari zen Stuttgarter Kickers talde apalean eta ondoren hiriko klub indartsuena den VfB Stuttgart taldean. 1987-88 denboraldian Bundesligako jokalari onena aukeratu zuten eta oraindik ahaztu gabe dago Bayern Munichi "guraize" eran sarturiko gol ikusgarria. Denboraldi hartan bertan egin zuen debuta Alemaniako selekzioan. Guztira nazioarteko sei txapelketa jokatu zituen selekzioarekin eta historiako hirugarren golegilea bihurtu zen, partida geheien jokatzu dituztenen artean ere hirugarrena delarik.

Stuttgarten eginiko lan bikainak Europako kluben arreta piztu zuen eta Milanera joan zen bertako Internazionale taldean aritzera. Bere joko onaz gain italiera ikasi eta zeukan izaera zabalagatik Italiako Ligako atzerritarrik maiteena bihurtu zen. 1990an gainera Italian bertan jokaturiko Munduko Txapelketa irabazi zuen Alemaniarekin.

Hurrengo urteak AS Monaco taldean egin zituen eta 1994ean Londresko Tottenham Hotspur FC-k fitxatu zuen. Alemaniarra izanik ez zen oso ongi hartua izan. Kazetariek zioten gainera arean errazegi botatzen zuela bere burua. Klinsmannek debuta egin zuen partidan gola sartzerakoan ospatzeko bere burua lurrera bota zuen. Bere umore zorrotzak berehala maitatua izatera eraman zuten.

Sei urte Europako hainbat herrialdetan ibili ondoren Alemaniara itzuli zen, Municheko Bayernera hain zuzen, eta UEFA Kopa irabazi zuen bertan. 1997an berriz ere Italia aldera egin zuen, oraingoan UC Sampdoriara, baina denboraldi erdian Tottenhamera itzuli zen, italiarrek utzita, eta bertan eman zion amaiera bere kirol ibilbideari.

Estatu Batuetako futbol ligaren bultzatzailea izan zen Los Angeles Galaxy taldearekin. 2004ko uztailaren 16an ordea Alemaniatik deitu zioten bere selekzioa zuzen zezan. Etxean antolatzekoa zen Munduko Futbol Txapelketaren hasieran kritika ugari jaso zituen baina berehala selekzioaren jokoak zaletuak konbentzitu zituen eta azkenean hirugarren postua lortu zuten alemaniarrek.

2006an bere kargua utzi zuen eta Estatu Batuetako selekzio gida zezan eskatu zioten arren ez zen akordio batetara iritsi eta 2008an Municheko Bayernen entrenatzaile bihurtu zen. 2010an Ipar Amerikarako bidea hartu zuen, hasieran Toronto FC talde kanadarra gidatuz eta 2011etik aurrera Estatu batuetako selekzioaren entrenatzaile delarik.

• UEFA Kopa (2):
  • Inter Milan: 1990-91
  • Bayern Munich: 1995-96

• Bundesliga (1): 1996-97
• Italiako Superkopa (1): 1989

• Munduko Futbol Txapelketa (1): 1990
• Eurokopa (1): 1996
• Estatu Batuetako Kopa (1): 1993
• Historiako 3. golegile nagusia.
• Historian partida gehien jokatu dituen hirugarrena.