Liga Arab

Liga Nagara-Nagara Arab (bahaso Arab: جامعة الدول العربية Jāmiʻat ad-Duwal al-ʻArabiyya) atau dapek juo disingkekan jadi Liga Arab (الجامعة العربية al-Jāmiʻa al-ʻArabiyya), marupoan sabuah organisasi internasional nan tadiri dari nagara-nagara Arab. Organisasi iko diadoan pado 22 Maret 1945 dek tujauh nagara, iyolah Mesir, Irak, Transyordania (lah banamo Yordania sajak 1949), Lebanon, Arab Saudi, jo Suriah. Piagamnyo manyatoan bahaso Liga Arab batujuan "mandakekan ubuangan antaro nagara-nagara anggota jo malakuan koordinasi karajo samo di antaro mareka, manjago kamandirian jo kamardekaan mareka, jo mampatimbangan sacaro umumnyo sagalo urusan jo kapantiangan nagara-nagara Arab.^[1] Piagam Liga Arab lai managah para anggotanyo untuak manggunoan kakarehan tahadok sasamo nagara anggota. Markas Liga Arab barado di Kairo.

• Mesir^[2] - 22 Maret 1945 (pandiri, kaanggotaannyo parnah baranti pado taun 1979-1989)
• Irak^[3] - 22 Maret 1945 (pandiri)
• Yordania^[4] - 22 Maret 1945 (pandiri, kutiko bagabuang masih banamo "Transyordania")
• Lebanon^[5] - 22 Maret 1945 (pandiri)
• Arab Saudi^[6] - 22 Maret 1945 (pandiri)
• Suriah^[7] - 22 Maret 1945 (pandiri)
• Yaman - 5 Mei 1945 (paliang awal bagabuang)
• Libya - 28 Maret 1953
• Sudan - 19 Januari 1956
• Maroko - 1 Oktober 1958
• Tunisia - 1 Oktober 1958
• Kuwait - 20 Juli 1961
• Aljazair - 16 Agustus 1962
• Uni Emirat Arab - 12 Juni 1971
• Bahrain - 11 September 1971
• Qatar - 11 September 1971
• Oman - 29 September 1971
• Mauritania - 26 November 1973
• Somalia - 14 Pebruari 1974
• Palestina^[8] - 9 September 1976 (manggantian posisi Organisasi PLO nan bagabuang daulunyo)
• Djibouti - 9 April 1977
• Komoro - 20 November 1993

1. ↑ "Pact of the League of Arab States, 22 March 1945". The Avalon Project. Yale Law School. 1998. Archived from the original on 25 July 2008. Retrieved 15 July 2012.
2. ↑ Website resmi Liga Arab, diakses 12 Juni 2007.
3. ↑ Website resmi Liga Arab, diakses 12 Juni 2007.
4. ↑ Website resmi Liga Arab, diakses 12 Juni 2007.
5. ↑ Website resmi Liga Arab, diakses 12 Juni 2007.
6. ↑ Website resmi Liga Arab, diakses 12 Juni 2007.
7. ↑ Website resmi Liga Arab, diakses 12 Juni 2007.
8. ↑ League of Arab States, Official Website, diakses 12 Juni, 2007.