Lethrinidae

Lethrinidae
Lethrinus miniatus
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Lethrinidae
Subfamilies
Lethrininae Monotaxinae Sien teks vir spesies.

Die keisers, kaalneuse en grootoogbrasse (Lethrinidae) is 'n visfamilie wat hoort tot die orde Perciformes. Daar is ongeveer vyf genera met meer as veertig spesies wat hoort tot dié familie en sestien van die spesies kom aan die Suid-Afrikaanse kus voor.

Die familie se dorsale vinne is aaneenlopend en die stertvinne gevurk. Die hele familie het skubbe. Die familie word tussen 20 – 80 cm groot.

Die familie leef naby of by koraalriwwe en hulle is naglewend. 'n Paar spesies se onvolwasse visse leef in riviermondings. Hulle is almal afwisselende hermafrodiete. Die familie is gewilde eetvisse.

Die volgende genera en spesies kom aan die Suid-Afrikaanse kus voor:

• Gymnocranius

• Gymnocranius grandoculis - Gerimpelde kaalneus

• Lethrinus

• Lethrinus crocineus - Geelvin-keiser
• Lethrinus harak - Swartkol-keiser
• Lethrinus mahsena - Hemel-keiser
• Lethrinus microdon - Kleintandkeiser
• Lethrinus nebulosus - Bloukeiser
• Lethrinus obsoletus - Oranjestreep-keiser
• Lethrinus rubrioperculatus - Kolwang-keiser
• Lethrinus variegatus - Bontkeiser

• Monotaxis

• Monotaxis grandoculis - Grootoog-kaalneus

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

• Coastal Fishes of Southern Africa. Phil & Elaine Heemstra. 2004. ISBN 1-920033-01-7