Ginnifer Goodwin
Ginnifer Goodwin (nacida como Jennifer Michelle Goodwin, el 22 de mayu de 1978) ye una actriz d'Estaos Xuníos, principalmente conocida por interpretar a Margene Heffman na serie Big Love. Anguaño interpreta a Blancanieve/Mary Margaret Blanchard n'Once Upon a Time.
Ginnifer Goodwin | |
|---|---|
 | |
| Vida | |
| Nacimientu | Memphis, 22 de mayu de 1978[1] (46 años) |
| Nacionalidá |
 Estaos Xuníos |
| Llingua materna |
inglés d'Estaos Xuníos inglés |
| Familia | |
| Casada con | Joshua Dallas (2014 – ) |
| Fíos/es |
Oliver Dallas (en)  |
| Estudios | |
| Estudios |
Universidá de Boston Grado en Bellas Artes (es) Lausanne Collegiate School (en) 1996) Shakespeare Institute (es) Royal Academy of Dramatic Art St. Mary's Episcopal School (en) London Academy of Music and Dramatic Art Boston University College of Fine Arts (en) Hanover College (en) (1996 - 1997) : teatru |
| Llingües falaes | inglés[2] |
| Oficiu | actriz, actriz de voz, actriz de cine, actriz de televisión, actriz de teatru |
| Llugares de trabayu | Estaos Xuníos |
| Creencies | |
| Relixón |
xudaísmu[3] cristianismu |
| IMDb | nm0329481 |
 | |
Biografía
editarInicio
editarOrixinaria de Memphis (Tennessee), Ginnifer ye fía de Linda, trabayadora de Federal Express, y Tim Goodwin, quien yera propietariu d'un estudiu de grabación.[4] Los sos padres atópense divorciaos y tien una hermana más nueva, Melissa.
En graduándose en Lausanne Collegiate School en 1996, Goodwin foi a la Facultá de Belles Artes de la Universidá de Boston onde recibió'l so títulu en teatru en 2001.
Carrera
editarLos primeros papeles de Goodwin fueron en programes de la NBC como Law & Order y Ed, enantes d'apaecer na película pa televisión de Comedy Central, Porn 'n Chicken. Depués tuvo papeles en películes como Mona Lisa Smile, Win a Date with Tad Hamilton! y Walk the Line, na qu'interpretó a Vivian Llibertu, la primer esposa de Johnny Cash. Tamién interpretó a Dori Dumchovic na comedia negra Love Comes to the Executioner.[5]
Dende 2006 hasta 2011, Goodwin foi una de les protagonistes na serie de HBO, Big Love, nel papel de Margene Heffman, la tercer esposa d'una familia polígama. Cola película de 2009 He's Just Not That Into You llogró popularidá.
En 2011 interpretó a Rachel en Something Borrowed, siendo una de les protagonistes .
Dende 2011 interpreta a Blancanieve na serie de televisión Once upon a time, de la cadena ABC.
Vida personal
editarEn mayu de 2012 fixo pública la so rellación amorosa col so compañeru de repartu en Once Upon a Time, Joshua Dallas.
El 9 d'ochobre de 2013 Josh propúnxo-y matrimoniu a Ginnifer en Los Angeles y dos díes depués unviaron un comunicáu a la revista People qu'anunciaba: "Tamos bien emocionaos d'anunciar el nuesu compromisu y nun podemos esperar pa celebrar colos nuesos amigos y familiares, incluyendo nuesa segunda familia de Once Upon a Time".
El 20 de payares de 2013 la pareya anunció que taben esperando al so primer ñácaru xuntos.[6]
El 12 d'abril de 2014 celebrar en California la boda ente Goodwin y Dallas nuna ceremonia privada.[7]
El 29 de mayu de 2014 nació'l so primer fíu al que llamaron Oliver Finlay Dallas.[8]
Filmografía
editarCine
editar| Añu | Títulu | Papel |
|---|---|---|
| 2003 | Mona Lisa Smile | Connie Baker |
| 2004 | Win a Date with Tad Hamilton! | Cathy Feely |
| 2005 | Walk the Line | Vivian Lliberto |
| 2006 | Love Comes to the Executioner | Dori Dumchovic |
| 2007 | In the Land of Women | Janey |
| Day Zero | Molly Rifkin | |
| 2008 | Birds of America | Ida Tanager |
| 2009 | He's Just Not That Into You | Gigi Philips |
| A single man | Sra. Strunk | |
| 2010 | Ramona and Beezus | Tía Beatrice |
| Take Me Home Tonight | Banky | |
| 2011 | Something Borrowed | Rachel White |
| 2014 | Tinker Bell and the Legend of the NeverBeast | Fawn (voz) |
| 2016 | Zootopia | Judy Hopps (voz) |
Televisión
editar| Añu | Títulu | Papel | Notes |
|---|---|---|---|
| 2001 | Law & Order | Erica | Un episodiu |
| 2002 | Porn 'n Chicken | Maya | |
| 2001-2004 | Ed | Diane Snyder | 24 episodios |
| 2005-2007 | Robot Chicken | Amanda Bynes | Siete episodios (voz) |
| 2006-2011 | Big Love | Margene Heffman | Papel protagonista |
| 2011-presente | Once Upon a Time | Blancanieve/Mary Margaret Blanchard | Papel protagonista |
| 2013 | Killing Kenedy | Jacqueline Kennedy | Película pa televisión |
Premios y nominaciones
editar| Añu | Premiu | Categoría | Trabayu | Resultáu |
|---|---|---|---|---|
| 2014 | Teen Choice Awards | Meyor actriz de ciencia ficción[9] | Once Upon A Time | Pendiente |
Referencies
editar- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: catálogu de la Biblioteca Nacional Checa. Identificador NKCR AUT: xx0172805. Data de consulta: 1r marzu 2022.
- ↑ Direición web d'archivu: https://web.archive.org/web/20131119060819/http://faithinmemphis.com/2013/05/ginnifer-goodwin-comes-home-to-jewish-faith/. Títulu: Ginnifer Goodwin comes ‘home’ to Jewish faith. Nome del autor: David Waters. Data d'espublización: 25 mayu 2013. Data de consulta: 2 setiembre 2020.
- ↑ Ginnifer Goodwin Biography - Yahoo! Movies
- ↑ Love Comes to the Executioner (2006)
- ↑ «Josh Dallas and Ginnifer Goodwin Expecting First Child». Archiváu dende l'orixinal, el 2018-07-11.
- ↑ «Ginnifer Goodwin and Josh Dallas Step Out the Day After Their Wedding—See the Newlyweds!» (inglés). Y! Online (13 d'abril de 2014). «The Once Upon a Time co-stars and parents-to-be said "I do" at sunset in an intimate ceremony in front of about 30 close friends and family in the Los Angeles area.»
- ↑ .
- ↑ «Archived copy». Archiváu dende l'orixinal, el 2014-08-14.
Enllaces esternos
editar- Ginnifer Goodwin na Internet Movie Database (n'inglés)
Datos: Q109522
Multimedia: Ginnifer Goodwin