Jeel
Jeel is ne primäre Faawe bie ju subtraktive Faawenmiskenge. Bie ju additive Faawenmiskenge is dät ne sekundäre Faawe, ju der kriegen wäd truch Moangen fon rood un gräin. Spektroal bekieked sit ju Faawe jeel twiske orange un gräin. Jeel is ju komplementäre Faawe fon blau in technisken Sin, wäkker blau uureenstimt mäd dän allere techniske Uutdruk (spektroal) violet. In dät Spektrum fint sik jeel Lucht bie Stroalenge mäd Woogenlaangte twiske 565 un 590 Nanometer.
Säädigenge
[Beoarbaidje | beoarbaidje Wältext]| FFFF00 |
EEEE00 |
DDDD00 |
CCCC00 |
BBBB00 |
AAAA00 |
999900 |
888800 |
777700 |
666600 |
555500 |
444400 |
333300 |
222200 |
111100 |
000000 |
| FFFF00 |
FFFF11 |
FFFF22 |
FFFF33 |
FFFF44 |
FFFF55 |
FFFF66 |
FFFF77 |
FFFF88 |
FFFF99 |
FFFFAA |
FFFFBB |
FFFFCC |
FFFFDD |
FFFFEE |
FFFFFF |
|
Soarten fon jeel
[Beoarbaidje | beoarbaidje Wältext]Zitronenjeel |
Näitroaljeel |
Gouldjeel |
Indiskjeel |
Khaki |
Benutsenge un Geföilswäid
[Beoarbaidje | beoarbaidje Wältext]Jeel is ne sunnige un lustige Faawe, wan hie toumindest wät woorm faawed is un ätter orange lät. Dät schäärpe koolde Näitroaljeel hier buppe is oawers eer ju Faawe fon Haatenskup. Die negative Kloang fon jeel kumt uk foar in dän Uutdruk: Gräin un jeel foar Äärger wäide.
Fuul Bloumen, do der in uus Geegend foarkuumen dwo, sunt jeel. Dät kumt woanschienelk deerhäär, dät Iemen ju Faawe ap ljooste hääbe, un deer jädden ap toukuume. Dät rakt jeele Bloumen n evolutionär Foardeel buppe uurs faawede Bloumen.
In fuul Lounde is jeel Symbol fon dät Paaskefäst, jierhunnerteloang dät Christelke Hoochfäst, mäd t.B. poabstelke Foonen. Ju Ferbiendenge mäd jeele Suukene is eer toufälllich. Jeel waas uk dät Symbool foar dän Kaiser fon China un fon ju chinesiske Monarchie.
Ju Pakkenge fon orientaliske Ietensweeren is oafte jeel fon Faawe.
Jeel gungt goud touhoope mäd bolde aal uur Faawen. Ju Kombination jeel mäd blau rakt oawers n billigen Iendruk. Dän Effekt wäd oafte uutnused fon Koopljuude, wan jo dän Iendruk reeke wollen, billich tou weesen. N Biespil is ju Geschäftskätte Zeeman.
Ju Kombination jeel mäd swot stoant foar Gefoor. Disse Kombination rakt et sogoar in ju Natuur, toun Biepsil bie ju Ieme un ju Häspe. Uk wäkke Giftslangen hääbe ju Faawenkombination.
In die elektroniske Faawencode stoant jeel foar dän Ziffer 4.
Jeel wäd as Faawe in ju Heraldik beteekend mäd Gould. Gould is uk ne liturgiske Faawe, ju der ap älke bliede Fier bruukt wäide duur insteede foar wiet.
Politik
[Beoarbaidje | beoarbaidje Wältext]Jeel is ju eepentelke Faawe fon Vatikanstääd.
Jeel is uk bekoand as “floamske” Faawe, dan die Floamske Lööwe is swot ap n jeelen (gouldenen) Bäätergruund.
Ferbiendengen ätter buuten
[Beoarbaidje | beoarbaidje Wältext]- Bruce MacEvoy: Handprint. Watercolors. Color vision. Online-Dokument ap: www.handprint.com – Uumfangriek Kompendium uur Faawe, Faawetheorie un Moaleräi: (ängelsk)
- Thomas Seilnacht: Die Farbe Gelb. Online-Dokument ap: www.seilnacht.com
|
Klik hier foar moor touheerige Mediendoatäie ap Wikimedia Commons. |