Blancanieve

Ello yera una vez una formosa y bona reina que, cosiendo xunto a la so ventana, pinchóse nel deu y vio cómo'l sangre cayó na nieve. Foi entós cuando la formosa y bona reina deseó tener una fía cola piel tan blanco como la nieve, los llabios coloraos como'l sangre y el pelo negro como la nueche. Y el so deséu cumplióse, naciendo una preciosa y encantadora princesa a quien la bona y formosa reina al pie del so maríu, el rei, decidieron llamala Blancanieve. Pero, la bona y formosa reina, la madre de Blancanieve, morrió dempués de dar a lluz a la princesa, la so primera, mesma y única fía, y el rei, el padre de Blancanieve, casó per nueva y segunda vegada con una muyer bien guapa pero bien malvada. La segunda y nueva esposa del rei, la nueva reina y madrasta de Blancanieve yera una reina bruxa bien poderosa, celosa y otiosa que tenía un espeyu máxicu.

La nueva reina bruxa, segunda esposa del rei y malvada madrasta de Blancanieve solía preguntar al so espeyu acaldía:

Espeyín, espeyu máxicu
colgáu de la paré:
¿quién en tou esti mundiu
la más guapa ye?

Y el espeyu máxicu contestába-y a la malvada madrasta de Blancanieve:

Tu, reina, nel mundiu
la más guapa yes.

Pero, cuando Blancanieve cumplió diecisiete años yera tan guapa como'l día, y la malvada madrasta de Blancanieve preguntó-y al so espeyu máxicu, y ésti respondió-y:

La más guapa tu énte min paeces,
pero Blancanieve yelo más mil veces.

La malvada madrasta de Blancanieve, celosa, ordenó a un asesín que matara a Blancanieve nel monte y, p'asegurase, esixó-y que-y traxera'l corazón de la neña. L'asesín lleva a la reina'l corazón d'un corciu mozu (que depués foi cocináu pol cocineru real y comíu pola malvada madrasta de Blancanieve).

Nel monte, Blancanieve afayó una pequeña casina nun claru y en mediu del monte que pertenecía a siete nanos y decidió entrar pa folgar. Ellí, éstos apiádense d'ella:

¿Quies quedate con nosotros? Podrás facer los llabores de casa, la xinta, les cames, coser y llavar y nun te faltará nada.

Alvirtiéron-y, eso sí, que nun dexara entrar a naide mientres ellos tuvieren nos montes. Mentanto, la reina preguntó-y al so espeyu una vegada más quién yera la más guapa de toes y, espantada, enteróse de que Blancanieve non yá taba viviendo colos siete nanos, ocultada y escondida na casina de los siete nanos del monte, sinón que Blancanieve siguía siendo la más guapa de toes.

La malvada madrasta de Blancanieve usa trés amarutes pa tratar de matala mientres los nanos tán nos montes. De primeres, amarutada de vendedora bufonera, la reina malvada, la malvada madrasta de Blancanieve, ufiérta-y unes coloríes cintes pal pescuezu. Blancanieve pruébase una pero la malvada madrasta de Blancanieve apertó-yla tan fuertemente y atrozmente al pescuezu que Blancanieve cai afogada, faciéndo-y pensar a la reina malvada, la malvada madrasta de Blancanieve, qu'ésta ta muerta. Los siete nanos, al tornar a casa, afayen a Blancanieve esmorecida, los siete nanos retíren-y la cinta del pescuezu y Blancanieve espiértase.

La segunda vegada la malvada madrasta de Blancanieve va amarutada de vendedora de peñes y ufiérta-y un peñe envenenáu a Blancanieve. Anque Blancanieve resístese a que la muyer-y ponga'l peñe, ésta llogra poné-ylu a encomalu y Blancanieve cai esmorecida, col peñe claváu en pelo. Cuando lleguen los siete nanos de los montes quíten-y el peñe claváu nel pelo de Blancanieve y danse cuenta de que nun algamó a clava-ylu na cabeza, sinón que solo la rascuñó. Quíten-ylu y desclaven-y el peñe del pelo de Blancanieve y ésta espiértase.

