Nyl

De Nyl is e riviere in 't nôordôostn van Afrika die noa 't nôordn stroomt en uytmoendt in de Middellandsche Zêe. De Nyl is de langste riviere van Afrika en volgens sommigte zelfs van de weireld, alhoewel dat d' Amazoneriviere e bèetje langer zou zyn.

't Stroomgebied is oengeveer 6.650 km lank en besloat elf landn: den Democroatische Republiek Congo, Tanzania, Burundi, Rwanda, Oeganda, Kenia, Ethiopië, Eritrea, Zuyd-Soedan, Republiek Soedan en Egypte.

De Nyl hèt twêe belangryke zyriviern: de Witte Nyl en de Blauwe Nyl. De Witte Nyl is langer en oentspringt in 't gebied van de Grôte Meern. 't Begunt by 't Victoriameer en stroomt deur Oeganda en Zuyd-Soedan. De Blauwe Nyl begunt by 't Tanameer in Ethiopië en moendt uyt in Soedan vanuyt 't zuydôostn. De twêe riviern kommen t'hope in Khartoum, den hoofdstad van Soedan.

Ofbeeldiengn die ier by passn ku je vien in de categorie Nile van Wikimedia Commons.