Roubaix
|
C'l artìcul chè 'l è scrit in
Miranduléś |
Roubaix (a s lèś [ʁu.bɛ] in Francéś, praticamènt Rubè in emigliàṅ, Roubés in Picàrd) l'è na vècia sità industriàla dal nòrd dla Frància, divìsa in quàtar cantòṅ, ch'la s cata in dal dipartimènt dal Nòrd, pròpria atàc a 'l cunfîṅ c'n al Bélgi. Da quànd dimóndi indùstri i aṅ sarâ e la gint l'è armàśa a cà da lauràr, la sità l'è dvintàda in dal 2010 qvéla più pòvra dla nasiòṅ[1], muciànd sù un tas ad pòvar dal 45%.
La fà 95.866 abitànt (dat stimâ dal 2013)[2] e dònca l'è la tèrsa sità più granda dla regiòṅ dal Nòrd-Pas dal Calé-Picardìa dòp Lille (ch'la gh'è tacàda a òvest) e Amiens.
Al sò sìndig, da 'l Avrìl dal 2014, 'l è Guillaume Delbar dal partî d'l UMP. In sità a gh'è siē muschéi, e una i èṅ drē a tiràr-la sù, ch'i sarvìsan par la pupulasiòṅ di musulmàṅ, stimâ a 'l 20% a 'l incìrca.
In dal sò velòdrum, in dla secónda stmana 'd Avrìl ad tut i an, a finìs la cursa 'd ciclìśum dla Parì-Roubaix, una dal cursi in lìnnea più famóśi a 'l mónd.
Culegamènt estéran
Wikimedia Commons contiene file multimediali su Roubaix