A lo último, la malvada madrasta de Blancanieve prepara una mazana envenenada, amarútase como una aldeana y ufiérta-y la mazana a Blancanieve. Cuando Blancanieve se resiste a aceptar, la malvada madrasta de Blancanieve corta la mazana pela metá y come la parte blanca y bona de la mazana y da-y la parte colorada y envenenada de la mazana a la princesa. Blancanieve come la parte colorada de la mazana con entusiasmu y darréu cai nuna fonda apigazadura. Cuando los nanos la atopen, nun pueden revivila. Entá calteniendo la so guapura, los siete nanos fabriquen una caxa de cristal pa poder vela tol tiempu.

El tiempu pasa y un príncipe que viaxa al traviés de la tierra ve a Blancanieve na caxa. El príncipe ta encantáu pola so guapura y nel intre namórase d'ella. Esti ruéga-y a los siete nanos que-y dean el cuerpu de Blancanieve y pide a los sos sirvientes que treslladen la caxa al so castiellu. Al facelo zarapicar en dellos arbustos y el movimientu fai que Blancanieve cuspa'l cachu de mazana envenenada atorada nel so gargüelu, espertando asina de suañu de muerte. El príncipe depués declára-y el so amor a Blancanieve y llueu el príncipe y Blancanieve entamen celebrar la so boda.

La otiada y malvada madrasta de Blancanieve, creyendo entá qu'ella ta muerta, entruga una vegada más al so espeyu quién ye la más guapa de la tierra y, una vegada más, l'espeyu deceiciónala cola so respuesta:

Tu la más guapa paeces,
pero la que va casar
yelo más que tu mil veces.

Ensin saber qu'a quién se refería yera, ello ye que Blancanieve, la malvada madrasta de Blancanieve ye convidada a la boda del príncipe del país vecín. Cuando la malvada madrasta de Blancanieve dase cuenta de que la nueva reina ye la so propia fiasca Blancanieve, la malvada madrasta de Blancanieve asústase y desespérase tratando de pasar desapercibida.

Sicasí, el príncipe y Blancanieve ven y reconocen a la malvada madrasta de Blancanieve. Entós, Blancanieve cúnta-y al príncipe, el so propiu maríu, tolos planes malvaos, tolos malos momentos que-y fixera pasar la zaguina y malvada madrasta que quixera matala tres veces: primero coles cintes envenenaes, depués col peñe envenenáu y d'últimes cola mazana envenenada. Como castigu polos sos malos actos, el príncipe, agora rei, manda iguar un par de zapatos de fierro en caldia, obligando a la malvada madrasta de Blancanieve a ponelos y a baillar ensin parar hasta que caya muerta.

Gracies a la investigación del historiador de Lohr am Main, Karlheinz Bartels, sobre'l cuentu de «Blancanieve y los Siete Nanos», la pintoresca llocalidá a veres del ríu Meno, na Franconia alemana, pue sentise arguyosa de ver nacer, el 15 de xunu de 1728,^[5] a Maria Sophia Margaretha Catharina von Erthal,^[6] personaxe real qu'inspiró'l lliterariu de Blancanieve. Munches evidencies y puntos de conexón coles carauterístiques de Lohr y la so contorna prueben, dende 1986, esta peculiaridá del famosu cuentu de los hermanos Grimm, lo que fai que destaque frente a la mayoría de los rellatos infantiles.^[7]

El padre de la neña que, por diverses circunstancies, aportó na ficción Blancanieve, foi Philipp Christoph von Erthal, ente 1719 y 1748, condestable del Electoráu de Mainz en Lohr. Poles sos dotes diplomátiques, viaxaba frecuentemente como unviáu en misiones especiales, una especie de ministru d'Asuntos Esteriores del ducáu. Por eso, tuvo la oportunidá de rellacionase con emperadores, reis y reines de toa Europa. D'ende que, nel imaxinariu de los habitantes de Lohr, los von Erthals tuvieren toles carauterístiques d'una familia real.

La residencia familiar yera'l castiellu de Lohr. Tres la muerte, en 1741, de la madre de Maria Sophia, el padre casó'l 15 de mayu de 1743 con Claudia Elizabeth Maria von Venningen, nacida Condesa Imperial de Reichenstein. El fechu de que Philipp Christoph von Erthal nun tuviera cuasi nunca en Lohr esplicaría l'evidente papel pasivu del rei nel cuentu, según concluyeron les investigaciones.

