België

Koninkrijk België Royaume de Belgique Königreich Belgien
Liggienge van België in Europa 50° 32' N, 4° 46' O
Officiële toale	Nederlands Frans Duuts
Hoofdstad	Brussel (Brussel/Bruxelles/Brüssel)
Stoatsvorm	Constitutionele parlementaire monarchie
Stoatshoofd	Keunienk Filip
Êerste minister	Alexander De Croo
Ippervlak	30.689,17 [1] km²
Inweuners Bevolkiengsdichtheid	11.763.650 (1 januoari 2024) [2] 383 inw./km²
Munte	Euro (vo 2002: Belgische frang)
Tydzone	UTC+1 (zomertyd: UTC+2)
Landcode	BE, BEL
Telefongcode	(+32)
Internet-TLD	.be
Nationale fêestdag	21 juli (1831) (Eedofleggienge 1e keunienk)

België (Nederlands: België, Frans: Belgique, Duuts: Belgien, officieel: Keunienkryk België, Koninkrijk België, Royaume de Belgique, Königreich Belgien) is e parlementaire, constitutionele monarchie an de Nôordzêe. 't Grênst ten zuudn an Vrankryk, ten ôostn an Duutsland en Luxemburg en ten noordn an Holland. In 't westn is er nie echt e gebeur, mo wel de Nôordzêe. Achter 't woater ligt Iengeland. 'n Hoofdstad è Brussel. Andere grôte steedn zyn Antwerpn, Luuk, Gent, Leuven, Brugge, Charleroi en Noamn.

D'r weunn e klêne 11,8 miljoen inweuners in België. Ruum 6,8 miljoen doavan zyn Vloamiengn, der zyn 1,25 miljoen Brusseloars en de reste - om en by de 3,7 miljoen - zyn Woaln en Duutsers in de Ôostkantongs.

D'r zyn drie officiële toaln: Nederlands, Frans en Duuts. Nederlands wordt geklapt in Vloandern, Frans in Wallonië en Duuts ok in Wallonië an de grenze me Duutsland. In 't Brussels Gewest wordt vôoral Frans geklapt moar ook wat Nederlands. Da betekent dat d'r in België e klêne 7,1 miljoen Nederlandstoaligen, ruum 4,6 miljoen Franstoaligen en e klêne 0,1 miljoen Duutstoaligen zyn.

Belgie is over 't olgemeen styf plat - voerol in Vloandern. In 't zuudn, in de Woalen, è je e bitje 'bergen'. Den hôogstn is de Signal de Botrange (694 meters) in de Hoge Veenn. D'n hogstn top in Vloandern is Remersdoal (287,5 meters) in de Voerstreke. Ip de twidde plekke komt de Kemmelberg (156 meters) in 't Heuvelland.

België et e ippervlak et van 30.689,17 km², woarvan 30.494,22 km² land (99,365%) en 194,95 km² woater (0,635%).^[1] Vergelykt me Holland, dat e ippervlak et van 41.543 km², woarvan 33.647 km² land (81,59%) en 7.896 km² woater (18,41%).

De mêest nôordelike plekke is Meersel-Dreef, de mêest ôostelike plekke is Krewinkel, de mêest zuudelike plekke is Torgny en de mêest westelike plekke is De Panne.

De geschreven geschiedenisse begunt round 52 v.Chr. op 't moment da Julius Caesar (in z'n De Bello Gallico) over de Belgen schryft ("De Dapperste Oller Galliërs"). Loater is gebleken dat die stammn nie overêenkomn mè de Belgen van nu, moa da doet er nie toe.

België is e stoat die bestoat uut drie gemêenschappn en drie gewestn. De gemêenschappn en e toal-culturele oorsproung, de gewestn en ruumtelik-economischn:

• Vlams Gewest (Vloandern), Woals Gewest (Wallonië) en Brussels Hoofdstedelik Gewest (Brussels gewest).
• de Vlamsche Gemêenschap, de Fransche Gemêenschap en de Duutstoalige Gemêenschap.

Ierby e je ton ook nog eki de federoale regerienge die ol de reiste doet.

Zie ook et artikel over de stoatservormienge.

Verder is België ounderverdêeld in provinsjes, arroundissementn en gemêentn.

Vloandern en Wallonië zyn verdêeld in ieder vuuf provinsjes, 't Brussels gewest nie:

Zie ook et artikel over Belgische provinsjes.

Belgische gewestn
Gewest	Liggienge	Inweuners 2024 [2]		Ippervlak [5]		Dichtheid inw/km²	Hoofdstad	Prov.	Arr.	Gem.
		Oantal	%	Km²	%
Vlams Gewest (Vloandern)		6.821.770	58%	13.625,54	44%	501	Brussel	5	22	300
Woals Gewest (Wallonië)		3.692.283	31%	16.901,22	55%	218	Noamn	5	20	262
Brussels Gewest		1.249.597	11%	162,42	0,5%	7.694	Brussel	/	1	19
Totoal		11.763.650		30.689,17		383		10	43	581

Belgische gemêenschappn
Gemêenschap	Liggienge	Inweuners 2024		Ippervlak		Dichtheid inw/km²	Hoofdstad	Prov.	Arr.	Gem.
		Oantal	%	Km²	%
Vlamsche Gemêenschap ¹		7.060.457	60%	13.787,96	45%	512	Brussel	5	23	319
Fransche Gemêenschap ¹		4.623.714	39%	16.210,00	53%	285	Brussel	5	21	272
Duutstoalige Gemêenschap		79.479	0,7%	853,64	2,8%	93	Eupn	/	/	9
Totoal		11.763.650		30.689,17		383		10	43	581

¹ Vlamsche en Fransche Gemêenschap hèn 't Brussels Gewest gemêenschappelijk (ippervlak, hoofdstad, arroundissement en gemêentn).

