Kaloega-oblast

Kaloega-oblast Калужская область
Die ligging van Kaloega-oblast in Rusland.
Politieke status
Land	Russiese Federasie
Federale distrik	Sentrale
Ekonomiese streek	Sentrale
Stigting	5 Julie 1944
Regering
Hoofstad	Kaloega
Leier	Anatoli Artamonof[1]
Amp	Goewerneur
Wetgewer	Wetgewende Vergadering
Bevolking
Sensus	2010
Totaal	1 010 930
Volgorde	51ste
Digtheid	33,92/km2
Stedelik	76,3%
Plattelands	23,7%
Statistiek
Oppervlakte	29 800 km2
Volgorde	64ste
Tydsone	UTC+04:00
Registrasienommer	40
Amptelike tale	Russies
Webtuiste	http://www.admobl.kaluga.ru/
Wapen en vlag
Portaal    Rusland

Kaloega-oblast (Russies: Калу́жская о́бласть, Kaloezjskaja oblast) is ’n deelgebied van Rusland. Dit lê in die Sentrale Federale Distrik en die hoofstad is Kaloega. Die bevolking in 2010 was 1 010 930.^[2]

Die gebied word sedert antieke tye bewoon; argeologiese vondste dateer uit die Mesolitikum (10 000 tot 6 000 v.C.). Die oblast se stede is in die 12de eeu die eerste keer genoem. In die 14de eeu was dit die verhoog vir konfrontasies tussen Litaue en Moskou.

Op 24 Augustus 1776 het Katharina die Grote Kaluga en die Toela-goewernement verenig om die Kaloega-onderkoningskap te vorm. Dié is in 1795 onder keiser Paul in die Kaloega-goewernement omskep.

Die moderne oblast is op 5 Julie 1944 gestig.

Kaloega-oblast lê in die sentrale deel van die Oos-Europese Vlakte. Die grootste deel bestaan uit vlaktes, grasvelde en woude, en daar is talle valleie. Dit word aan ander Oos-Europese stede verbind deur ’n groot netwerk van paaie en spoorlyne.

Dit grens in die weste aan Brjansk-oblast, in die suidweste aan Orjol-oblast, in die suidooste aan Toela-oblast, in die ooste aan Moskou-oblast en in die noorde aan Smolensk-oblast.

Die klimaat is gematig-kontinentaal met lang en koue winters en kort en warm somers. Die gemiddelde temperatuur in Julie is 18 ºC in die noorde en 20 ºC in die suide, en in Januarie -11 ºC in die noordooste en -8 ºC in die suidweste. Die noorde van die streek is die koudste en die suide, waar die woudsteppe voorkom, is relatief warm. Reënval wissel in die oblast, met sowat 780 tot 826 mm per jaar in die noorde en 690 tot 760 mm in die suide.

Die oblast het 2 043 riviere met ’n gesamentlike lengte van 11 670 km. Die belangrikste rivier is die Oka. Daar is net ’n paar mere.

Bevolking: 1 010 930 (in 2010)^[2]

Etniese groepe:^[2]

• Russe 93,1%
• Oekraïners 1,8%
• Armeniërs 1%
• Wit-Russe 0,5%
• Tatare 0,4%
• Azerbeidjanners 0,4%
• Oesbeke 0,4%
• Ander 2,4%

Van die belangrikste hulpbronne is fosforiet, bruinkool, bouklippe, klei, tripoliet, sand-en-gruismengsels en mineraalwater.

Die belankrikse nywerheidsektore is masjienbou, metaalwerk, tekstiel, voedsel en farmaseutiese middels.

Wat landbou betref, word veral graan, aartappels en groente verbou. Die belangrikste vee is beeste, varke en pluimvee.

• (ru) Amptelike webtuiste van die Kaloega-oblast

• Wikimedia Commons het meer media in die kategorie Kaloega-oblast.
• Hierdie artikel is vertaal uit die Engelse Wikipedia

54°26′N 35°26′O / 54.433°N 35.433°O / 54.433; 35.433