Spread Your Wings

Spread Your Wings è na canzuna dû gruppu ngrisi dî Queen scritta dâ John Deacon, ca fa parti di l'album News of the World, dû 1978.

La canzuna, nustanti ca nun era na vera hit, fu assai pupulari tra li fans e fu misa nna l'album Live Killers dû 1979.

Spread Your Wings fu la prima canzuna dî Queen senza cori o armunìi vucali a èssiri pubbricata comu sìngulu. Lu vidiu di sta canzuna probabbilmenti fu giratu sùbbutu prima, o subbutu doppu lu vidiu dû sìngulu We Will Rock You. Si vìdinu li cumpunenti dû gruppu 'n nu spazziu a l'apertu cummigghiatu di nivi (nfatti li Queen sunnu vistiti cu vistita mmirnali); Freddie Mercury porta strani ucchiali di suli a forma di stiddi, prisenti puru ntô vidiu di We Will Rock You. John Deacon e Roger Taylor pòrtanu stivali di funtana 'n plàstica (assai visìbbili nnô vidiu di We Will Rock You), mentri Brian May, nun usa la so Red Special, ma na rèplica dâ so chitarra, custruita pi iddu dû lituaiu John Birch. La B-side dû sìngulu è Sheer Heart Attack, puru idda misa nnni l'album News of the World. Avìa a èssiri la Title-Track di l'album, ma nun cc'era spazziu pi la canzuna, sparti a èssiri ancora 'n fasi di riggistrazzioni.

Sheer Heart Attack era sunata nnî cuncerti, tra li tracci finali, tra la fini di l'anni sittanta e ncapu di l'anni uttanta (finu a l'Hot Space Tour). È na canzuna dî venaturi punk, ca antìcipa lu thrash metal e lu speed metal. Nnî cuncerti vinìa spissu accumpagnata di ntirmezzi "noise".

Li Blind Guardian sunaru na cover di sta canzuna, ma 'n virsioni heavy metal rispettu a l'urigginali.