Smith & Wesson

Smith & Wesson Brands, Inc., skrivet alies S&W e bed an armoù, zo un embregerezh stadunanat krouet e 1856 hag a brodu armoù-tan hiniennel dreist-holl. Diazezet eo e Maryville (Tennessee). Unan eus an anvioù koshañ ha brudetañ e bed an armoù-tan eo.

Krouet e oa bet Smith & Wesson e 1856 gant Horace Smith ha Daniel B. Wesson dindan an anv Smith & Wesson Revolver Company. Ne oa ket ket ar wech kentañ e laboure an daou ijiner asambles : e 1852 o doa savet un embregerezh all, ar Smith & Wesson Company, adanvet war-lerc'h Volcanic Repeating Arms^[1]. Gwerzhañ a raent pistolennoù ha fuzuilhoù Volcanic, dezhe ul loc'henn-grogenn ha kartouchennoù klok (douilhez, emors, poultr ha boled), ar pezh a oa nevez d'ar poent-se^[2]. Ne reas ket berzh kouskoude : dañjerus e oa an armoù, pa c'halle meur a gartouchenn tarzhañ war an dro en arm^[3]. Gwerzhet e voe an embregerezh kentañ da Oliver Winchester e 1854, ha dont a reas da vezañ ar Winchester Repeating Arms Company.

E 1857 e oa raktreset deiziad-termen breved Samuel Colt war taboulin e revolverioù, ijinet e 1835. Daniel B. Wesson a ijinas ur revolver ennañ kartouchennoù klok gwellaet. Evit o implij e ranke an daboulin bezañ toull-didoull penn-da-benn. Ur breved war taboulinoù a seurt-se a oa bet lakaet dija gant gant an armeurer Rollin White. Horace Smith ha Daniel Wesson a savas un embregerezh nevez evit produiñ ar revolverioù nevez. Anvet e voe Smith & Wesson, ha prenañ a reas ar stal gwirioù war brevedoù Rollin White. Diwar o labour e voe produet ha gwerzhet adalek 1857 ar Smith & Wesson Model 1, kambret evit munisionoù .22 Short. E 1861 e voe boulc'het gant produiñ ar revolver Model 2, kambret e .32, ur c'halibr brasoc'h ha talvoudusoc'h d'ar soudarded. Kordañ a reas gant deroù ar Brezel Diabarzh er Stadoù-Unanet, ha kantadoù a viliadoù a skouerennoù eus an daou revolver a voe gwerzhet gant Smith & Wesson. Diaesoc'h e voe ar jeu goude fin ar brezel e 1865, met ar revolver Model 3 produet adalek 1869 a reas berzh er bed a-bezh. Choazet e voe evel arm-dorn arme Impalaeriezh Rusia^[3].

E 1874 e kuitaas Horace Smith an embregerezh, ha-eñ 65 bloaz. Gwerzhañ a reas e lodennoù da Daniel Wesson, a chomas mestr war ar stal. Dindan e ren e voe produet an .38 Safety Hammerless, ar revolver kentañ er bed dezhañ ur c'hi kuzh hag ur blatinenn daou-ober^[4]. E 1899 e kinnigas ar Smith & Wesson M&P (evit Military and Police), un arm galloudus a voe gwerzhet kalz da bolisoù er bed a-bezh^[3]. Er memes mare ez eas Daniel B. Wesson kuit eus an embregerezh. Mervel a reas e 1906.

E 1913 e kinnigas Smith & Wesson o fistolenn damaotomatek kentañ, ar Model 13. E-touez degasadennoù a-bouez an embregerezh en XXvet kantved e c'haller menegiñ ar c'hartouchennoù .357 Magnum (1935), ar revolver Model 29 (1955) brudet abaoe e implij gant Clint Eastwood e Dirty Harry (1971), ar munisionoù .40 S&W (1990) pe ar revolver Model 500, unan eus an armoù-dorn galloudusañ^[4]. Hiziv an deiz eo brudet eo ar merk evit e revolverioù dreist-holl, met armoù-tan hiniennel a bep seurt ha dafar evir polis (grizilhonoù, chadennoù evit ar brizonidi stadunanat) a sav ivez.

