Llandra

Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú.

Llandra
enfermedad (clase) (es)
enfermedad bacteriana comensal (es) y Bordetella infections (en)

La Llandra, o Llande, o tos ferina, (tamién conocida como tos convulsiva) ye una enfermedá infeutocontaxosa aguda, causada por cocubacilos de la especie Bordetella pertussis. Carauterízase pola inflamación traqueobronquial y accesos típicos de tos violenta, espasmódica con sensación d'afogu, que terminen con un ruíu estridente (tos convulsiva o convulsa).

La infeición contáxase aína demientres la primera etapa, enantes qu'entame la tos intenso. La so complicación pue afeutar al sistema nerviosu y el miocardiu. Magar qu'esta malura pue sofrise a cualesquier edá, los más afeutaos son los neños de menos de cinco años. Espárdese demientres la primavera y el branu. Nos países desarrollaos la so presencia ye baxa gracies a la vacunación.

El tiempu que trescurre dende la esposición hasta'l desendolque de los síntomes (periodu d'incubación) estímase ente tres y quince díes. Na etapa d'aniciu (etapa catarral) parez una filapriega o resfriáu común. Preséntase con espirríos, enroxecimientu de los güeyos y calentura xeneral sonce. Apaez una tos breve, seco ya enritante que persiste. La primera estaya, dura polo xeneral dos selmanes, enantes qu'espoxiguen los síntomes secundarios de tos más grave.

L'apaición de la tos carauterística, señala l'entamu de la segunda etapa. Les crisis asocédense a intervalos regulares, repitiéndose a vegaes de sópitu, y otres con intervalos de delles hores. Polo xeneral, produzse un arrebexu darréu de la crisis.

• Wikimedia Commons tien conteníu multimedia tocante a Llandra.