Doue d'e bardono

Diwar an anv divoutin Doue, ar rannig-verb da, an anv-gwan perc'hennañ e ha pardono (furm ar verb pardoniñ e trede gour unan an amzer-da-zont, en doare-disklêriañ).

  Troienn

Doue d'e bardono /Distagadur ?/

1. Troienn a reer ganti dre sevended pa veneger anv unan bennak aet da Anaon
   • Met allas, al lu en divije graet ganin Biz Kamm, Doue d'e bardono, [...]. — (Jarl Priel, Va Zammig Buhez, Al Liamm, 1954, p. 107.)
   • N'ouzon nemet nebeut a dra diwar-benn ma zad-you, Doue d'e bardono ! — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 7.)
   • Doue d'e bardono ! — (Jules Gros, Le trésor du breton parlé Première Partie, 1966, p. 13.)
   • − [...]. Va hini kozh-me — Doue d'e bardono ! — a oa ken diskredik all, [...]. — (Abeozen, Pirc'hirin Kala-Goañv, Al Liamm, eil emb. 1986, p. 126.)
   • Pegen mantret e vije bet ma zad, Doue d'e bardono, a lavaren ouzhin ma-unan, [...]. — (Pêr Denez, Glas evel daoulagad c'hlas na oant ket ma re, Al Liamm, 1979, p. 7.)
   • [...], n'ouzon pet a ofiserien dilhad lufrus ganto, kamaradoù kozh da Gerangwenn (Doue d'e bardono), bet gantañ o toullgofañ o enebourien (Doue d'o fardono ivez) war an tachennoù-emgann, [...]. — (Jakez Konan, Lannevern e kañv ha danevelloù all, Al Liamm, 1980, p. 22.)
   • Doue d'e bardono ! — (Jules Gros, Le trésor du breton parlé Troisième Partie, 1974, p. 355.)

IVONA (o tont en-dro). — [...]... Evel ma lavare va zad, Doue d'hen pardono :
Neb na zebr 'met avalou poaz
biskoaz askorn ne gac'has ! — (Jarl Priel, Ar Vatez vihan, Sav niv. 29, Diskar-amzer 1944, p. 33.)

• Doue r'e bardono

• Doue d'he fardono

• galleg : Paix a son âme ! ^(fr)