Colmar

Colmar è na città situata ntâ riggiuni di l'Alsazzia, ntô nord-est dâ Francia, e capitali dû dipartimentu dû Autu Renu. Canusciuta pâ sò architittura mediuevali ben cunsirvata e lu patrimoniu stòricu, Colmar è una dî città cchiù pittureschi dâ Francia. e na destinazzioni turìstica pupulari.

Colmar s'attrova alloncu ô ciumi Lauch, ê pedi dî Vosges, a circa 70 chilòmitri a sud di Strasburgu e a na vintina di chilòmitri dû cunfini câ Girmania. La sò pusizzioni ntâ valli di l'Alsazzia, a mità strata tra la Francia e la Girmania, ha favurutu sturicamenti lu sviluppu di na cultura mista, visìbbili ntê tradizzioni, ntâ lingua e nti l'architittura dâ citati.

L'urìggini di Colmar acchiànanu a l'èbbica rumana, ma la cità canuscìu nu sviluppu nutèvuli ntô mediuevu grazzi â sò pusizzioni stratèggica longu li vìi cummirciali Colmar divinni na cità lìbbira di lu mpiru rumanu girmànicu ntô 1226, e ntê sèculi succissivi fu oggettu di sciarri tra lu Regnu di Francia e lu Sacru Rumanu Mpiru, nzinu a quannu finarmenti addivintau francisi ntô 1648 câ paci di Vestfalia. La cità mantinìu lu sò aspettu mediuevali e rinascimintali.

Colmar è cèlibbri pi lu sò centru stòricu, ca sarba assai palazzi mediuevali, rinascimintali e barocchi.

• La Petite Venise è unu dî quarteri cchiù carattirìstici di Colmar, situatu alloncu ô ciumi Lauch, cu casi pittureschi a menzu lignu e canali ca arricòrdanu l'immaggini di Vinezzia. È n'aria pupulari pi spassiggiati rumàntichi e tour ntâ varca.

• La Cattidrali di San Martinu è na cresia gòtica costruita tra lu XIII e lu XIV sèculu, famusa pi la facciata mpunenti e lu nternu chinu di vitrati. La cattidrali è unu dî punti di riferimentu principali dâ citati.

• Lu Museu Unterlinden è ospitatu nta n'ex cunventu duminicanu. Stu museu è unu di li cchiù mpurtanti di l'Alsazia, cu na ricca cullizzioni di òpiri d'arti, tra cui lu cèlibbri *Polìtticu di Issenheim* di Matthias Grünewald, capulavoru dû Rinascimentu tidiscu.

• Li tradizziunali casi alsaziani câ struttura a mezzu lignu sunu una dê carattiristichi distintivi di Colmar, ed è pussìbbili ammiràrili nta tanti anguli dâ città, comu ntâ rue des Marchands e la strata dî Testi.

L'econumìa di Colmar è tradizziunarmenti lijata a l'agricultura, 'n particulari â viticultura, câ cità situata ntâ cèlibbri riggiuni vinìcula di l'Alsazzia Lu vinu alsazianu, canusciutu pâ sò qualità e varietà, è unu di l'elimenti distintivi dâ cultura lucali Colmar è macari nu centru mpurtanti pô turismu, cu nu sitturi dê sirvizzi e di l'ospitalità 'n criscita. La città è canusciuta pâ sò scena culturali vivaci e pi l'eventi, tra cui lu mircatu di Natali, ca attira visitaturi di tuttu lu munnu.

Colmar è nu centru culturali mpurtanti, cu assài eventi musicali, tiatrali e artistici duranti l'annu. La citati ospita puru vari festival, tra cui lu *Festival Ntirnazziunali di Musica di Càmmira*, chi attira musicisti di fama munniali. La tradizzioni artìstica dâ citati è liata a pirsunaggi comu l'architettu e sculturi **Frédéric Auguste Bartholdi**, lu cui munumentu cchiù cèlibbri è la Statua dâ Libbirtà di Nova Jorca, chi nascìu a Colmar ntô 1834.

La lingua principali è lu francisi, ma ntâ riggiuni Alsazzia si parra puru lu dialettu alsazianu, lingua d'urìggini girmànica chi, purtroppu, è 'n pirìculu d'estinzioni

Colmar è na distinazzioni turìstica assai pupulari, famusa pi l'aspettu di fàuli, li musèi e la gastrunumìa lucali. Tra li spicialità culinari ci sunnu *choucroute* (crauti acru), *tarte flambée* (na speci di pizza fina) e ovviamenti li vini alsaziani, ca cumprènninu varitati comu lu Riesling, lu Gewürztraminer e lu Pinot Gris. Colmar è macari l'ingressu dâ abbanniata Route des Vins d'Alsace, una dê pircursi dô vinu cchiù famusu nta l’Europa.

Una di l'attrazzioni principali di Colmar duranti l'invernu è lu sò Mircatu di Natali, ca trasforma la città nta nu veru villaggiu di favi cu luci, dicurazzioni e stand ca vènnunu artiggianatu lucali e dilicatizzi di Natali.