Seven Seas of Rhye
| Seven Seas of Rhye | ||
|---|---|---|
| Artista: | Queen | |
| Tipu album: | 7" síngulu | |
| Data dâ nisciuta: | 23 di frivaru 1974 (Europa) 20 di giugnu 1974 (USA) | |
| Durata: | 2 min 50 s | |
| Album di pruvinenza: | Queen II | |
| Gèniri: | Rock and roll, Hard rock | |
| Prudutturi: | Queen, Roy Thomas Baker | |
| Noti: | Pubbricatu comu A-side di "See What a Fool I've Been" 'n Europa #10 (Regnu Unitu) | |
| Cumpusituri: | Freddie Mercury | |
| Casa discugràfica: | EMI (UK) / Elektra Records (USA) | |
| Singulu pricidenti: | Liar / "Doing All Right" | |
| Singulu succissivu: | Killer Queen / "Flick of the Wrist" | |
Seven Seas of Rhye è na canzuna dî Queen, scritta di Freddie Mercury e pubbricata comu traccia finali nnî dischi Queen I (1973) e Queen II (1974).
La canzuna
[cancia | cancia la surgenti]Nnô primu album la traccia è cchiù brevi, strumintali e nun ancora finuta. La virsioni cumpreta, terzu síngulu du gruppu, fu prisintata a trasmissioni Top of the Pops, e arrivò ô 10° postu nnâ classífica ngrisa, addivintannu la prima hit dî Queen. Lu síngulu vinni pubbricatu 'n Europa e nnî Stati Uniti cû b-side “See What a Fool I've Been (ca arristò nun pubbricata nna l'album), canciata nnâ virisoni giappunisa di"Ther Loser in the End". Comu "My Fairy King", pubbricatu na l'album pricidenti Queen I, Seven Seas of Rhye parra di Rhye, lu munnu mmagginariu di cui Freddie Mercury fantasticava duranti la carusanza. Rhye vinni nzècutu citatu puru nnô branu "Lily of the Valley", di l'album Sheer Heart Attack (nnî versi “Messenger from Seven Seas has flown/To tell the king of Rhye he's lost his throne”), e puru 'n “It's a Beautiful Day (Reprise)”, di l'album Made in Heaven.
Seven Seas of Rhye fu unu di brani favuriti duranti tutti li spittàculi live dû gruppu. È carattirizzatu dâ ntroducimentu di chianuforti arpiggiata cu na virsioni prisenti 'n Queen II era sunata cu tutti dui manu. Nna l'album Queen I e na majuri parti dâ performance live, mmeci, Freddie Mercury sunava la stissa ntroducimentu 'n na virsioni cchiù fàcili, cu na sula manu. Lu stissu tema è prisenti ô tèrmini di “It's a Beautiful Day (Reprise)”. La virsioni dî Queen II tèrmina cu na dissulvenza ncruciata, 'n cui li strummenta s'arriminanu a na virsioni di "I Do Like to Be Beside the Seaside".