De zetelverdêlienge van de Koamer van Volksvertegenwoordigers ziet er ezô uut (verkiezingsuutslag):^[6][7]

¹ VU-ID in 1999

² sp.a-Spirit in 2003 en 2007

³ In 2019 en 2024 as onafhankelike vo N-VA

Êeste ministers sins 1896:

Kyk noa UNESCO-weirelderfgoed in België

• 
  Historisch center van Brugge
• 
  Grôte Markt van Brussel
• 
  Plantin-Moretusmuseum in Antwerpn
• 
  Onze-Lieve-Vrouwekathedroale in Doornik

• Ambiorix, en Oudn Belg die teegn de Romeinn vocht
• Leo Baekeland, uutvinder van bakeliet
• Peter Benoit, componist
• Raymond Ceulemans, biljarter
• Jacques Brel, zanger
• Pieter Breugel, schilderoare
• Hendrik Conscience, schryver van De Leeuw van Vlaanderen
• Poater Damioan, e froaie mens die zorgde voe de melaatsn en hillig verkloard is
• James Ensor, kunstschilder
• Zénobe Gramme, uutviender van den dynamo
• Hergé, de voader van Kuifje
• Jacky Ickx, ottocoureur
• Paul Janssen, uutviender va medicamentn
• René Magritte, surrealistische schilderoare
• Mercator, têkenoare van koartn, uutviender van 'n atlas
• Eddy Merckx, volgens vele den beste coureur oller tydn
• Georges Nagelmackers, bankier en bouwer van den Orient Express en de slapwagongs Wagons-Lits
• Peter Paul Rubens, barokschilderoare
• Adolphe Sax, uutviender van de saxofong
• Georges Simenon, schryver van Maigret
• Simon Stevin, wiskundign
• Toots Thielemans, jazz-muzikant
• Godfried van Bouillon, e vèchtersboasje die mèjdeed an den eerstn kruustocht
• Jean-Claude Vandamme, acteur
• Karel Van Depoele, uutviender van den elektriekn tram (trolley)
• Andreas Vesalius, weetnschapper in den anatomie
• Wout Van Aert, volgens vele den beste coureur van zyn tyd
• Yves Lampaert, ne coureur, farmer son from Belgium

Behalve 't welbekende land woa da West-Vloandern ligt, zyn d' er nog andere betêkenissn van 't woord Belgium / Belgique in andere toaln.

• Vier steedn in de Verênigde Stoatn (in Illinois, West Virginië, Wisconsin en Minnesota)
• Een liedje van den Amerikoansen punkgroep "Bowling for Soup"
• Een andere noame vôr een Brabants trekpeird
• Een Amerikoans cargoschip (SS Belgique)
• De name van twê Belgische ounderzoeksscheepn (Belgica)
• Een imaginair vloekwoord in "The Hitchhiker's Guide to the Galaxy" ("zô grof da 't in de hêle melkweg verboon is, buutn in e pleksje woa dan ze nie weetn wa da 't betêeknt")
• Een onconventionele êenheid van uppervlakte (A Web Site the Size of Belgium (gearchivêerd))

1. ↑ ^{1,0 1,1} Statbel
2. ↑ ^{2,0 2,1} Statbel
3. ↑ De volkstellingen in België sinds 1830, Statbel
4. ↑ Bevolkingsatlas van Nederland, p. 29
5. ↑ Statbel
6. ↑ DE KAMER.BE
7. ↑ ibz

• belgium.be
• Statbel
• TopoMapViewer, NGI
• Klimaatinfo
• KMI

Ofbeeldiengn die ier by passn ku je vien in de categorie België van Wikimedia Commons.

Belgische landsdêlen
Vlams Gewest: Antwerpn | Limburg | Ôost-Vloandern | Vlams-Broabant | West-Vloandern Woals Gewest: Enegouwn | Luuk | Luxemburg | Noamn | Woals-Broabant Brussels Oofdstedelik Gewest Vlamsche Gemêenschap | Fransche Gemêenschap | Duutstoalige Gemêenschap
België | Gewestn | Gemêenschappn | Provinsjes

{{{ofb_links}}}	Europese Unie (EU)		{{{ofb_groot}}}
België |  Bulgareye |  Cyprus |  Denemarkn |  Duutsland |  Estland |  Finland |  Grieknland |  Holland |  Hongareye |  Ierland |  Itoalië |  Kroatië |  Letland |  Litouwn |  Luxemburg |  Malta |  Ôostnryk |  Pooln |  Portugal |  Roemenië |  Slovakeye |  Slovenië |  Spanje |  Tsjechië |  Vrankryk |  Zweedn