[go: up one dir, main page]
Aller au contenu

Frritt-Flacc (suterot)

Teliz mal Wikipedia.
Frritt-Flacc

Frritt-Flacc tir berpotam ke Jules Verne sanegayan bak 1886, tis tana karba ke Yona zultafa koyara nevatum.

Frritt-Flacc tir trelaf berpotam suteyen gan Jules Verne jafayan gan Le Figaro fela lize bak santoleaksat ke 1884 zo sanegar. Azon bak 1886 ton neva zo piskur.

Vildeks

Trifulgas kurmikye koe gestafa Lutkrop widava kobar voxe va erba ke vidusik anton dulaper. Bak lan muvaf is sukaf sielcek, inaf tuvel zo tazer. To nazbeikya ke Vort Kartif smiasikye tir : va inafa maltegira mu gadye imaxur. Voxen Vort Kartif tir wawaf numen kurmik va ina divdenar. Azon kurenikya ke smiasik va godela silukon yawar, giopon. Tere gadikya va decem-tol-sanoy fretzer talolk pu Trifulgas firvir. Bam in va Vort Kartif eron djukurauzur.

Koredik

  • Trifulgas kurmikye
  • Vort Kartif : smiasik
  • Nazbeikya ke Vort Kartif
  • Kurenikya ke Vort Kartif
  • Gadikya ke Vort Kartif
  • Hurzof : vakol ke Trifulgas

Drunara

Inafa rustayafa is awion tacukafa adala nutir divefa gu arak ke grabomeem ke Verne, voxen Frritt-Flacc nope swava soe tir ki ke Yona zultafa koyara. Tawavopafo tigixo tire tir yosafo neken berpotam va baroya benelafa kerdela ke tawavopa ke Jules Verne, i va bira is tculkafa wica is xefto, kaatoesa va balemoya ra ke tuwava : lava is tey is sid is gael. Kadimef tculk va nakila felir, koafiason va remfira ke kurmik van kusto.

Frritt-Flacc en tir izva ke estera ke lan opik lomegarsayas va ugeva num ilsetikes va ayevafa vankolara ke selaropa.

Frritt-Flacc va tiki ke selaropa do nega dem tacukafa keska ke XIX-eafa decemda. Trifulgas kurmik ton kevolaf jontolik ke gubef selaropik. Tir mebroyes voxe va mecoba mei opa folir, vaxeon kotviele ina va koncoba muon zilidur. In endameuson va intafa yorda blir, anton videson va seltafa tirka nope intafa grupera isu ksubera. Inafa warkuca lent awalk va in rundar. Va int fogeselar nume toz awalker.

Avopafa gandura dere tir ke gesta ke bulapafo lidam rustayafo tawavo. Mamtuca ke bat divulaf trogarn evodar neke zavzar cwafa ise va koyara koganer. Ageltuca kadime batyon megrupen trogarn tir mezolonafa kire danexa tir zilusa : runi nega ko ara tamava zo remburet, ko ara tawavopa, ko ara ava.

Jules Verne va nega divulafe is tacukafe tame tugodjase va folve ke debala remaykar kiren bat kurmik kaagdes va intafa vruza ke Hippokrates va awalkera vanfir. To nega bagaliafa gu Poe ok Hoffman tir. Kurmik nope linulara va intafi bali titosiper. Voxe me gruper.

Voneteson va bat uum, Jules Verne va fum ke ikavektasik vidur. Bata watsa koe inafa grabomeem vas gomil is estera konakviele tikir : Gantafa mona is Lentexo kev Geexo is Yoltiskafa-Yasa. Kan bat berpotam, Verne va toloy abdualban sutesik pilkovon kadimefir, i va Charles Dickens is Poe, ise va sinafa tulidasa vanfira vanikatcur. Male Dank ke Kristnazbalaviel ke Dickens, Verne va koredik vas Scrooge/Trifulgas ketsik ralentan gu intafa griawira gan baroya azafa awira beitur. Tode Scrooge lajubliarur nume vanpir vonik is kumaskisik, pune Trifulgas me tir kire dum William Wilson ke Poe, keni awalkera ke ikavektasik silukon awalker.