Diazezet eo ar bras eus ar revolverioù Smith & Wesson war un nebeud frammoù disheñvel an eil diouzh ar re all dre o stumm hag o ment. Anvet eo ar frammoù-mañ gant lizherennoù disheñvel.^[5] Kalibr an armoù meneget a zo skrivet etre krommelloù.

Revolverioù da wintañ "Tip-up"

• Smith & Wesson Model 1
• Smith & Wesson Model 1 1/2
• Smith & Wesson Model No. 2 Army

Revolverioù da wintañ "Top-break"

• S&W .38 Single Action (.38)

• Smith & Wesson Model 3
• Smith & Wesson Double Action
• Smith & Wesson Safety Hammerless, anvet ivez Model 40, Model 42 ha 38 Safety.

Framm I (bihan)

• Smith & Wesson Model 30 (.32)
• Smith & Wesson Model 32 (.38 S&W)
• Smith & Wesson Model 34 Kit Gun (.22 Long Rifle)

Framm J (bihan)

• Smith & Wesson Model 36 (1950)
• Smith & Wesson Model 37
• Smith & Wesson Model 60
• Smith & Wesson Model 340PD
• Smith & Wesson Model 617 (.22 LR)
• Smith & Wesson Bodyguard (patromoù 38, 49, 438, 638, 649).
• Smith & Wesson Centennial (patromoù 40, 42, 442, 640, 642)

Framm K (krenn)

• Smith & Wesson Model 10 (.38 Special)
• Smith & Wesson Model 11 (.38 S&W)
• Smith & Wesson Model 12 (.38 Special)
• Smith & Wesson Model 13 (.357 Magnum)
• Smith & Wesson Model 14 (.38 Special)
• Smith & Wesson Model 15 (.38 Special)
• Smith & Wesson Model 16 (.32 S&W Long)
• Smith & Wesson Model 17 (.22)
• Smith & Wesson Model 18 (.22)

• Smith & Wesson Model 19 (.357 Magnum)
• Smith & Wesson Model 48 (.22 Magnum)
• Smith & Wesson Model 53 (.22 Magnum)
• Smith & Wesson Model 64 (.38 Special)
• Smith & Wesson Model 65 (.357 Magnum)
• Smith & Wesson Model 66 (.357 Magnum)
• Smith & Wesson Model 67 (.38 Special)
• Smith & Wesson Model 68 (.38 Special)
• Smith & Wesson Model 617 (.22)

Frammoù L (krenn-bras)

• Smith & Wesson Model 386
• Smith & Wesson Model 586
• Smith & Wesson Model 686
• Smith & Wesson Model 686+
• Smith & Wesson Model 619 (.357 Magnum)
• Smith & Wesson Model 620 (.357 Magnum)
• Smith & Wesson Model 646 (.40 S&W)
• Smith & Wesson Model 69 (.44 Remington Magnum)

Framm M (bihan-kenañ), patrom kozh

• Smith & Wesson Ladysmith (.22 Long)

  

Framm N (bras, bet gwechall framm S)

• .44 Hand Ejector First Model "New Century" (.44 S&W Special)
• Model 1917 (.45 ACP)
• Smith & Wesson Model 22 (.45 ACP/.45 Auto Rim)
• Smith & Wesson Model 24
• Smith & Wesson Model 25 (.45 ACP/.45 Auto Rim)
• Smith & Wesson Model 27 (.357 Magnum)

• Smith & Wesson Model 28 (.357 Magnum ha .38 Special)
• Smith & Wesson Model 29 (.44 Magnum)
• Smith & Wesson Model 57 (.41 Magnum)
• Smith & Wesson Model 58 (.41 Magnum)
• Smith & Wesson Model 610 (10 mm Auto)
• Smith & Wesson Model 625 (.45 ACP)
• Smith & Wesson Model 627 (.357 Magnum)
• Smith & Wesson Model 629 (.44 Magnum)

Framm X

• Smith & Wesson Model 350 (.350 Legend)
• Smith & Wesson Model 460 (.460 S&W Magnum)
• Smith & Wesson Model 500 (.500 S&W Magnum)

