[go: up one dir, main page]
Gaan na inhoud

BMW M20

in Wikipedia, die vrye ensiklopedie
    BMW M20-enjin
Oorsig
Vervaardiger BMW
Produksietyd 1977–1993
Konfigurasie Inlynsessilinder
Afmetings
Inhoudsmaat 2,0–2,7 L (122–165 cu in)
Blok Gietyster
Kopstuk Aluminium
Stelsels
Klepwerking EBNA
Brandstoftipe Petrol
Plek in geskiedenis
Voorganger Geen
Opvolger BMW M50

Die BMW M20 is 'n EBNA-sessilinder-petrolenjin wat van 1977 tot 1993 vervaardig is. Dit is agt jaar na die groter BMW M30 reguit-ses-enjin bekendgestel, wat saam met die M20 in produksie gebly het. [1]

Die eerste motors wat van die M20 gebruik gemaak het, was die E12 5-reeks en die E21 3-reeks. Die aanvanklike M20-model het 'n verplasing van 2.0 L gehad, met latere weergawes met verplasings van tot 2.7 L. [2]

Die M20 is begin uitfaseer na die bekendstelling van die M50-enjin in 1990. Die laaste M20-enjins is aangebring op die E30 3-reeks wa en afslaankapmodel wat in April 1993 gebou is. [3]

Die M20 was die basis vir die BMW M21-dieselenjin. [4] Dit hou ook losweg verband met die BMW M70 V12-petrolenjin.

Geskiedenis

[wysig | wysig bron]

Teen die 1970's het BMW 'n behoefte ontwikkel vir 'n sessilinderenjin kleiner as die BMW M30 wat in die 3-reeks en 5-reeks gebruik kon word. Die resultaat was die M20 met 'n verplasing van 2 liter, destyds BMW se kleinste reguitsesenjin. Die M20 is in die E12 5-reeks, E21 3-reeks, E28 5-reeks, E30 3-reeks en E34 5-reeks gepas.

Ontwerp

[wysig | wysig bron]

Soos met die M30, het die M20 'n ysterblok, aluminiumkop en 'n EBNA-klepstelsel met 2 kleppe per silinder. [5] Die belangrikste verskille met die M30 is:

  • 'n Tydreëlgordel eerder as 'n tydreëlketting [6]
  • Boorafstand van 91 mm, eerder as 100 mm. [7]
  • 'n Skuinshoek van 20 grade, vergeleke met die 30 grade vir die M30. [8]

Modelle

[wysig | wysig bron]
Enjin Verplasing Krag Wringkrag Jare
M20B20 1991 cc 90 kW teen 6 000 rpm 163 Nm teen 4 000 rpm 1976-1982
92 kW teen 5 800 rpm 170 Nm teen 4 000 rpm 1982-1984
95 kW teen 6 000 rpm 174 Nm teen 4 000 rpm 1984-1987
95 kW teen 6 000 rpm 164 Nm teen 4 300 rpm 1986-1992
M20B23 2316 cc 105 kW teen 5 300 rpm 190 Nm teen 4 500 rpm 1977-1982
102 kW teen 5 300 rpm 205 Nm teen 4 000 rpm 1982-1983
110 kW teen 6 000 rpm 205 Nm teen 4 000 rpm 1983-1987
M20B25 2494 cc 126 kW teen 5 800 rpm 226 Nm teen 4 000 rpm 1985-1990
125 kW teen 5 800 rpm 226 Nm teen 4 300 rpm 1987-1992
M20B27 2693 cc 92 kW teen 4 250 rpm 240 Nm teen 3 250 rpm 1982-1987
95 kW teen 4 250 rpm 240 Nm teen 3 250 rpm 1987-1988

M20B27

[wysig | wysig bron]

Die M20B27 is ontwerp vir doeltreffendheid (die e staan vir econo in 325e) en laetoere-wringkrag. [9] Dit is 'n ongewone ontwerpstrategie vir 'n BMW-reguitsesenjin, wat gewoonlik ontwerp is vir krag teen hoë toere. In vergelyking met die M20B25 is die slag van 75 tot 81 mm verleng, wat 'n kapasiteit van 2 693 cc gegee het. [10] Soos met die M20B25 is die boor van 84 mm behou. Om wrywing te verminder en doeltreffendheid te verbeter, sluit die M20B27-veranderinge in die gebruik van die '200' weergawe van die kop (wat kleiner poorte het), 'n ander nokas, vier nokas-busse en sagte klepvere. As gevolg van hierdie veranderinge is die toereperk op die M20B27 verminder tot 4 800 rpm. 'n Kompressieverhouding van 9,0:1 is gebruik in die Amerikaanse 528e en 11:1 op Euro 525e- en 325e-motors - dit is in 1985 verminder tot 10,3:1. [11] Die aanvanklike M20B27-enjins lewer 92 kW en 240 Nm teen 3 250 rpm vir modelle sonder katalisator. Modelle met 'n katalisator produseer 90 kW 230 Nm.

In die vroeë negentigerjare het BMW Suid-Afrika komponente van die Alpina C3 2.7 gebruik om 'n E30 te vervaardig spesifiek vir wedrenne van die Stannic Groep N-produksiemotors. Die eerste weergawe van hierdie enjin wat in die E30 325iS gebruik is, het 145 kW gelewer en die tweede hersiening, dikwels verwys na as "Evo2" het 155 kilowatt geproduseer.

Verwysings

[wysig | wysig bron]
  1. ↑ "BMW M30". www.bmw-tech.org. Besoek op 2 Desember 2017.
  2. ↑ "Engine Of The Day: BMW M20". www.jalopnik.com. Besoek op 18 September 2017.
  3. ↑ "BMW 3 Series Touring (E30) (1988 - 1993)". autoevolution.
  4. ↑ "Archived copy". Geargiveer vanaf die oorspronklike op 5 Januarie 2012. Besoek op 5 Junie 2012.{{cite web}}: CS1 maint: archived copy as title (link)
  5. ↑ "BMW M20B20 Engine". www.mywikimotors.com. Geargiveer vanaf die oorspronklike op 15 September 2017. Besoek op 18 September 2017.
  6. ↑ "M20 6-cylinder engine". www.usautoparts.net. Geargiveer vanaf die oorspronklike op 2 Mei 2014.
  7. ↑ "M50 Engine". Geargiveer vanaf die oorspronklike op 12 Mei 2012.
  8. ↑ "M50 Engine Technical Information (E36)". www.johnavis.com. Geargiveer vanaf die oorspronklike op 17 September 2017. Besoek op 18 September 2017.
  9. ↑ "BMW e30 1983-1991 differences between models". www.e30info.com.
  10. ↑ "BMW E30 Specifications". www.e30world.com. Geargiveer vanaf die oorspronklike op 24 Februarie 2013.
  11. ↑ "M20B27 Engine Specs". www.e30tech.com. Geargiveer vanaf die oorspronklike op 23 September 2017. Besoek op 21 September 2017.


        BMW-enjins

Petrolenjins: B- en S-reeks: B38 | B58 | S65 | S85
M-reeks: M10 | M20 | M30 | M40 | M42 | M43 | M44 | M50 | M52 | M54 | M60 | M62 | M70 | M73 |
N-reeks: N20 | N26 | N40 | N42 | N43 | N45 | N46 | N52 | N53 | N54 | N55 | N62 | N63 | N73 | N74

Dieselenjins: M21 | M41 | M47 | M51 | M57 | M67 | N47 | N57 | B47 | B48 | B57

Wysig hierdie sjabloon
Ontsluit van "https://af.wikipedia.org/w/index.php?title=BMW_M20&oldid=2459572"