Dere rupel

Vuestexa


Frritt-Flacc
XANTO
Vergumvelt Frritt-Flacc
Sutesik Jules Verne
Ava Francava
Suterotinda Berpotam
Evla 1886
betara teza
  Tuveli icde Suteroteem 
Yunkeks ke xantof piskuks
t · p · b
Yona zultafa koyara, nevatum ke Verne
Les Voyages extraordinaires
( Yona zultafa koyara )
1860-e sandaCinq Semaines en ballon (1863) ~ Va aluboya safta bene vipka • Les Aventures du capitaine Hatteras (1864) ~ Stuva ke Hatteras redakik • Voyage au centre de la Terre (1864) ~ Koyara ist Tawava • De la Terre à la Lune (1865) ~ Mal Tawava kal Tael • Les Enfants du capitaine Grant (1867) ~ Nazbeikeem ke Grant redakik • Vingt Mille Lieues sous les mers (1869) ~ Vuntoye decitmetre koe mid • Autour de la Lune (1869) ~ Anamo Tael
Yona zultafa koyara ke Jules Verne
Yona zultafa koyara ke Jules Verne
1870-e sanda Une ville flottante (1871) ~ Ezasa widava • Les Forceurs de blocus (1871) ~ Vebandasik va elekara • Aventures de trois Russes et de trois Anglais dans l'Afrique australe (1871) ~ Stuva ke baroy rossiik isu englik vagee Afrika • Le Pays des fourrures (1873) ~ Myotxo • Le Tour du monde en quatre-vingts jours (1873) ~ Anamlapira va tamava bad anyust-sanka • L'Île mystérieuse (1875) ~ Bulafa ewala • Le Chancellor (1875) ~ Chancellor tota • Martin Paz (1875) ~ Martin Paz • Michel Strogoff (1876) ~ Michel Strogoff • Hector Servadac (1877) ~ Hector Servadac • Les Indes noires (1877) ~ Ebeltafa India • Un capitaine de quinze ans (1878) ~ Sanalubdaf redakik • Les Cinq Cents Millions de la Bégum (1879) ~ Tufa ke Begum sersikya • Les Révoltés de la Bounty (1879) ~ Tarlesikeem ke Bounty tota • Les Tribulations d'un Chinois en Chine (1879) ~ Koyara ke lan siniik koe Sinia
1880-e sanda La Maison à vapeur (1880) ~ Gantafa mona • La Jangada (1881) ~ Jangada ankit • L'École des Robinsons (1882) ~ Bema ke Robinson ravesik • Le Rayon vert (1882) ~ Kusafa olya • Dix Heures en chasse (1882) ~ Sanoy tcabanes bartiv • Kéraban-le-Têtu (1883) ~ Keraban takelik • L'Étoile du sud (1884) ~ Geef Bitej • L'Archipel en feu (1884) ~ Teyesa tursia • Mathias Sandorf (1885) ~ Mathias Sandorf • Robur le Conquérant (1886) ~ Robur olgalicusik • Un billet de loterie (1886) ~ Ervayombafi lipi • Frritt-Flacc (1886) ~ Frritt-Flacc • Nord contre Sud (1887) ~ Lentexo kev Geexo • Gil Braltar (1887) ~ Gil Braltar • Le Chemin de France (1887) ~ Kelda van Franca • Deux Ans de vacances (1888) ~ Tildesa tolda • Famille-Sans-Nom (1889) ~ Yoltiskafa-Yasa • Sans dessus dessous (1889) ~ Trovgon is voltrovgon
1890-e sanda César Cascabel (1890) ~ César Cascabel • Mistress Branican (1891) ~ Branican weltikya • Le Château des Carpathes (1892) ~ Lamone ke Karpaty rodega • Claudius Bombarnac (1892) ~ Claudius Bombarnac • P'tit-Bonhomme (1893) ~ Fanamye • Mirifiques Aventures de maître Antifer (1894) ~ Blandafa stuva ke Antifer • L'Île à hélice (1895) ~ Tropakirafa ewala • Face au drapeau (1896) ~ Lente nilt • Clovis Dardentor (1896) ~ Clovis Dardentor • Le Sphinx des glaces (1897) ~ Sphinx ke oprukxo • Le Superbe Orénoque (1898) ~ Ilamtaf Orinoco bost • Le Testament d'un excentrique (1899) ~ Bafela ke diveavik
1900-e sanda Seconde Patrie (1900) ~ Toleafa guga • Le Village aérien (1901) ~ Ridafa wida • Les Histoires de Jean-Marie Cabidoulin (1901) ~ Rupa ke Jean-Marie Cabidoulin • Les Frères Kip (1902) ~ Toloye Kip berikye • Bourses de voyage (1903) ~ Koyarafilav • Un drame en Livonie (1904) ~ Piza koe Livonia • Maître du monde (1904) ~ Felisik va tamava • L'Invasion de la mer (1905) ~ Tolgenira va bira • Le Phare du bout du monde (1905) ~ Storka arte tamava
Kaiki awalkera Le Volcan d'or (1906) ~ Moavaf tculk • L'Agence Thompson and Co (1907) ~ Thompson lafaga • La Chasse au météore (1908) ~ Pabura va xiza • Le Pilote du Danube (1908) ~ Stedasik ke Duna bost • Les Naufragés du Jonathan (1909) ~ Bopelanikeem ke Jonathan tota • Le Secret de Wilhelm Storitz (1910) ~ Birga ke Wilhelm Storitz • L'Étonnante Aventure de la mission Barsac (1919) ~ Gevasa stuva ke Barsac vuida


Dimnarin mal « https://avk.wikipedia.org/w/index.php?title=Frritt-Flacc_(suterot)&oldid=144903 »