Gliese 581 g

Бу мәкаләгә башка Википедия мәкаләләре сылтамыйлар. Зинһар, ярдәмчене кулланып, кабул ителгән киңәшләргә күрә сылтамалар куегыз.

Gliese 581 g яки Глизе 581 g — Gliese 581 йолдызы системасына кергән кимендә алты планетының берсе, экзопланета. Ул Җир шарыннан якынча 20 яктылык елы ераклыгында Үлчәүләр йолдызлар төркемендә урнаша.

Gliese 581 g планетасында атмосфера һәм сыек су булырга мөмкин. Планета ландшафты ташлар һәм кыялардан тора дип санала. Радиусы Җир шарының 1,2 — 1,5 радиусын, массасы Җир шарының 3,1 — 4,3 массасын тәшкил итә дип санала. Уртача температура Цельсий шкаласы буенча -34 градустан алып +71 градуска кадәр исәпләнә.

Кайбер галимнәр буенча Gliese 581 g — Җир шарының кардәш планетасы, монда да тере организмнар яшәргә мөмкин.

Планетаны ачу турында 2010 елның 29 сентябрендә игълан ителде. Аны Калифорния университеты һәм Карнеги Институты галимнәре ачты. Планетаны ачкан галимнәр төркеме җитәкчесе, Стивен Вогт, рәсми булмаган рәвештә планетаны үз хатыны исеме белән Зармина дип атады.

• 2010 елда ачылган планеталар исемлеге
• Gliese 581

• Җирнең кардәш планетасында тере организмнар булырга мөмкин 2010 елның 16 октябрь көнендә архивланган. (рус.)