Antzandobi
| Antzandobi | |
|---|---|
 | |
| Sailkapen zientifikoa | |
| Klasea | Aves |
| Ordena | Passeriformes |
| Familia | Laniidae Rafinesque, 1815
|
| Azpibanaketa | |
Antzandobi da hegaztien klaseko paseriformeen ordenako Laniidae familiako kideen izen arrunta.[1]
Elikadura
[aldatu | aldatu iturburu kodea]Elikatzeko ohiturengatik dira ezagun eta bereziak antzandobiak. Izan ere, intsektu eta ornodun txikiz elikatzen dira[2]. Azken horien artean sugandila eta narrasti txikiak, sagu eta satitsuak, edota baita hegazti txikiren bat ere. Harrapariak dira, beraz (Euskal Herriko txori txikien artean ohitura hori daukaten bakarretakoak dira). Eta, behin harrapatuta, harrapakinak inguruko arantza edo alanbredun hesietan zintzilikatzen dituzte, hurrengo egunetarako gordailu gisa.
Antzandobiak Euskal Herrian
[aldatu | aldatu iturburu kodea]Euskal Herrian hiru antzandobi espezie bizi dira. Txori forma arruntekoak izanik, baina tamainaz handixeagoak, euskaraz jaso izan diren izenetan horrekin zerikusia dutenak nabari dira: begihandi, buruhandi, burunagusi, karrakari, karraska, pepetanbor, pikaporta, pikumotz, txorigaizto, txorihandi...[2]
Euskal antzandobi espezieen artean, bi udakoak dira, migrariak (kaskagorria eta arrunta, negua Afrikan pasatzen dutenak), eta handia dago, urte osoan aurkit daitekeena Ebroko isurialdean:
- Lanius meridionalis (antzandobi handia, Mediterranioko isurialdean, urte osoan zehar).
- Lanius collurio (antzandobi arrunta, Bizkaiko itsasoko isurialdean, kumatze garaian)
- Lanius senator (antzandobi kaskagorria, Mediterranioko isurialdean, kumatze garaian).
Munduko espezieak
[aldatu | aldatu iturburu kodea]Munduan zehar, beste espezie hauek ere badira:
- Lanius collurioides
- Lanius cristatus (antzandobi arrea)
- Lanius dorsalis
- Lanius excubitor (antzandobi handia)
- Lanius excubitoroides
- Lanius gubernator
- Lanius isabellinus (antzandobi buztangorria)
- Lanius ludovicianus
- Lanius mackinnoni
- Lanius marwitzi
- Lanius minor (antzandobi txikia)
- Lanius newtoni
- Lanius nubicus (antzandobi mozorrotua)
- Lanius schach (antzandobi burubeltza)
- Lanius somalicus
- Lanius souzae
- Lanius sphenocercus
- Lanius tephronotus
- Lanius tigrinus
- Lanius validirostris
- Lanius vittatus
- Corvinella corvina
- Corvinella melanoleuca
- Eurocephalus anguitimens
- Eurocephalus rueppelli
Prionopidae eta Malaconotidae familiak gertukoak ditu eta antzina antzandobien artean sailkatzen ziren. Adibidez, Malaconotidae familiako Laniarius atrococcineusak antzandobi sabelgorri du izen arrunta.
Erreferentziak
[aldatu | aldatu iturburu kodea]- ↑ Reuven, Yosef. (2008). Family Laniidae (Shrikes). in: Handbook of the Birds of the World. 13, Penduline-tits to Shrikes Bartzelona: Lynx Edicions, 732–773 or. ISBN 978-84-96553-45-3..
- ↑ a b «Antzandobi arrunta» txoriak.eus (Noiz kontsultatua: 2019-05-23).