La principal prueba de que Blancanieve sería natural de Lohr ye l'“Espeyu Máxicu que falaba”. L'impresionante y ricu espeyu de 1,60 metros d'altor entá pue almirase nel muséu del Spessart, nel castiellu de Lohr que perteneció a los padres de Blancanieve. L'espeyu vien de la manufactura de cristal de Lohr, fundada en 1698, qu'adquirió fama y prestixu en toa Europa, non yá pola so delicada y refinada artesanía, sinón porque les materies primeres qu'utilizaba pa la fabricación del vidru procedíen –amás de la mesma rexón– tamién d'España. N'efeutu, el carbonatu sódicu, conocío como ceniza de soda o sosa, yera importao d'Alacant, a veres del Mediterraneu español.

L'espeyu foi un regalu del padre de Blancanieve a la so segunda esposa y falaba, como munchos de los espeyos fabricaos en Lohr, sobremanera poles lleendes que figuraben nos sos marcos, especialmente al traviés de los sos aforismos, pero tamién poles sos interesaes propiedaes acústiques, que faen que, al falar cerca d'él, la reverberación faiga que resonen les pallabres.^[8] La clara referencia al so egoísmu nel medallón de la derecha (lléese “Amour Propre”) hubo mancar enforma la vanidá de la madrasta.

Tamién se comprobaron les referencies locales nel área de Lohr. El monte virxe nel que foi espuesta Blancanieve, yera naturalmente'l Spessart. Na actualidá, Lohr, inclusive recibe'l nome de «la Puerta del Spessart». El camín de fuxida de Blancanieve «sobre los siete montes» yera'l Höhenweg, mentáu yá nel sieglu XIV –la llamada “Wieser Straßy”–. Dende Lohr, al traviés d'esti trayeutu, pelos siete montes del Spessart, podía algamase'l pequeñu reinu «de los siete nanos». Coles mesmes «los siete nanos que picaben y cavaben en busca de mineral», yeren mineros de talla pequeña o, más probablemente, neños que trabayaben nes mines de Bieber. Alredor de 1750 picaben ellí unos 500 mineros en busca de plata y cobre.

Al respective de la mazana envenenada, la investigación de Bartels afayó, citando bibliografía competente na que se describe'l venenu, que la metá de la mazana foi somorguiada pola malvada madrasta en zusmiu de belladona, frutu que s'atopa tamién nel Spessart. Les sos bagues contienen Atropa belladonna utilizada, inclusive anguaño, en medicina. El so narcóticu produció en Blancanieve una rixidez tal como si finara.

El sarcófagu tresparente de cristal y los zapatos de fierro, colos que, en castigu, «la madrasta tenía de baillar hasta cayer muerta al suelu», producíense davezu na manufactura de vidru, el primeru, y por ferreros, gracies a los minerales de fierro maleables del Spessart.

Por cuenta de les cualidaes de Maria Sophia, la población de Lohr convirtióse nuna especie de fada. El cronista de la familia Erthal, M. B. Kittel, describía a Maria Sophia como una moza noble y llena de virtúes, «un ánxel caritativu y bondosu», “«activu contra la probitú y la miseria» que demostraba «la so amabilidá personal». Pal imaxinariu coleutivu de la población de Lohr y el Spessart, la neña de los Erthal representaba la imaxe ideal de la fía d'un rei.

Otru fechu que facía que'l pueblu sintiera simpatía escontra Maria Sophia, al empar qu'añadía crueldá al comportamientu de la so madrasta, yera la ceguera parcial que María Sophia carecía dende neña y que se debía a les remortines de la varicela.

Estos fechos que, a lo llargo de la historia nun asoceden con frecuencia, tuvieron de llegar a oyíos de los hermanos Grimm que vivíen cerca, en Steinau. Asina, pocos años dempués de la muerte de Maria Sophia, siguió la redaición y, a la fin de 1812, la primer publicación del cuentu de Blancanieve.

