عرب ليگ
عرب ليگ(انگريزي: Arab League ) جنھن جو رسمي نالو ليگ آف عرب اسٽيٽس (انگريزي: League of Arab States ) آھي 1945 ۾ قائم ٿي. ان جو مقصد يورپ ملڪن کان آزادي حاصل ڪندڙ عرب ملڪن جي گڏيل مفاد لاءِ ڪم ڪرڻ ھيو. ان تنظيم جو بنياد وجھندڙ رڪن مصر، عراق، اردن، شام، سعودي عرب، لبنان ۽ يمن ھيا. جنھن بعد وڌيڪ 15 ملڪ ان ۾ شامل ٿيا. جن جا نالا آهن: الجيريا، بحرين، ڪومورو آئلينڊز، جبوتي،ڪويت، لبيا، ماريطانيہ، مراڪش، اومان، فلسطين، قطر، تيونس، يونائيٽيڊ عرب امارات، صوماليا، سوڊان. ان جو مستقبل صدر مقام مصر جي شھر قاھرہ ۾ آھي[1]. اھا عرب اتحاد ۽ سھڪار جي لاء ھڪ سيڪيولر تنظيم آھي. اھو فورم عرب ملڪن جي پنھنجي سياسي، قانوني، سلامتي، آمدورفت، رابطن جي ذريعن، معاشي ترقي ، سماجي ۽ ثقافتي معاملن متعلق سمورن مسئلن کي حل ڪرڻ لاء آھي. ان جو سڀ کان وڏو آفيسر آن جو سيڪريٽري جنرل ھوندو آھي ۽ سڀ کان وڏي اختياري ان تنظيم جي ڪائونسل آهي جيڪا رڪن ملڪن جي نمائندن تي مشتمل ھوندي آھي[1]. عرب ليگ جو اجلاس سال ۾ ٻہ دفعا ٿيندو آهي جنھن ۾ ملڪن جا سربراهه شريڪ ٿيندا آهن. ھن تنظيم ذريعي اتحاد ھجڻ باوجود عرب ملڪن ۾ پاڻ ۾ معاشي نابرابري، سياسي تشڪيل ۽ نظرياتي اختلافن ۽ سربراھن جي پاڻ ۾ ذاتي اختلافن سبب نفاق موجود آهي[1]. مصر جڏهن عرب ليگ ۾ سيڪيولر خيال واري جمال عبدالناصر جي سربراهي ۾ حاوي ھيو تہ سعودي عرب 1962 ۾ اسلامي ملڪن جي ھڪ وڏي اتحاد جو بنياد وڌو ۽ بعد م مصر کي عرب ليگ مان اسرائيل سان 1979 ۾ امن معاهدو ڪرڻ جي ڪري نيڪالي ڏني وئي ۽ 1987 ۾ ان جي رڪنيت وري بحال ڪئي وئي جيڪو عرب ليگ ۾ موجود نفاق جو ھڪ مثال آهي[1]. 1990 ۾ عراق جو ڪويت تي حملو پڻ نفاق جو ھڪ ٻيو مثال آهي[1]. انھن حضرت علي جي خليفي ٿيڻ جي حمايت ڪندڙن ۾ ھئا. انھن عباسين جي بنو اميہ وارن جي خلاف انقلاب جي پڻ حمايت ڪئي[1].
ملڪن جي رڪنيت جون تاريخون
[سنواريو]
- مصر (باني):
22 مارچ 1945
(1979 کان 1989 تائين ان جي رڪنيت معطل رھي)
- عراق(باني):
22 مارچ 1945 - اردن(باني ۽ ان وقت ٽرانس جارڊن جي نالي سان شامل ٿيو):
22 مارچ 1945 - لبنان(باني):
22 مارچ 1945 - سعودي عرب(باني):
22 مارچ 1945 - شام (باني):
22 مارچ 1945 - يمن(باني):
22 مارچ 1945 - لبيا:
28 مارچ 1953 - سوڊان :
19 جنوري 1956 - مراڪش :
1 آڪٽوبر 1958 - تيونس:
1 آڪٽوبر 1958 - ڪويت:
20 جولاءِ 1961 - الجيريا:
16 آگسٽ 1962 - متحده عرب امارات:
12 جون 1971 - بحرين:
11 سيپٽمبر 1971 - قطر:
11 سيپٽمبر 1971 - اومان:
29 سيپٽمبر 1971 - ماريطانيہ:
26 نومبر 1973 - صوماليا:
14 فيبروري 1974 - فلسطين (فلسطين لبريشن آرگنائيزيشن جي جاء تي):
9 سيپٽمبر 1976 - جبوتي:
9 اپريل 1977 - ڪومورو آئلينڊز:
20 نومبر 1993
عرب ليگ جا سيڪريٽري جنرل
[سنواريو]| سيڪريٽري جنرل | جنم ڏينهن | آفيس سنڀاليائين | آفيس ڇڏيائين | قوميت | تصوير | |
|---|---|---|---|---|---|---|
| 1 | عبدالرحمن حسن اعظم | 1893–1976 | 22 مارچ 1945 | سيپٽمبر 1952 |  مصر
|
|
| 2 | عبدالخليل حسونة | 1898–1992 | سيپٽمبر 1952 | 1 جون 1972 | مصر
|
|
| 3 | محمود رياض | 1917–1992 | 1 جون 1972 | مارچ 1979 | مصر
|
|
| 4 | شازلي قليبي | 1925 | مارچ 1979 | سيپٽمبر 1990 |  تيونس
|
|
| 5 | احمد عصمت عبدالمجيد | 1924–2013 | 15 مئي 1991 | 15 مئي 2001 | مصر
|
|
| 6 | عمرو موسیٰ | 1936 | 15 مئي 2001 | 1 جولاءِ 2011 | مصر
|
|
| 7 | نبيل العربي | 1935 | 1 جولاءِ 2011 | 3 جولاءِ 2016 | مصر
|
|
| 8 | احمد ابوالغيط | 1942 | 3 جولاءِ 2016 | ' | مصر
|
|