Framm Z

• Smith & Wesson Governor

• Smith & Wesson Bodyguard 380
• Smith & Wesson Model 22A
• Smith & Wesson SW22 Victory
• Smith & Wesson Model 39 (9 × 19 mm Parabellum)
• Smith & Wesson Model 41
• Smith & Wesson Model 52 / Model 952
• Smith & Wesson Model 59 (9 mm Parabellum)
• Smith & Wesson Model 61 (.22 LR)
• Smith & Wesson Model 78G
• Smith & Wesson Model 1913 anvet ivez Model 35
• Smith & Wesson Model 439
• Smith & Wesson Model 459
• Smith & Wesson Model 469
• Smith & Wesson Model 645 (.45 ACP)
• Smith and Wesson 539
• Smith & Wesson Model 908
• Smith & Wesson Model 909
• Smith & Wesson Model 910
• Smith & Wesson Model 915
• Smith & Wesson Model 1006 (10mm Auto)
• Smith & Wesson Model 1026
• Smith & Wesson Model 4006
• Smith & Wesson Model 4506 (.45 ACP)
• Smith & Wesson Model 5906

• SW9 (9 × 19 mm Parabellum)
• SW40 (.40 S&W)
• SW357V (.357 SIG)
• SW380 (.380 ACP)

Rummad produet asambles gant Walther. Pistolennoù kambret e meur a galibr, evel da skouer e 9 mm Parabellum, .40 S&W, ha .45 ACP.

Pistolennoù e polimer savet adalek 2005 evit marc'had an arme hag ar polis (Military & Police). Kambret eo pistolennoù ar rummad e meur a galibr : 9 × 19 mm, .40 S&W, 5.7 x 28 mm, .22 WMR ha .357 SIG. Ur stumm .22 LR M&P a voe ijinet asambles gant Carl Walther ha produet en Alamagn. Ur stumm .45 ACP a voe produet e 2007. Mentoù pistolennoù disheñvel a gaver er rummad M&P.

Rummad boulc'het e 2012 e kalibroù 9 × 19 mm ha .40 S&W.

Stumm Smith & Wesson ar Colt M1911 boulc'het e 2003 ha kambret e .45 ACP.

• fuzuilh skañv Model 1940
• fuzuilh-arsailh M&P15 (2006)
• fuzuilhoù-morailh iBolt
• mindrailherez S&W Model 76 (1967)
• fuzuilh-chase Model 916
• fuzuilh-chase Model 1000
• fuzuilh-chase M&P12

• .22 Short, unan eus ar munisionoù a zo bet diazezet an .22 Long Rifle diwarne
• .32 S&W, anvet a-wechoù .32 S&W Short
• .32 S&W Long, anvet a-wechoù .32 Colt New Police
• .32-44 S&W
• .38 S&W, anvet a-wechoù .38 Colt New Police
• .38-44 S&W
• .38 S&W Special, anvet alies .38 Special
• .357 S&W Magnum, anvet alies .357 Magnum
• .40 S&W
• .41 Remington Magnum : ijinet e oa bet ar gartouchenn gant Remington Arms hag ar revolver kentañ gouest da gambriñ anezhañ gant Smith & Wesson
• .44 American
• .44 Russian
• .44 S&W Special
• .44 Remington Magnum
• .45 S&W Schofield
• .460 S&W Magnum
• .500 S&W Magnum, savet evit bezañ ar munision arm-dorn galloudusañ er bed.

1. ↑ (en) BOORMAN, Dean K., The History of Smith & Wesson Firearms. Guilford, 2002, Globe Pequot Press, Lyons Press, ISBN 978-1-58574-721-4
2. ↑ (fr) LESPART Michel, Les armes de la conquête de l'Ouest, Jean Dullis Éditeur, 1975, 174 p.
3. ↑ ^{3,0 3,1} ha^3,2 '(fr)' ROB Houston, STROYAN Christine (renerezh), Armes à feu de légende, Larousse, 2019, p. 128-129
4. ↑ ^4,0 ha^4,1 (en) Our story war lec'hienn Smith & Wesson (lennet d'ar 26/11/2024)
5. ↑ (en) SUPICA Jim, NAHAS Richard, Standard Catalog of Smith & Wesson, F+W Media, 2007, ISBN 978-0-89689-293-4

• (en) Lec'hienn Smith & Wesson