L'historiador alemán Eckhard Sander considera que la inspiración pa Blancanieve foi la nueva condesa Margarethe von Waldeck.^[8] Dicha condesa vivió n'Alemaña na primer metá del sieglu XVI. Según Sender, Margarethe tuvo un romance col rei Felipe II d'España, lo que nun foi vistu con bonos güeyos polos cortesanos españoles, pos el rei yá taba casáu, polo qu'asesinaríen a la condesa envenenándola. De lo que nun hai dulda ye de que Felipe II, en pasando llargu tiempu viaxando por Flandes y Alemaña, volvió a España y nun la volvió abandonar.

Al respective de los siete nanos, Sander coincide en que se trataríen de neños desnutríos y avieyaos prematuramente pol trabayu nes mines de fierro, nesti casu les de les propiedaes de los von Waldeck. Por cuenta de la so probitú, estos neños vistíen llargos abrigos y gorros bien paecíos a aquellos colos que se suel representar a los siete nanos. Sander amás asegura qu'a la condesa-y gustaba xugar con estos neños con aspeutu de nanos.

 

Les adautaciones cinematográfiques de Blancanieve empecipiaron nel cine mudu,^[9] magar tienen de tenese en cuenta aquelles películes referíos a esta historia que nun contienen la pallabra "Blancanieve" nel so títulu. Ente estos postreros topamos la realización brasilana Histórias Que Nossas Babás Não Contavam (1979), d'Oswaldo de Oliveira (1931-1990), porcaz humorada erótica en redol al personaxe de Blancanieve. Mientres 1961, metanes un pleitu col so estudiu, The Three Stooges filmen pa la 20th Century Fox Snow White and the Three Stooges, la única película que realizaron en colores y la más cara, yá que'l so presupuestu final rondó los tres millones y mediu de dólares.

Película muda protagonizada por Marguerite Clark y dirixida por J. Searle Dawley con guión de Winthrop Ames basáu na so obra estrenada en Broadway en 1912.^[10] Walt Disney asistió a una representación d'esta película a los 15 años d'edá y más tarde citar como una de les fontes pal so primer llargumetraxe.^[10]

Snow White foi un curtiumetraxe animáu protagonizáu por Betty Boop, dirixíu por Dave Fleischer. Nuna escena del curtiumetraxe inclúyese'l cantar «St. James Infirmary Blues», interpretada por Cab Calloway. Ta incluyíu nel National Film Registry .^[11]

Foi la primer película de llargumetraxe de Walt Disney, basada nel cuentu de los hermanos Grimm. Como nel rellatu orixinal, una princesa guapa, encantadora, dulce, nueva y adolescente llamada Blancanieve conoz a un grupu de siete nanos cuando fuxe de la so propia, celosa y malvada madrasta, la Reina Grimhilde, qu'ordenó matala pa ser la dama más guapa del mundu.

Versión de 20th Century Fox del añu 1961 con Blancanieve y The Three Stooges o vagamundos, en cuenta de Blancanieve y los siete nanos.

Mediumetraxe de la serie Faerie Tale Theatre empobináu por Peter Medak y protagonizáu por Vanessa Redgrave como la Reina Malvada, la malvada madrasta de Blancanieve y Elizabeth McGovern como Blancanieve.

Película musical y de fantasía de Metro-Goldwyn-Mayer y de la coleición de películes Cannon Movie Tales basada nel cuentu de los hermanos Grimm protagonizada por Diana Rigg como la Reina Malvada, la malvada madrasta de Blancanieve, y por Nicola Stapleton y Sarah Patterson dambes actrices como Blancanieve y dirixida por Michael Berz.

Mediumetraxe de Jetlag Productions y Goodtimes Entertainment, dirixida por Toshiyuki Hiruma y Takashi Masunaga.

Película de terror y fantasía fecha pa la televisión basada nel cuentu de los hermanos Grimm, protagonizada por Sigourney Weaver, Sam Neill, Taryn Davis y Monica Keena, y dirixida por Michael Cohn. Cuando la nueva madre de Lilliana muerre mientres el partu, el so padre vuelve casar aína per nueva y segunda vegada cola guapa y vanidosa Lady Claudia, pero l'aparente bona apariencia de Claudia ye namái eso: pura apariencia lloñe de la realidá. El so oxetivu ye dar a lluz el so propiu fíu y convertise na Reina Claudia col maléficu espeyu máxicu. L'intentu fallíu d'asesinar a Lilliana dexa a la moza perdida nel escuru monte onde va conocer a siete nanos.

