圣诞
圣诞节，又名耶诞节，来勒阳历12月25号，是基督教传统节日，源于耶稣出生。
圣诞由来
[编辑]傳說瑪利亞感受聖靈懷孕仔耶穌，隨後頭搭仔約瑟成婚，勒到一个小旅館个馬棚裏向生落耶穌。聖誕个意思就是“聖人”个誕生。
實際上，耶穌誕生个日脚無從考察。一般認爲，大概来公元336年，羅馬大帝康斯坦丁正式拿12月25號，箇個搭基督教無關个日脚宣佈爲基督教个聖誕節。
庆祝方式
[编辑]交关人家会得勒自家屋里向摆一棵小树，叫“圣诞树”。有辰光勒树浪挂好星礼物，互相之间赠送。小朋友喜欢圣诞节个一个目的就是，勒前夜伊俚可以许愿，圣诞老人会得从烟囱里向爬进来，拿礼物送畀伊俚。
吴越人搭圣诞节
[编辑]因为圣诞节是基督教节日，立在明朝晏末阶段，开始立在江浙地区个天主教徒当中流行，到现在已经有四百多年历史哉。弗过，乃朝大部分庆祝圣诞个吴越人，一般拿迭个节日当做纯粹个商业活动来进行。并嘸多少宗教含义立在当中。弗过，吴越地区个基督徒，还是会立在圣诞当天到教堂举行庆祝活动。上海个徐家汇天主堂、国际礼拜堂侪人声鼎沸，邪气闹猛。
