موناكو

موناكو
Principauté de Monaco (fr) Prinçipato de Mónego (lij) Monaco (fr) Prinçipatu de Mu̍negu (lij-mc) Principat de Mónegue (oc)
نشيد	Hymne monégasque [[فيشي:|100px]]
شيعار	«Deo juvante»
لعاصيمة	لا قيمة
الساكينة
شحال دالسكان	38,350 (2020)
السمية ديال السكان	موناكي، موناكية، موناكيين, موناكيات
اللوغات الرسمية	لفرانساوية
لجغرافيا
لميساحة	2.02 كم²
لقمة لعالية	طريق الريڤوار (161 م)
لبلاصة الطايحة	لبحر لبيض لمتوسط (0 م)
لإدارة
نضام الدولة	ملكية دستورية و ملكية وراثية
أمير موناكو	ألبير الثاني من موناكو
وزير دولة	ديدييه غيوم
لبرلمان	لمجلس لوطني د موناكو
سلطة لقضائية لكبيرة	لمحكمة لعليا د موناكو
لقتيصاد
الناتج الداخلي لكامل	8,596,156,574 $ (2021)
لفلوس	أورو
معلومات خرة
توقيت ديال لبلاد	التوقيت د وسط أوروپا ڭرينيتش + 1 Europe/Monaco
رمز لبلاد	MC
رمز لانترنيت	‎.mc‎
رمز التيليفون	+377
نماري د ليرجونس	112، 17 و 18
جيهة د صوڭان	ليمن
السيت الرسمي	mairie.mc

موناكو، رسميا لإمارة د موناكو (بلفرانساوية: Principauté de Monaco) هي بلاد صغيرة مستاقلة جات ف لجنوب لغربي د أوروپا. تايحدّها لبحر لبيض لمتوسط من لجنوب، و فرانسا من ݣاع الجوايه لاخرا. موناكو قريبة بزاف تا للطاليان (16 كم من الشرق) واخا ماكاينيش بيناتهم حدود. هي تاني أصغر بلاد ف لعالم من جيهة لكبر (من مورا لڤاتيكان)، و معروفة ف لعالم باللي هي بلاصة غالية، و تيسكنو فيها ناس عندهم فلوس (التلت ديال السكان ديالها ميليونيرات).^[1] واخا هي بلاد مستاقلة، موناكو ما عندهاش جيش، و فرانسا هي اللي مسؤولة باش تدافع عليها.^[2]

الصخرة د موناكو كانت مستاقة من شحال هادي. أول دولة مستاقلة ف لمنطقة تدارت ف 1297. كانت مرّا مرّا كاتحتلها فرنسا، و لكن لأغلبية د لوقت كانت مستاقلة. نهار 2 فبراير 1861، سينات موناكو اتفاقية مع فرانسا فيها لإستقلال التام د لبلاد، و نهار 5 يناير 1911 دارت لإمارة د موناكو أول دستور ديالها.

تيسكنو ف موناكو شويا كتر من 38.000 د الناس (منهم تقريبا 10.000 اللي مواطنين)، و لعاصمة ديالها هي لمدينة د موناكو. اللغة الرسمية د لبلاد هي لفرانساوية، ولكن كاين لغات آخرا كاتهضر تاريخيا بحال لموناكية، الطاليانية، لأوكسيطون، و لبروڤونسال (ماعندهمش شي وضع رسمي). لفلوس اللي كاتخدّم ف لبلاد هي لأورو، و النضام د لحكيم ديالها ملكي دستوري. هي داخلة مع لأمم لمتحدة من 1993 و لمجلس ديال أوروپا من 2004 و لمنضمة لعالمية د لفرونكفونية. هي ما داخلاش ف الاتحاد الأوروپي، واخا عندها علاقة خاصة معاه.

تقدر تزيد شوف بزاف د تّصاور و لمعلومات ديال Monaco ف ويكيميديا كومنز.