Película de fantasía y aventures fecha pa la televisión basada nel cuentu de los hermanos Grimm de Hallmark Entertainment, dirixida por Caroline Thompson coles actrices conocíes Miranda Richardson como la malvada Reina Elspeth, la malvada y vanidosa madrasta de Blancanieve, y con Kristin Kreuk como Blancanieve.

Lily Collins y Julia Roberts protagonicen esta comedia onde interpreten, respeutivamente, a Blancanieve y a la malvada Reina Clementianna, la malvada madrasta de Blancanieve. Nesta sorprendente y risondera película de Blancanieve de comedia, la malvada reina Clementianna, la malvada madrasta de Blancanieve, decide desterrar a Blancanieve del tronu y unviala al monte por que muerra asesinada por una bisarma. Lo que la malvada Reina Clementianna, la malvada madrasta de Blancanieve, nun imaxina ye que Blancanieve va ser rescatada por un grupu de lladrones nanos de caminos, que la aprenderán y van ayudala a recuperar el so tronu y a conquistar al so príncipe, interpretáu por Armie Hammer. Llargumetraxe de comedia y fantasía dirixíu por Tarsem Singh.

Nesta película, Kristen Stewart encarna a Blancanieve, la única, nueva y guapa princesa que supera en guapura a la malvada Reina Ravenna, la malvada madrasta de Blancanieve (Charlize Theron), que ta decidida a aniquilala. Pero la zaguina y malvada Reina Ravenna, la malvada madrasta de Blancanieve, ignora qu'un cazador llamáu Erick (Chris Hemsworth), que la so misión yera matala, enseñó a la moza a defendese. Pela so parte, Sam Claflin da vida al príncipe William que queda abruxáu pola guapura y el poder de Blancanieve. Llargumetraxe d'aición y fantasía dirixíu por Rupert Sanders.

Una versión que salió direutamente a DVD, con Eliza Bennett como Blancanieve, Jamie Thomas King como'l Príncipe Alexander y Jane March como la malvada Reina Gwendolyn, la malvada madrasta de Blancanieve.

Macarena García y Maribel Verdú protagonicen esta película muda y en blancu y negru, onde interpreten, respeutivamente, a Blancanieve y a la so malvada madrasta. Blancanieve ye Carmen, una bella y guapa moza nueva con una infancia acoradada pola so tarrecible y malvada madrasta, Encarna. Carmen ye la Blancanieve esmemoriada que s'atopa con una troupe de seis nanos toreros, depués de qu'Encarna intente matala. Desencadénase nesta fuxida una historia de toréu, flamencu y amor, onde Blancanieve va tornar a vengar al so padre nun duelu contra un güe y contra Encarna.

Esta serie de l'ABC estrenóse, n'España, en xineru de 2012 y ta protagonizada por Ginnifer Goodwin. Céntrase nel cuentu popular de Blancanieve, añadiendo en cada episodiu otres histories de calter asemeyáu como Capiellín Coloráu, La Princesa del Bosque Adormíu, La Serenina, La Cenicienta, Hansel y Gretel o Rumpelstiltskin. Na serie treslládense los finales felices de cuentu de fades a una realidá actual onde non too acaba tan bien.

Esta serie d'Antena 3 estrenóse en payares de 2014 protagonizada por Blanca Suárez y Mar Saura. En Blancanieve, la historia trescurre nel mundu de la estética, la Reina Malvada, la malvada madrasta de Blancanieve (Mar Saura), ye una modelu qu'empieza a ver estraxaos los sos díes de gloria y Blancanieve (Blanca Suárez) ye la heredera ensin memoria, que vive con siete nanos que son siete lladrones de diamantes.

Obra estrenada en Broadway y protagonizada por Marguerite Clark con guión de Winthrop Ames. Ames afadría'l guión pa una película muda de 1916, tamién protagonizada por Clark.^[10]

•   Wikimedia Commons acueye conteníu multimedia sobre Blancanieve.

Ye obligatoriu indicar l'idioma de Wikisource.

• Testos alemanes en Wikisource.
• El cuento en alemán en LibriVox, en Commons.